منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   مساحة مفتوحة (http://www.66n.com/forums/forumdisplay.php?f=3)
-   -   اعاني من وسواس مختلف ؟ (http://www.66n.com/forums/showthread.php?t=193762)

حبيبه حسوون 01-10-2009 05:30 PM

اعاني من وسواس مختلف ؟
 
السلام عليكم ..

انا اعاني من الوسواس وفيه وحدة من خواتي نزلت موضوع عن الوسواس بس انا نوعيه وسواسي غير

والله صرت اكره نفسي .. يعني اقعد افكر افكر وفكررة تسحب فكرة لين مااوصل لدرجة اني ودي اصارخ

واضرب نفسي عشان هالافكار تطلع من راسي

يعني مثــلا ~~~> فلانه كانت تتكلم وتطالعني اكيد كانت تتكلم علي وبعدين هالكلام بيوصل الى ...... وبعدين بيوصل الى ........ وهذي بتقول لـ ......... (( كل واحد قريب من هالبنت اللي شكيت فيها يطري على بالي ))

اقعد طول الليل افكر اشلووون اعرف الصج .. واقعد احاول واحاول لين مااحصل على ايميلها او اروح اكلمها شخصيا واقعد استدرجها بالكلام

حتى اني والله العظيم فكرت اسوي شي غلط .. فكرت اني اضيف ولد .. والسبب ~~~> سـافرت مع اهلي وكانوا معانا اولاد ونفس الشي يجيني الوسواس انهم يتكلمون علي مع ان وربي وربي ماسويت شي غلط .. فقعدت افكر اني اضيف ولد واحلفه بربي واسأله اذا تكلموا عني او لا .. بس تعوذت من ابليس وللحين الفكرة في بالي

تعبت تعبت اتمنــى المووووت .. احااااول اشغل نفسي في اي شي بس مافيه فايدة

يمكن البعض يقول اني مكبرة الموضوع بس اتمنى ان فيه احد يحس فيني .. والله ماكتبت لكم الا يوووم ماوصلت حدي

يعني السالفه مو سالفه وسواس بس .. سوء ظن وشك وانعدام الثقه بالنفس وحتى ساعات اذا قعدت افكر في شخص معين لفترة طويله من القهر اتمنى له الموت بس بعدين استغفررر ربي

سورة الناس دآآآآآآآآيم على لساني .. طووول اليوم ارددها بس مافيه فاااايدة

ســـــآآآآآآآآآعدوني تعبت ومسامحه على الاخطاء لأني اكتب بسرعه وماادري شقاعده اقول بس ان شاء الله تفهموني

GREEN222 01-10-2009 05:58 PM

لا لا لا ما هذا حد يحب حسن ويزعل,ازعل منك


انتي حبيبة حسونه لازم تكوني فرحه وتفرفشي


الاستغفار حبيبتي وىية الكرسي

انتي بيدك تقاومي وضعي في راسك ان المسلم لا يخاف

ودايما استبشري بالامل وتفائلي

ومن ثم حاولي تشغلي نفسك بشغل الصوف او الكونفا او الكروشيه


احضري كتب وتابعي الصور تصدقيي انا ما كنت اعرف انكليزي واحضرت الكتاب ولحقت الرمز


وما معناة وفتحت القاموس واشتغلت اجمل القطع لاولادي وللبيت


او مثلا ادخلي واقري اشياء تضحك واضحكي


اعملي جو مرح لنفسك

زماني على كيفي 01-10-2009 06:11 PM

اشغـــلي نفسج ولا تقعدين بروحج عشان ماتفكرين

حبيبه حسوون 01-10-2009 06:13 PM

مــآآآقدر والله مـــآآآقدر

أبن المكلا 03-10-2009 01:29 PM

اختي انا شاهدت برنامج في التلفزيون وكانت وحده تقول نفس الي قلتيه
انها تشك وتوسوس كثير وتصل الي درجة الصراخ

رد عليها الدكتور وقال لها انو عندها مرض نفسي مدري شو اسمه
الطبيب اسمه احمد النجار
والبرنامج اسمه لون حياتك يعرض كل يوم سبت الساعه 9 بتوقيت الامارات
على قناة دبي
اختي انصحك ما تهملي نفسك وانك تستشيري طبيب نفسي
لان مشكلتك مشكله نفسيه لذلك صعب ان تحلينا بمشورة على الانترنت
لذلك نصيحه انك تخبري اهلك بلي تحسينه لان لو استمريتي على هذه الحالة
راح تطور عندك ويمكن يصير فيكي شي

اتمنى لك التوفيق اختي
^_^

حبيبه حسوون 08-10-2009 01:06 AM

أبن المكلا الله يجازيك .. والله انك خوفتني


الساعة الآن 05:16 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©