|
مستجداتي مع زوجتي
السلام عليكم ورحمة الله وبركاته
يسعد مساكم ان شاءالله انكم بخير غبت عنكم فتره للظروف وها انا اعود بعض الاعضاء فاهم مشكلتي ولكن النفس خلاص بدت تتعب والله اني حاب افضفض عما بداخلي صرت ما عاد احس باي مشاعر تجهاها واتمنى فراقها ما ادري من الشيطان على كثر ما كنت متمسك فيها وودي الامور ترجع واعدل فيها بس نفسي من الداخل بدت تتعب وابيه وبنفس الوقت ما ابيها وودي ارتاح ويعلم الله انه شي غصب عني وانا مارست العاده وودي اقولكم ايش اللي صار وكيف اتصرف مع اني ماني مبين اي شي كابت على نفسي والان زوجتي معاي اخذتها من بيت اهلها في نهاية رمضان واللي صار انها معاي واتكلم معاها وترد على قد السؤال يعني مو مرتاحه نفسيا عشان اطلب منها العلاقه مع ان كلامي لها كله كان الوضع عادي جدا طبعا وضعنا ننام ياهي قبل يا انا قبل وكانت لما تنام اجي انا انام وتصحى قبلي وانا اصحى للدوام الوضع هنا تنام لكن احس انها من الداخل تحاول المهم صحيت مره الصباح والله ياناس نفسي احس اني متزوج وان زوجتي تنام بجنبي المهم صحيت مره الصباح لقيتها جالسه قلت لها عدلي نومك ناظرتي بنظره كان مو عاجبها كلامي قلت لها خلاص بنبره حاده قالت زين قلت انا ما اقول هالكلام هذا بضايقك بس نفسي نعدل وضعنا المهم بعدها بيوم سوت عشاء وجابته كانت تبغى بطاقة للاتصال بالانترنت قلت لها ترى الاتصال جاهز قالت انا دخلت االنت وبكمل دراسه طبعا في المدينه اللي غير وظيفتي فيها قلت لها وانا ولا اخذتي رايي طبعا كلامي عادي معها قالت مو لازم وفيها ضحكه اللي بيكمل انا والا انت قلت لا انتي واللي يريحك قالت انا قاصده هالكلام بشوف ايش تقول قلت تقولين هالكلام مو لازم بتشوفي ايش اقول!!! قالت انا شايفتك من امس تدور اي شي عشان تتهاوش قلت عشان قلتلك عدلي نومك قلت لها انا بسالك سؤال انتي مرتاحه معاي والا لا وحاسه بكلامك هذا وحاسه فيني عمرك ما حسيتي فيني حتى بالنوم والعلاقه شوفي كيف وضعنا انا انام وانتي تصحي اذا جيت بنام قالت اذا بالشي هذا انا ما اقصد قلت طيب وعلاقتنا وش تقولي فيها انتي مرتاحه كذا لوضعنا قالت لا قلت انا يمكن رومانسي بزياده المهم من كلامي لها قالت انت خيالي يوم قالت هالكلمه قلت انتي بيريحك كذا وتكلمت كيف بنرتاح واحنا كذا انتي يعني حاسه ان الجلسه والكلام بينا بيخليك تاخذي راجتك قالت ايه كذا احسن انا ماني مرتاحه الحين وانا اجاملك ادور اي شي عشان اسالك عنه واتكلم وانا من زمان اقولك خلنا نكون مع بعض عشان نستقر يعني انا فهمت من كلامها انها تبي الين تعود علي وترتاح نفسيتها المهم قلت اني تنامي وانا اصحى مهو حل قالت انا اذا نمت مدري عن نفسي قلت انتي مادريتي عني كلي وقامت متضايقه المهم دخلت عليها بالغرفه كانها وتمسح دموعها قلت انتي الحين زعلانه من كلامي بس انا اقولك باللي احسه عمري ما حسيت انك تحبيني ولاعمرك قلتيلي تعال وانا احس نفسي اني اغصب نفسي عليك قالت انتي شايفني ما احس وجماد قلت انا ما قلت كذا قالت اتصل على الدكتوره واسالها كنت اقول لها شذنب زوجي انا ابي اريحه قالت انتي ارتاحي بالاول قلت لها انا متصل على الدكتوره من غير ماتدرين وعارف الوضع المهم حاولت اني اطيب بخاطرها مع اني ما زعلتها بشي واعذرها بسبب نفسيتها وقالت انت اذا منت قادر تصبر وياليتني ما تعالجت والله اني رحمتها المهم بعدها بيوم تكلمت معاها بخصوص العلاقه قلت لها انا بتكلم معاك ومافي شي بالغصب الا لما تكوني مرتاحه شي غصب عني ولا راح اجبرك ويمكن ترتاحي انتي تقدري الحين والا لا قالت لا اصبر لما ارتاح شوي قلت زين وسكت المهم اخذت شوي وقالت تصبح على خير ونامت يعني ما اشوف انها تغريني بشي لامن عطور ولا من ملابس نوم مغريه ما عمري شفتها لابستها لي تعطر اذا رحنا لاي احد فقط المهم امس اول ما صحت من النوم كان فيه اغراض ناقصه وكانت عازه حريم قالت ناقص كذا معاك فلوس قلت معاي اللي يالله يكفي لنهاية الشهر المهم رحنا وجبنا وحنا نتقضى قلت خوذي اللي يكفيك ووالله مو بخل لكن تعرفين هالشهر ورمضان والعيد ومصاريف المهم وحنا نتقضى اخذت المهم جت بتاخذ كذا زياده من الاغراض وتتفرج قلت لها خلاص اخذتي الفلوس يالله تكفي قالت شسوي!!! المهم اني ما قصرت واظغط على نفسي بشوف ايش نهاية هالصبر والعطاء ومع ذلك اضحك واسولف المهم نزلتها ونزلت الاغراض قلت لها انا بطلع قالت اسوي لك عشاء قلت خلاص سويه وبجي شويه المهم جيت الساعه 12 حطت العشاء قلت تعشيتي قالت ايه تعشيت ودخلت المطبخ تشتغل وتسوي حلا واكل المهم من الساه 1 الى الساعه 3 الفجر دخلت عليها شفتها تسوي اكل قلت لها ريحي نفسك خلي الشغل بكره قالت ما فيني نوم !! شربت ماء وطلعت يعني اقولها تعالي اجلسي معاي بالطلب!!! المهم نمت والله انها مانامت الا الظهر الساعه 2 وصحت قبل العصر بالمطبخ صحيت انا وجلست جابتلي القهوه وراحت يعني تكلمني هي وواقفه وبس ما جلست كنت متفق اجيب اغراض ناقصه ذكرتني فيها جلست شوي ولحالي واهي تشتغل جتني قالت متى بتجيبها قلت لها الحين ورحت وجبتها ورجعت بعد فتره عطيتها لها واهي بالمطبخ جلست لحالي بغرفة الجلوس الى المغرب جت وقالت جو الضيوف او مره اشوفها لابسه لبس بنطلون مدري عشاني او عشان الناس والله ياناس اني اتكلم وظاغط على نفسي والله صار موضوع العلاقه والرومانسيه والمدح والشكر والحنان افتقده كثير احس اني متزوج انسانه ما تعرف ايش ابغى ومحتاج او انها عارفه ومهي قادري تتقبل هالشي بحكم حياء او مرض او تربيتها يعني وما انكر اني من بعد ما جبت الاغراض وطلعت انها ارسلت رساله تقول الله يعطيك العافيه وادري اني كلفت عليك بس اعذرني!!! ما رديت عليها بشي ياناس والله صار عندي خوف اني اقرب منها ونفور وقلت لها هالكلام صرت اخاف اقرب منك تتضايقين واحس اني قاعد اجاملها الحين والله اني احيانا افرح اذا طلعت او رحت للدوام من الظغط والكبت مع ذلك ودي اظبط الامور مدري يعني هل الحرمان من العلاقه ياثر من ناحية التصرفات والسلوك والكره والحقد يارب ييسر الامور واحيانا افكر اني اوديها عند اهلها نهاية الشهر بدون ما اتكلم وانزلها بعده اقول لها خلاص زواجنا هذا ما فيه راحه ولا سكن ربي ماكتب لنا نصيب نستمر مع اني حاط هالامور اخذ شي واهي ما تدخل عندي قليل تجلس وما تستقر كل شوي طالعه واذا بغت شي تتكلم وتروح ياناس اصبر لنهاية الشهر واشوف اذا هي مرتاحه واظغط على نفسي |
خلاص مالك الا هالحل
اقتباس:
|
الله يعينك
أنا أحس أنه في تطور من ناحيه أنها أنها تناقشك تأخذ وتعطي معك .. تحاول تستفزك في الدراسه .. عزيمتها لاقربائها .. تحضيرها للعشاء لك .. مع أن هالاشياء ماكانت قبل تصير .. أنصحك أجلس معها وأسالها ياهي تقنعك ياتقنعها .. وكرر السؤال عليها كذا مره .. وذكرها بكل اللي سويته لها .. والله ييسر أموركم |
حياك الله اخي مظلوم الحب و كل عام وانت بخير .. هذا هو وضعك يا اخي ما شفت شي تغير في حياتك .. عندما عزمت زوجتك الحريم عرفت كيف تطلب منك الاغراض و تخرج معك و تشتري . و كذلك عرفت كيف تلبس و تتزين .. و عرفت كيف تطلب منك بطاقة النت لكي تسجل لدراستها .. اما عن العلاقه بينكم سواء الجنسيه او العاطفيه فلا زلت تعاني من الحرمان .. انت من كتب على نفسه الظلمه .. وليس الله بظلاّم للعبيد .. |
لا لا لا ياخي ... الصبر ... الصبر ... الصبر
لا توديها لأهلها زوجتك فيها خير كثير وانت بعد فيك خير كثير زوجتك تحبك , واضح جدا من تصرفاتها وانت واضح انك تحبها اسنتتجت الكثير عن وضعكم من خلال موضوعك هذا لو تكرمت نزل رابط مشكلتك السابقه , لأني لم اقرأها ولا اعرف التفاصيل السابقه لحياتكم , ولا انسخ موضوعك ونزله بهذا المتصفح , وباذن الله لك الحل اللي يسر خاطرك وخاطر زوجتك الطيبه . |
اقتباس:
الله يجزاك الجنة ما أجمل أن تضع الأمل في قلوب الناس وتغير نظرتهم للأمور تعطيهم مساحة لمراجعة النفس والتفكير بعمق قبل أخذ أي قرار . ماأجمل أن تساهم في بناء أسره سعيده ...وتبعد عنهم أي فكر يهدم . الحلم والتروي >>> أساس في تجاوز الكثير من الصعاب يفتقد هذا الأساس كثير من الأزواج أخي الفاضل بارك الله في تواجدك في المنتدى . |
اقتباس:
سبحان الله يوم قريت الرد توقعت ان الاخ ابو حكيم ما قراء مشكلتك من البداية الاخ مظلوم الحب يسر الله لك أمرك انا اصبت بالعين المصا ئب يريد من يسا عده ليتخلص من التعب وانت ما قصرت مع زوجتك لكن هي للا سف لقت ما تشد عليها فصرت ما تسا عد نفسها تعافى اضغط عليها قلها انا مخليك على ذمتي بس انا مظطر التزواج اعف نفسي وانتي مو قادر تحققين لي هذا الشي زوجتك كما قالت الاخ اميرات تعرف كيف تطلب وتنزل السوق واتذكر مره طلبت منك مبلغ وهي في بيت اهلها علشان عندها زواج ام العلاقه تشعر انها مريضه انا جاتني افكار اكره الرجال اجمع حتى والدي اكره انا اراه .... وعمي الى درجة ان عمي لحظ ذالك كنت لا احب ان يجلس اخي بجانبي هذا قبل ان اتزواج حدثت امي مره قلت لان اتزواج اكره الرجال سا عدت نفسي بي التخلص من هذه الافكار وتزوجت وكنت خائفه لكن مرات الشهور وانا اجبر نفسي على كل شي والله هو خير معين . تزوج من 10 شهور زوجي طيب لكن لديه افكار عقيمه لتعا مل مع الزوجه ولديه خبرات سا بقه اثرت عليه في تعامله معي كنت طيبه دائما التمس له العذر واكره ان الضايقه في ابسط الاشياء وأقول ازمه وتعدي لكن الان تعبت وانا متعبه اصلا تزوجت اريد الاستقرار لكن تعبت من كثرت المدارات والتطنيش ام الان الاخ ابوحكيم نصحني نصيحه اشعر انه ايقضني من سبات اعانك الله |
يا أخي أنت من اشقى نفسه جالس تراعيه مراعاه ضعيف الشخصية
هي مستحية منك ابد بالعلاقة دون أخذ رايها فمن كلامها تبين لك انه تريدك تبدأ دون أخذ رايها فمشورتك لها تبين لها أنك ماودك انت بشيء وكانك تختبرها فتطلب منك التمهل نصيحتي لك خذ حقك منها دون اخذ رايها وفي اي وقت اطلب منها الجلوس معك وتناول القهوة والاكل اطلب منها عدم النوم وأنت صاحي بل تجلس معك لا تنتظر منها كلام الحب في الوقت الحالي لا تنتظر منها المبادرة بل أنت المبادر دوماً لا تظلمها ما ذكرته اعلاه انت تتحمل 100 % ما حصل |
أميرات ماعندها الا طلقها وشف نفسك
ياأختي اتقي الله مو اي واحد يكتب مشكله ننصحه يطلق ماسمعتي الا من طرف واحد يمكن لو زوجته كتبت المشكله لأظهرت مشاكل لم يذكرها الاخ عن نفسه انا متابعه لجميع مواضيعك يا اخ مظلوم واستنتجت انها تعاني منك مثلما تعاني منها |
اقتباس:
طبق هذا الكلام يمكن تنحل المشكلة. |
| الساعة الآن 06:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©