نريد حلول لقله الحديث بين الزوجين ...
 

السلام عليكم ...


اخواني اخواتي ...

اعتقد اغلب الحريم يشاركوني الرأي ... بأنه اذا ما فيه حوار بين الزوجين او مو شرط حوار بمعنى حوار ..

نقول سوالف ... يحس ان اليوم مملل و انك بعيده من زوجك وماتعرفينه ...

حقيقه انا زوجي ... ما يسولف ... ولا يعلمني عن شيء .. مع اني ما اطلع سر .. واقدر اخذ معاه واعطي بالسوالف الا ( بالسوالف الماديه ) تسير هوشه ... بس غيره لا .. ممكن اخذ واعطي معه ..


المشكله اني لو ما اسولف .. لو ما استهبل .. لو ما اضحك ... لو ما اقوله اش رايك ب.... اي شيء..

والله صعبه

يعني لو كان يحب الكره والمباريات ،،،
مجبور ه انج تصفحين فالمنتديات عشان تعرفين اخر اخبار الكره وتسولفي!!!!!!!!!!!
ما استوعب السالفه بصراحه

بس لي اقدر اقوله

انج تحاولي تتكلمي فأي شي حتى لو تكلمتي بلي تعرفي ولي تحبيه عشان يندمج معاج بالسوالف ولا انج تسكتي بما انه سكوتي وماعنده سوالف حاولي انتي تسولفي باي موضوع ن بس اهم شي يكون هالموضوع فيه حاور ونقاش سواء ان كان سياسي او غيره

ثقفي نفسك وعليك ان تقرأي الكتب التي تتحدث عن نفسيات وعقليات الرجال

هناك اشرطة قد تفيدك كشريط فهم النفسيات بين الزوجين لجاسم المطوع

انماط السلوك لمريد الكلابي

-خاطبي زوجك على قدر عقلة وتعرفي على اهتماماته وهواياته

وحاولي أن لاتجلسي دائما عنده اذا هو الصمت والكتمان فبعض الناس كذا الله خلقه قليل الهرج

تحمليه بعلاته

ووسعي صدرك وأهرجي مع صديقاتك وقريباتك بالهاتف حتى تخلصين بطارية الكلام وتفضفضين عن نفسك وترتاحين من عدم الكلام الزوج