السلام عليكم ورحمة الله وبركاته

أنا ابي أخذ رايكم هذي فتاه الله يهديه ويصلحها تقول عن ابوها (؟؟؟؟) اسم حيوان وليش لانه تزوج على امها وكان مقصر عليهم ولا يسال عنهم بس تغير الحال الحين للافضل معهم بس باقي شايله عليه و دايم تقول انها ماترتاح لمن يكون موجود عندهم وحسب كلامها كل اهلها مايرتحون له ويبونه دايم يكون برى او بعيد عنهم طبعاً كل المشاكل صارت من زمان بس لحد الحين شايلين عليه بالرغم اني اشوف ان والدها صحيح مقصر معهم بس كان حافظ حقهم مع العلم حتى يوم كان مقصر معاهم وضعهم جيد وكان معطيهم بيت وينفق عليهم وكل عياله يدرسون بمدارس اهليه بالرغم انه الحين كبير في السن ومحتاج راعيه اكثر بس ولاهمهم شي ..

انا ابي رايكم في هذي الفتاه زميلة اختي وانا اعرف عائلتها.. الفتاه ماشاء الله عليها محافظة على الصلاة وتصوم وعلى خلق والكل يمدحها من اهلي بس من يوم قالت لي اختي كذا انا تغيرت شوي وقلت لاختي كان قلتيلها هذا ابوك مايصير تقولين عليه كذا قالت قلت لها بس الله يهديه ماتقبلت وجلست تقولي سوى فينا وفعل فينا .. انا بصراحه مفكر اتقدم للبنت انا معجب فيها كثير ومن مده كبيره اتمنى انها تكون زوجه لي بس بصراحه بعد ما سمعت الكلام هذا احس اني تغيرت شوي مع العلم الفتاه مالها الا الله وامها وكل واحد من اخوانها ما همه الا نفسه طبعاً هذي العائله احس انهم مره متفرقين يعني مافي اي علاقه اجتماعيه بينهم وبين قرايبهم حتى قريبهم اللي من الدرجة الاولى ماتعرفهم ولا شافتهم حسب قولها لاختي عشان ابوها كان مسوي مشاكل معاهم من المفترض تكون المشاكل بين الكبار وباقي العايله مالها اي دخل .. انا بصراحه ما اخذت راي احد حتى اختي ما اخذت رايها ابي الراي من عندكم ياجماعه .. ايش اسوي بصراحه انا محتار محتار محتار