|
تسآؤلآت مالك ِ وما عليك ِ
السلآم عليكم ورحمة الله وبركـآته تعآلوآ نغير جو المنتدى هاليومين ,, الآحظ بعض أخوآننا وآخوآتنا تعجبوآ من كثرة الآهآت و رثآء النفس !! يآجعلــهم مايذوقوا ظلم وضيم وقهر لكي لا يعرفوا الآسبآب،،، دعوة لنقآش هآدئ ،، أرجو أن لا يطب آحد هنا بالغلط ،، ويدآخل مدآخلآت على إعتبآر الأنثى المنفصلة تعآمل بمستوى أقل ،، كما حصل معي سآبقآ ،، وردت عليهم سلطآنة نفسهآ ‘‘ الله يسعدهآ ويذكرهآ بالخير : ) عسآكم بخير جميعآ .. أقر الله عيني كل مشتآقة لأطفـالها بهم،، وأصلح بين المتخآصمين وكتب لهم الخيرة حيث كآنت ورضآهم بهآ.. عندي بعض التسآؤلآت وأرجو الإجآبة بحيادية ,, لماذا يتقدم الآعزب لمنفصلة لديهآ طفل ؟؟ هل هذا يعني بالتأكيد وجود سلبيآت حقيقية فيه ؟؟ والتسآؤل الثآني وهو الآهم ... بتصوركم متى يمكن لمن فارقت زوجها والبيبي عمره شهرين أن تتزوج ؟؟ يعني كم يكون عمره المفروض ؟؟ حتى يدخل المدرسة مثلآ ؟ : ) عشآن لا ينتقدها المجتمع ممن يحملون تفكير أعوج .. حـــآليا ً الفكرة مستبعدة شكلآ ومضمونا ً على الأقل من هالشخص لآنه سبق واتكلم قبل الإرتباط وبكذآ ممكن ينتقم طليقي ،، و يعآند بالطفل الله يحميه من فوق سآبع سماء ،، وسؤال آخير : لكل من مر أو سمع بمثل هالوضع ،، هل دائمآ عندما تتزوج المراءة ؟؟لازم شرط يعني يآخذ الأب ابنآئه ؟؟ مااقصد الحكم ادري من حقه اقصد بالغالب وش يصير؟؟ اشكر لكم سعة صدروكم ،، لا تحرمونآ آرائكم النيّرة،، وفقكم الرحمن لخيري الدنيآ والآخرة ،، تقبلوا إحترآمآتي .. |
والتسآؤل الثآني وهو الآهم ...
بتصوركم متى يمكن لمن فارقت زوجها والبيبي عمره شهرين أن تتزوج ؟؟ يعني كم يكون عمره المفروض ؟؟ حتى يدخل المدرسة مثلآ ؟ : ) عشآن لا ينتقدها المجتمع ممن يحملون تفكير أعوج .. اسمحيلي اجاوبك على هذا اول عزيزتي اللي يبي ينتقد بينتقد سواء تزوجتي ثاني يوم من انتهاء العده او بعد ما يكبر طفلك ويصير رجال لكن اللي يحدد هو انت ووضع طفلك وين راح يكون بعد زواجك واذا راح يبعد عنك راح تستحملين بعده او لا عزيزتي اخر شيء تفكرين فيه هو المجتمع وانتقاداته اما تسائلك الاول مو شرط يكون فيه سلبيات يمكن يكون حاط العين عليك قبل تتزوجين لكن سبق ابو طفلك واول ما انفصلتي ماصدق تقدم ويمكن يبي مواصفات معينه مالقاها غير فيك وكون عندك ولد مايعتبره سلبيه وجايز يكون فعلا عنده سلبيات من وجهة نظره لكن ممكن تكون بالنسبه لك ميزه باختصار اذا صفاته مناسبه لك واخلاقه ودينه فوش المانع اعرف واحد ملتزم وخلوق جدا ومن عيله محترمه ومستواها عالي (يعني الف بنت تتمناه ) تزوج ارمله عندها ولد صغير واخذ الولد مع امه رباه ويصرف عليه بعد ومعتبره ولده اما سؤالك الاخير فمو دائما اعرف اكثر من وحده تزوجت من ثاني واطفالها اللي من الاول اما عندها او عند اهلها يعني ما اخذهم ابوهم الله يارب يوفقك ويكتب لك اللي فيه الخير |
ننتظر مزيد من الاجابات
|
~حيآك الله غآليتي زهرة نجـــد ~ نورتينا بمشآركتك الله يسعدك،، سخرلك الرحمن ولصغآرك الصآلح من عبآده وإمآئه،، |
اشكر لك مرورك الكريم آخي الفآضل الكسآئي ،، وجزيت خيرآ للرفع،، |
حبيبتي عاشقه الرياض أنار الله دربك .. ووفقك لمايحبه ويرضاه ..
لاأعلم عندما أقرأ معرفك لاأستطيع المرور دون قراءة درك أو موضوعك .. لماذا يتقدم الآعزب لمنفصلة لديهآ طفل ؟؟ هل هذا يعني بالتأكيد وجود سلبيآت حقيقية فيه ؟؟ أنا راح أجاوبك عن هذي النقطه فعلاً المجتمع ينتقد الاعزب إذا تزوج مطلقه فما بالك عندها طفل .. لكن أنا من وجهة نظري أن هذا الانتقاد خاطئ .. لان لدي َ العديد من الامثله لزيجات ناجحة من عزاب تزوجوا مطلقات بل وأمهات .. سوف أعطيك عده أمثله من حولي .. أربع شباب لم يسبق لهم الزواج تزوجوا مطلقات .. وعاشوا معهم حياتهم ولم يتزوجوا عليهم ماشاء الله.. شاب تزوج أم لديها بنت وولد أعمارهم من 8 : 10 سنوات والآن لديها منه بنت وولد وماشاء الله مستقرين الله يتمم عليهم أيضاً شاب تزوج أرمله لديها 4 أو 5 لا أعرف بالضبط والان له حوالي 20 سنه من زواجهم وأغلب الناس يلومونه ويحثونه بالزواج من أخرى وهو يرفض وأعرف شخص قال له كأنها أمك وليست زوجتك .. ناس تحشر أنفها بكل شيء .. أيضاً شاب تزوج من مطلقه لديه طفل والان لديه منها 4 أطفال وحياتهم مستقره .. يعلم الله أن هولاء اللذين ذكرتهم أعرفهم وأعرف أوضاعهم والله على ماأقول شهيد .. والشباب لا أرى أنا ولاغيري فيهم أي عيب .. لكـــن بإختصار المجتمع لايرحم .. ورضاء الناس غايه لاتدرك .. |
عزيزتي حرم المعلم ،، حياك البآرئ وبياك ِ وأنار لك مسعاك ِواشكر طيب تفآعلك ِ سعدتي مع من تحبين ،، |
المرأة المطلقة لما يكون عندها طفل...وتتزوج مرة ثانية لابد ان تقوي قلبها على فراق صغيرها وتحاول قد ما تقدر انها تزوره وتعوضه من فقدانه لحنانها...
اعرف وحدة تزوجت وطفلها ما كمل 3سنوات...وخلت ولدها عند امها الزواج حق شرعي لها...وفي بعض المطلقات يرفضون الخطاب لأنهم مايقدرون يخلون عيالهم اما تساؤلج بخصوص الاعزب اللي يخطب مطلقة وعندها طفل...فالأجوبة بيكون لها عدة احتمالات قد تصيب وقد تخيب اهم شي اذا هي اقتنعت فيه واستخارت الله واسمعت عنه كل خير...تتوكل على الله وتتزوجه وماعليه من كلاااام الناس...الناس كلامهم مايخلص وما خلو احد ماتكلموا فيه!!! الله يوفقكِ ويجعل لكِ من كل خير نصيب..,,, |
حيا الله إطلالتك الطيبة أخيتي أملـ@
اقتباس:
سـ :~ ولماذا لم تأخذه معها؟ أم في تصورك استحآلة أمر كهذآ؟ أسأل ارحم الرآحمين أن يوفقك ِو يرزقكِ حتى يرضيكِ،، |
| الساعة الآن 07:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©