|
محتاره مع اني رديت على أهل خطيبي بالموافقة
السلام عليكم ورحمة الله وبركاته
بدخل بالموضوع على طول انا تقريباً كملت 3 اسابيع وانا مخطوبه واستخرت مرتين وكنت مررررررررررره مرتاحه ومستانسه بس ماادري اشفيني اليوم قلت بقوم استخير مره ثانيه واستخرت واحس قلبي مقبوض مومرتاحه ماادري ليه افيدوني الله يخليكم وربي محتاره مع العلم اني رديت على اهل خطيبي اني موافقه واهلي استانسوا بالحيل بس ماادري وش اسوي ارفض اخاف يزعلون ويشولون بخاطرهم ولا هذا وسواس فيني ولا ايش بالضبط مو عارفه اتمنى تساااااااااااااااااااعدوني مالي غيركم |
مبروك الخطبة يا ريفان
يا حبيبة قلبي الاستخارة ماهي كذا فديت قلبك ولا تحسين عقبها باحساس زين او شين اقري عن الاستخارة وطريقتها لانه كل الناس تنتظر عقب الاستخارة احساس او حلم ما الاستخارة شروطها يا غالية انك تصلينها وتشرعي بالعمل اللي ناوية فيه .. واذا ربك كاتب الخير فيه بيتسهل واذا مالك نصيب فيه بيتوقف بقدره الله سبحانه ويتغير مساره ابعدي وساوس الشيطان عنك وانبسطي بايام الخطبة واذا لا سمح الله صار شي وما تم الزواج تكون خيره من رب العالمين وتكون هذه هي استجابة استخارتك اتمنى تقرين اكثر عن شروط الاستخارة ولا تستلمي للاعتقادات الخاطئة الف مبروك مرة اخرى |
الله يكتبلك الخير ياااااااااااااااارب ويوفقك يمكن ضيقه من شي تانى
مادام استخرتى خلاص لو مافيه خير راح يصير شي ومايتم موضوعك لاتتسرعى وترفضي ربنا يسهل امورك ويسعدك |
بكر الشايب
الله يبارك فيك وان شاءالله يكون لي خير بهذا الزواج |
بنت مكه 2008
يعطيك العافيه ريحتيني شوي |
مثل ما الاخوة قالو الاستخار مش بالراحة او عدمها
انما بتيسير الامر من الله وده معناه ان الله اختاره لكي وطبعا ضروري تسالي عليه كويس جدا بين اهله وفي مكان عمله وربنا يوفقك |
ام روزينه
هو مافيه شئ بالعكس اخلاقه تماام والكل يمدحه وهو معروف بين عماني واولاد عمي بااخلاقه ودينه وطيبته |
عليكم السلام والرحمه...
الله يكتب لك كل مافيه خير،، دمتي. |
الله يوفقك ويسعدك بالدنيا والأخرة
|
يا قلبي لا استخرتي لو ربي كاتبه تشوفين الموضوع يمشي بسرعه
انا انخطبت قبل شهرونص تقريبا وتحددت ملكتي بالعيد والزواج الصيفيه الجايه يعني الموضوع تسهل صدقيني داخلني خوف تردد مشاعر غررريبه بس يوم عرفت خطيبي أكثر ارتحت له يااااارب يتمم لي ولك ولكل البنااات ويجمعنا على خير بأزواجنااا يعني خطابنااا <<<< مستعجله خخخخخ |
| الساعة الآن 04:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©