|
ماهي الالعاب المناسبه لطفل عمره سنتين ونص؟؟
الرجاء مساعدتي في اختيار الالعاب المناسبه لعمر طفلي
؟ ؟ لان ولدي اسم الله عليه شيطوووون درجه اولى ومأذيني واللي زاد الطين بله انه دلوووع واي شي يبيه يصير بحدود طبعا عنده العاب كثيره بس يمل على طووول ويتركهم هذا اذا ماكسرهم!! لكن يموت عالكره لكن تدرون كره وبالبيت مصيبه !! كل يوم كاسر شي واذا شاف مباراه يتسمر عند التلفزيون 5 دقايق بعدين يرجع يتعبث باللي يلقاه اهاوشه اطقه مايفيد يبكي بعدين يرجع اذا في العاب مناسبه لسنه ممكن تقولولي عنها عشان استفيد ويهدى الوضع شوي؟؟ فالانتظار:25: |
حسستوني اني داخله مغااااره مو موضووووع
وينكم !!! (اني بدي هير؟؟) |
هلا فديتك
تدرين ايش مشكلة عيالنا هالايام ؟ كثرة التكنلوجيا اللي خلتهم يملون من كل شي لانه كل شي سهل بالنسبة لهم ! اقول اشتري له صلصال يشكله والوان ودفتر الوان (اكيد عنده) لعبة الاستغماية (خبي عنه لعبة يحبها وقوليله يدورها بالبيت كله) اشتري الالعاب التعليمية اللي تحافظ على تركيزه من التشتت مثل العاب التركيب والمحاكاه (انتبهي انه في وقت اللعب يكون في مكان هاديء بدون ازعاج التلفزيون حتى لا يتشتت هنا وهناك) بعدين لعلمك بهالعمر الاطفال يظنون ان شغل البيت (ممتع) :) يعني استغلي هالشي واطلبي منه يلم العابه في صندوق وكافئيه أو يمسك فوطة ويمسح العابه مثلا نآآآني لي عودة فديتك بترجم لك بعض الاقتراحات من مواقع اجنبية واجي :) |
صباح الخير بكر
اذا عطيته الوان شيسوي؟؟ يرسم على ايده ورجله يحب يلعب بالمكنسه الكهربائيه يعني مخمه بالفصحى!! ..تخيلي من غير مااعطيه فوطه هو ياخذها ويروح يمسح اي شي جدامه (امامه) تلفزيزن ..اي شي!! بانتظارج يا احلى بكر |
هههه فديت قلبه
احسن شي .. اشتري له الوان خاصة بتلقينها في محلات العاب الاطفال الكبيرة أو جرير (خاصة بالرسم على الملابس والبشره) ولا تسبب حساسية وتنظف بالماء بسهولة يعني خلي هذه الالوان هي المعتمدة بالبيت علشان لا تتعبين بالتنظيف وراه ! خليه يكنس لك البيت يختي ويريحك من هالشغله دام تستهويه هههه شكله يحب الاشياء اللي تمشي مثل السيارات والدراجات واصلا هذا وقته يلعب فيهم شوفي الجو الحين صار رائع .. انا برأيي كل يوم تحاولي ترسليه مع دراجة مع ابوه الى ممشى أو حديقة أو شاطيء ويلعب اليييييييييين يتعب ويجي ينام على طول اسم الله على قلبه انطريني راجعة :) بس ترا كل الالعاب اللي بالمواقع الاجنبية نفس ما اقولك وكلها افكار لتحفيز التفكير والتركيز |
مافيه احسن من لعب التركيبات والبناء في سنة وبما انه ولد اشتري له مجموعة سيارات صغيرة وخليه يحاكي خياله يرتبها ويبحث عن موقف لها
ويوجد في محل التعليم المبكر لعب روعة ويكتب على كل لعبه العمر المناسب |
| الساعة الآن 02:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©