|
طبع زوجي
السلام عليكم ورحمت الله وبركاته
ابغي مساعدتكم :30: انا عمري 19 وزوجي 28 بس زوجي طبعه غريب هو وحيد امه وابوه متزوج ولا يجي عند امه الا قليل هو يحبني ومدللني مو مدللني مره بس بالمعقول لكن اذا امه ماتحبني ودايما تعملى حركات تقهر لكني انا مؤدبه مره معها وهو يدري بعمري ماغلطت عليها بس اذا سوتلي شيء احاول اني اعلمه باي طريقه واليوم قلتله اللي سوتلي اياه امه وجلس يبرر لها ويطلعني انا الغلطانه بس انا قلتله اصلا انت دايما تطلعني انا الغلط مادريت الا ثار جنونه على وجلس يسبني ويقول لا عمرك تتكلمي عن امي اعتبريها مثل امك واذا استمريتي كذا تراك بتحفرين قبرك بيدك انا مو من النوع اللي ارفع صوتي يوم خلص مهاوش جلست اتاسف منه بس مايعطيني وجه وهو ماوعدني يوديني دبي ويوم جلست احاول اراضيه قالي طبعا بهواش روحي جهزي اغراضك علشان نمشي لدبي صح غريب وهو ماخلي كلمه ماسبني فيها واللحين يقول بنسافر انا اذا تهاوشنا احس قلبي بيطلع من ضلوعي واحس بكتمه شديده ودي الارض تنشق وتبلعني واتمني انه يجي يراضيني بس مستحيل يخليني طول الليل مثل المجنونه |
الأخت الفاضله عناق
موضوعك مبتور وغامض وينقصه الكثير من التفاصيل اذكري لنا تفاصيل المشكله الأخيره على الأقل |
اقتباس:
هذي امة جنتة ونارة وش تبينة يرد عليكي بالله امي غلطانة و ...و ........ هذي ااااااااااااااااااام الله يسخر لك زوجك . |
انا افصلك يابو حكيم
احنا ساكنين بالدور الفوقي وامه بالدور الارضي انا انا صحيت من النوم الظهر وجلست اغسل ملابسي وبعدين اتروش واروش بنتي لانو اخت زوجي والده وجالسه عندنا قلت اكيد بيجون ضيوف المغرب ولما صليت المغرب نزلت تحت وانا كاشخه ومكشخه بنتي جلست بالمقلت وجبت القهوه دخل زوجي وجلسنا نتقهوي مادريت الا دخلت امه لا احم ولا دستور وتقول والله اني تفشلت اليوم ونحرجت مرررررررررره اليوم العصر جت عمتنا وسلمت علينا بسرعه وانه سالت عنك واني مره تفشلت قدامه وقلت بنته ماخلته تنام علشان كذا نامت للعصر قلتلها ياخاله انا كنت اغسل الملابس كان دقتي علي انزل احقرتني وطلعت يوم قلتله يقول اصلا عمتي هي الغلطانه موب امي انا اللي قاهرني انها تقولي فشلتين انا ايش سويت |
احساس عمري
انا ماابيه يسب امه انا كل اللي ودي انه يقولى ميخالف علشاني هذي مره كبيره ومن هالكلام |
طنشي حبيبتي فورا تخيليها امك وسامحيها
انا كنت دايما اعمل هيك مع والد زوجي خالي وقت يغلط عليي فورا اغير ملامح وجهه واضع وجه ابي مكانه واسكت وان رديت ارد بادب حبيبتي زوجك حس بالغلط ولكن يكابر لذلك طلب منك تتجهزو لدبي خلاص تجهزي وروحي غيري الموضوع امه تحس انك سرقتي ابنها منها وهذا شعور طبيعي تكون الوحده ميته لتزوج ابنها ووقت تزوجو تحس انو ابنها انسرق منها خلاصي فورا انتي من الداخل اقلبي صورة وصوت حماتك لامك لانه سيأتي يوما وتكوني انتي مكان حماتك وزوجة ابنك امامك مثل ما تدين تدان وايضا تصوري زوجة اخوكي ترد على امك او وقت امك تغلط بزوجة اخوكي انتي في النص بين امك وانتي مكان حماتك بعد عشرين او ثلاثين سنه قومي تجهزي واذهبي مع زوجك والله يهنيكم يا رب |
مشكوره اختي green على المرور
وراح احاول اسوي مثل ماقلتي واتخيلها امي مع انه فرررررررق كبير بينهم |
اقتباس:
حاولي يا حبي وانتي اللي رح تفوزي بالدنيه والآخره حبيبتي انا حماتي متوفاة رحمها الله وقت كان زوجي بعمر التسع سنوات ولكن حماي قام بالواجب وما قصر من فعل الحموات ولكن سبحان الله العظيم ارى وجه ابي فورا اتخيل زوجة اخي امامه ترد عليه وللحقيقه سبحان الله العظيم زوجة اخي وقت وصل دللت والدي على الآخر وصارت امي تغار مع ان امي طيبه مع كل الناس وتتشددد للكناين لكن مع زوجة اخي قلبت كل الموازين ما يعجبها اذا تنفست والله استغربت كتير وانصدمت من امي صحيح ان في زوجة اخي اشياء ما تعجبنا ولكن اخي سعيد معها الله يهنيه وعنده منها الآن اربع اولاد هو سعيد كفايه لي والباقي حسابهم عند رب العالمين تصدقي انصدمت وقلت الحمد لله انو اخي مغترب معي والا كانت امي طلعت الفصايص الحمر بزوجتو الله يهني سعيد بسعيده امي كل الناس تحبها لحمتها وتصرفها وكلامها وكل كناين العائله اسرارهم عندها يشتكون من حمواتهم الله يطول لي بعمرها وعمر جميع الامهات والآباء |
حبيبتي تتكلمين عن امه وتبيه يسكت
يعني لوهو اتكلم عن امك وش بتسوييين؟ بتسكتين ؟؟ لاطبعا لانها امك واغلى انسانه عندك حبيبتي ماينفع كل شوي امك سوت امك عملت لانه هذي امه اقل شي يسويه يستغنى عنك ويجيب غيرك يجيب اللي تطيع امه وتسمع كلامها نصيحه لاتشتكين له كثير بالعكس لما قالك يلا نسافر معناه انه يبي يراضيك بطريقته لانه لو كان زعلان كان الغى السفر وجلسك بالبيت |
ليتك تقرين مشكلتك بحيادية شوي
بتشوفين انها جدا جدا جدا بسيطة وانك الغلطانه فيها لا تقارني بين امك وامه ابدا.. لكن عامليها بنفس احترامك لأمك ونفس تقديرك احترمي زوجك والزمي الصمت اعلم انه صعب انك تسكتي لكن دام لم يوجه لك سؤال مباشر خلك ساكته بوجود زوجك هو يعرف يتصرف مع والدته ونصيحة .. مهما قااال هو عن امه بلحظة غضب.. اياااني واياك تؤيديه ! بالعكس هدي اعصابه واوقفي جنبها مهما صار |
| الساعة الآن 08:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©