|
نفسي اخذ عمرة لوالدتي وزوجي تركني وذهب لوحدة
السلام عليكم ورحمة الله وبركاته بعد وفاة الوالدة رحمها الله كان عندها أمل تعتمر برمضان لكن لمرضها لم تتمكن والله أخذ أمانته بدوري أحببت أن أبر والدتي بأخذ عمرة لها في رمضان والظروف تهيأت لي وفعلا كان زوجي يوديني لكن من ثلاث سنوات رفض ما ووداني والسنه اللي بعدها كذلك واللي بعدها ما رحت لكن هذه السنه كان عنده شغل في جدة ثلاث أيام وفرصه العمرة قريبه لكن أصر ما فيه وقدر الله وتأجل الشغل وما رحنا لجده لكن بعد أسبوع على آخر رمضان بلغني استعدي أوديك حق أهلك لأني أبي أروح لجده وتفاجأت أنه يبي يروح للعمرة مع صديقه وهو اللي بالبدايه رافض يوديني المهم عاتبته وكان رده عادي ما فيها شئ على الرغم من أني لست متطلبه ولا أكلفه فوق طاقته ودائما أعمل على راحته هو وأهله في المقابل ما بقى رفقتي وراح مع صديقه بغى لنفسه الخير وحرمني ويوم عاتبته عقب ليش رد خير وش صار مارحت فيك للعمرة وبالمستقبل بعد عادي وبدوري قلتله مثل ما تبي الخير حق نفسك اشركني معاك لا تحرمني ما اعجبه الحكي من اللي غلطان وش تفسيركم لتصرف زوجي بارك الله فيكم لأن فعلا موضوع ضايقني منه.. |
اذا هو معتمر قبل خليه ينوي عمرته لوالدتك الله يرحمها
يمكن صديقه طلب منه يصاحبه وهو يحب صحبته مافيها شي يا اختي يمكن صديقه هو اللي متكفل بكل شيء .. استفسري منه وان شاء الله يكتب لك البر بوالدتك قريبا |
وسعي صدرك يا اختي بالنسبه للروحه انما الاعمال بالنيات تصدقي لوالدتك والله يتقبل ولا تتضايقين هذولا هم الرجال الله المستعان بس
|
حبيبتي لا تكبري الموضوع،،مادام انه وعدك يوديك في المستقبل
ذكريه بوعده والحي عليه بس بلطف.. واكيد نيتك هي ابلغ من عملك،،وفي انتظار فرصة ذهابك للعمرة،تصدقي لامك،وداومي الاستغفار لها وكذا القرآن،،وان شاء الله ما راح يصير الا كل خير،وللي كاتبه رب العالمين الله يوفقك لما يحب ويرضى يا اختي. |
السلام عليكم ورحمة الله وبركاته
أخي بكر الشايب بالنسبة لتكاليف العمرة ما لصاحبه دخل..والعمرة لوكان يبي ينويها لوالدتي كان قالي قبل ما يروح.. لكن اللي ضايقني إنه يعني لا تتوقعين مني مستقبلا أوديك عقب نقاشي معاه وشرهتي عليه ..الزواج شراكه بالخير وأحب له الخير مثل ما أحب لنفسي بل العكس أبديه هو وعيالي على نفسي والتفاني لين ذكرته له يقول ما له داعي تقولين لي هالكلام يعلم الله لست بكفارة عشير لكن هذا أقل شئ ماني بطلابة ولا مكلفة عليه والله على ما أقول شهيد ..كيف أتصرف معاه بعد ذلك.. |
صمت السكون جزاك الله خير على الرد ولله الحمد ما ذحرت عن الوالدة والواحد مايعدد وش سوى حتى والد زوجي ما أخليه أسويله كل خير والله خير مستعان..
|
hermosa أشكر لك تفاعلك وردك وأحب أوضح هو ما وعدني بالمستقبل رح يوديني بل بالعكس ما فيها شئ لو ما وديتك السنوات الجايه يعني ..ما طلعت منه بأي شئ أو وعد والله خير عوين المطلع الشاهد لكلينا شاكرة مرورك في ميزان أعمالك إن شاء الله
|
روحي لعنده وقوليله بكل حزن>>راح اقولك كلمة واحدة اسمعها منيح:"اذا رفضت انك توديني لأعتمر لامي انا ما راح اجادلك،بس كمان ماراح اسامحك لانك حرمتني وحرمت امي الله يرحمها الاجر و الثواب،واكيد رب العالمين سيعاقبك لانك منعتني من بر والدتي،بدون عذر شرعي"،،،وروحي لغرفة ثانية وعيناك مليانين حزن..
وان شاء الله بهاد الطريقة يلين قلبه وضميره يأنبه ويجي يفرحك بانه وافق ان شآآآاء الله طمنينا عنك ساعتها |
الموضوع ما فيه حاجة ، ولا تأخذي كلام زوجك على محمل الجد ربما حالته ما تساعده للذهاب للعمرة بك وأولادك ، ولذلك قال يمكن ما يروح بك في المستقبل عموماً أنت عاقلة وفاهمة ومتأنية وغير متسرعة مثل البعض ، ولذلك أنصحك بجلسة هادئة معه ، والنقاش في مواضيع عامة وبعدها إدخلي موضوع السفر ومنها إلى موضوع العمرة ، وتناقشي معه بدون ما تلمحي له أنك راغبة ، ولكن من باب الحديث ، وبعدها بالتدريج ، إسأليه لو نسافر للعمرة بعد فترة فيها مانع عندك؟ ، وشوفي إيش رأيه في الموضوع ، وهو ما راح يقصر معك وراح يخبرك بحاله وموقفه منك بعد اللي صار أكرر ، خليك طويلة بال وهادئة وبالكلام الطيب وبالإبتسامة ، راح تحققي غرضك بإذن الله والله يوفقك ويؤلف ما بين القلوب |
إن تريدين الحق فلا يوجد هناك مشكل أصلا .بر والدتك مطلوب مرغوب لكن العمرة ليست من الفروض و الظاهر أن أمك قد إعتمرت مرات كثيرة و مادامت قد نوت العمرة و لكنها توفيت قبل ذلك فأجرها عند الله ما دامت أحسنت النيه. كما أن سبل الخير كثيرة و لك أن تتصدقي عنها إن شئت. فلا تضيقي على نفسك و على زوجك في هذا الشئ. فلا تحسسيه و نفسك بالذنب.
|
| الساعة الآن 06:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©