|
متمرد متبلد ...و.احبه (مستجدات الرد 41)
السلام عليكم ورحمة الله
لي ضيفة هنا شهر لين اتشجعت اكتب لكم انا عروس لي 4 اشهر زوجي جدا غريب مايملك اسلوب تعامل يعني ارسل رسالة غزلية انت فاضية ومايرد علي طبعا ارسل لان ساعات عمله وغيابه كثيرة هو طيار ولا في حياته ارسل لي رسالة ..الا في حال طفش من كثر اتصالاتي ويهزئ اني مزعجة ومااقدر عمله يغيب اوقات طويلة ومايعوض عن غيابة يجي والله احن عليه اقول جاي تعبان ابلع همي واسكت بس بانفجر ماني قادرة احس اني مهمة عنده نجي عن الفراش يملكني الدنيا المشاركة البسيطة في حوار في تمشية في ضحكة مايعرف ماعنده وقت مشغول مع احد فقدت ثقتي بنفسي كرهته في اوقات بس ماقد حسسني اني مرغوبة منه تمر الايان احس اني عدوة حتى حارس البيت والسواق يعاملهم افضل مني واذا حاولت اناقشة يعصب بصرخ وانا الغلط في كل شئ لدرجة اني اخاف منه واعتذر واجلس اراضي واترجاء وابوس يديه ليهدا وشكله اتعود رمضان كان ماسفر من 20 شعبان واحاول اني اكلمه اهنية برمضان اضافني بقائمة الحظر الين رجع البلد ..كنت اموت قهر بس ايش اعمل يوم العيد خرج وانا البس...طول اليوم ادور عليه مشغول مع الناس رجع يبغى ينام حاولت اكلمة زعل وعصب والين اليوم مايكلمني واذا ابغى شئ بيننا الخدم قبل يومين كانت مناقشتي لرسالة الماجستير الين اليوم ماسألني ايش صار ....ولا حتى حاول يفرح معي انفجرت رحت لبيت اهلي لقيت نفسي بانخنق ابي ارجع البيت راضية بيه بكل عيوبه جدا احبه بس احس بالاهانة يومين الان احاول اتصل مايرد واخرتها قفل الجوال...ماادري سافر او هنا بس انا بانجن ..ابغى افرح معاه ....ابي احس بيه انا لجوجة صح زي مايقول انا حبي تملكي ويخنقه طيب هو مابدر منه اي شئ والله اي شئ حتى ينادي بنت اخته بلفظ حبيبتي..قلت له عمري ماسمعتها منك قال حبيبتي تنقال لاي احد قلت طيب انا ايش تقولي ---------- .....؟؟؟؟ليش قال دي الكلمة ماتنقال لاي احد ماني قاردة اغيره عنده جنون عظمة فضيع ماني قادرة انزعه من نفسي في نفس الوقت احس اني في حرب مع نفسي غير ناري منه انا صح او انا غلط احتاج احد اشكي له ماادري ايش كتبت اصلي انفجرت من قهر بس اتمنى فهمتوني |
الله يعينك
بعد كل هذا وتحبيه؟؟؟؟ شي غريب |
غريب زوجك وهذا توكم متزوجين ويطنشك كذا
وخاصة وانة مسافر المفروظ يكون مشتاقلك موت ما ادري ايش اقولك غير الدعاء لك الله يسخرلك زوجك بس سؤال هو ايام الملكة كان كذا قبل الزواج ولا فجئة بعد الزواج تغير وكيف كانت خطوبتكم رسمية او عن طريق تعارف |
ياقلبي انا ادري انه جواه طيب
بس اسلوب معاملة مافي من ايام الملكة هو كذا بعدين كله كانت بسرعة ملكنا وشهر واتزوجنا بس قبل قلت له كم سنة لوحدة عايش اخوانة كلهم متزوجين ومحرج كنت احط كذا سبب وللان احط له اسباب بس تعبت التفاهم معاه في الكلام صعب |
معقول في شخص بهالدنيا يُعامل بهذه الطريقـــه وتكون ردة فعله هكذا طيب أثقلي عليه شويه خليه يفتقد إهتمامك فتره وشوفي وش بتكون ردة فعله صديقيني بيستغرب ليه مادقت ؟ليه ماسألت؟ طيب قد تناقشتي معاه ليه هالجفاء ؟ هل زواجكم تقليدي ؟ حسيت من كلامك إنو إنسان مشغول بطموحه وأحلامه وعلاقاته الإجتماعيه هل هو فعلاً هكذا؟ الله يسخره لك ويصلح بينكم إن شاء الله |
يا حبيبتي متعود على الوحده ومش من اول شهور رح يتغير خف شويه
خلاص ما تلحي كتير عليه خفي عامليه بمعاملته لم لحين يفقد الحاحك ويسأل ويستغرب اربع شهور مش كفاية لتغيري طباع سنين ومنزل والدك انسيه ارجعي بيتك مملكتك نصيحه ومش لك انتي فقط انما للجميع عمركم شفتو امكم تحمل وتمشي بيت ابوها مع ان الكثير طباع والدهم صعب التعامل ثم زوجك مسؤول عن ركاب الطائره والطاقم ووووو لازم تكون اعصابو هاديه وهو وحيد يعني زاد وحده وانتي بشطارتك وذكاكي تخرجيه من هذه الوحده يمكن سنه يمكن سنتان ولكن كل مره فكي عقده من الوحده وانتي الكسبانه الله يهنيكي يا رب |
الله يعينج اختي
ومثل ماقالت جرين22 4 اشهر ماتكفي عشان يتأقلم مع الحيا الجديده ولاتنسي ان وظيفته تجبره ان يكون بعيد عنج وهالشي مو بايده،،،،، اي مناقشه حابه تناقشيه فيه خلي الحوار يكون هادي ولبق مع اسلوبج فالكلام لانه له دور كبير والله يسمعنا خير من صوبج ويفرج كربتج تقبلي مروري |
فعلا شيليه شوي من تفكيرج
وشوفي النتيجه اذا استمر بالتبلد!! الله يكون بعونك ياتوت |
غاليتي
هو يعطيك حظر او يقفل الجوال في وجهك لأنك تركضين وراه وعارف انك اذا سوى هذا الشي راح تجين وتراضينه بدال ما هو يراضيك انا انصحك تغيرين من اسلوبك وقسي قلبك شوي انشغلي واذا جلس معاه علميه بأسلوب غير مباشر طريقة الاسلوب يعني اذا كنتي تبغين شي قولي له ممكن او تسمح صدقيني هو راح يكتسب منك مع الوقت ... عدم احترامه لك في بعض الاحيان ممكن يكون مضغوط في العمل اذا جيتي تناقشينه خليه يجي في حضنك وخلي اذنه على قلبك واذا شفتيه صار هادي قولي له حبيبي انا متصايقه منك في شي وتفاهمي معاه بهدوء...ترى يبغى لها صبررررررررروطولة باااااااااااااااااال والدعاء الدعاء الدعاء بأن يحنن قلبه عليك ويسخره لك واكثري الاستغفار اتمنى لك حياة سعيده |
حبيبتى اسئلى إى حد فى عاااااااااااائلته طياااااااااار
وأنا خالى طيار واحب أفرح قلبك (((((( متكبــــــــــــــــــــــــــــــــــــــــر جداااااااااااااااااااااااااا)))))) الطيار ده بيقود طيااااااااااره وبيطلع للسماااااء لذلك تجدى أنه يرى كل البشر تحت قدمه واسئلى اى عائله فيها طيار وانتى تعرفى وانا واثقه انه متكبر حتى مع امه وابوه عندهم الشعور بالعظمه |
| الساعة الآن 12:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©