منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   زوجتي عقدت حياتي ساعدوني (http://www.66n.com/forums/showthread.php?t=194396)

ياكريم1 11-10-2009 03:04 PM

زوجتي عقدت حياتي ساعدوني
 


انا من اشهر وانا من اشد المتابعين ولهذا القسم بذات
احاول واحرص على الاستفاده من مشاكل الاخرين
وادعو لهم بالتوفيق

اللي شجعني وبكل صراحه وانا في العمل الان زوجتي كاتبه موضوع في منتدى اخر
مشابه لهذا المنتى لكن في الفكره لا في المضون ولا في الاعضاء

يحرضون لا يساعدون في الحلول
المشكله بعد ماطرحت المشكله اللي ما تتضمن الا اخطائي وتكرار محاولتي لتركهاا
كل المنتى هاجمني واللي يدعي علي ولازم توقفينه عند حده وما يهددك
انا بغيت احط رابط الموضوع بس ما حبيت اتسبب بمشاكل بين المنتديات
طبعا يتمحور موضوعها في عدم احساسها بالامن والاستقرار معي
من كثر ماهي مطلعه لي قروون

والناس يقولون لها انتي لازم تستقرين وتبلغين اهلك بنويااه ماحد قال وش السبب اللي خلاك تحسين
ان زوجك له نيه يفارق وجهك
ماحد قال لازم يكون فيه سبب منك ولازم تتغيرين الكل يقول الله يعينك
المهم انا مرتفع ضغطي وكل شوي مناديني الريس انا في الدوام

الحين ابي اقولكم اهم المشاكل اللي اعانيها

المشكله الرئيسيه كرهها لامي وكره امي لهاا والله اني احيانا افكر اهج من كثر الضغط
لا والمصيبه ان انا في بيت مستقل
وشلون لو انا عند اهلي كان انتحرت
هذا امي طبعا غير خواتي بس خواتي مكبرين روسهم يحترموني ولا يجونها ولا يكلمونها ولا معبرينها
مره وحده انقطاع تام فقط سلام وعليكم السلام ولا كن ادمي في البيت

طبعا هي لها موضوع سابق في نفس المنتدى الخايس عن امي
واشوى فيه كم رد قالو لاجل عين تكرم مدينه ولاجل زوجك اصبري وتحملي
بس طبعا ولاهي مقتنعه تحاول احيانا تبين انها تضحي وتضغط على نفسها بس واضح كذب
قلبها اسود على اهلي

المشكله الثانيه انها دكتاتوريه وتسلطيه وما تعترف بقوامة الرجل
وصوتها عالي وقليلة ادب واتفادى النقاش معهى

لدرجه مره قلت لها انتي ملغيه من قاموسك سم لبيه ابشر ما يصير خاطرك الا طيب
مو مره اكثر من مره
ولا حيات لمن تنادي مصره على الوقاحه

طبعا همها الوحيد الامور الدنيويه زينه سفر مناسبات مسايير وطلعات
اذا مر كم يوم وما طلعت ممكن يصير مشاكل


طبعا الكل يقول وش يصبرك عليها والله مصبرني شغلتين اهلها طيبين واحبهم وابوها عسل
ويحترموني ويحبوني واحبهم حتى اذا جيت عندهم ارتاح طيبين مره

والشغله الثانيه ارحمها واخاف اني اكون ضالمهاا

طبعا سبق لي اني تركتها عند اهلها وذيل الكلب ما ينعدل
ماكن شي تغير

طبعا ابوها ابن حلال طيب وامها كذالك وياويل احد منهم يكلمها ويتدخل في حياتنا تاكل اهلها اكل
والله تخوف اهلهاا تخوف اخوانهاا تقول نفس اسلوبها معي تصايح
وتخلي اللي قدامها يدور الخلاص تفضحه


واهم حكمه متمسكه فيها انطح الصياح بالصياح تسلم

طبعا انا اذكر السلبيات وما ابي اضلمها لها ايجابيات وحسنات كثيره
سامحوني على الاطاله والاخطاء وسوء التعبير

صديق الامل 11-10-2009 03:11 PM

اصبر اصبر اصبر اصصصصصصبر


وآخر شي ----------- لبيت اهلها وتزوج عليها ياخي العمر مرة وحدة

عش حياتك يارجل وحده ماتحترم امي اوطاها امي ذي تفهم وش يعني امي هذي حتى اهلها ماتحترمهم وتهددهم

وش هالحياه بالنسبة لي امي خط احمر

وشكرا

العريـــس 11-10-2009 03:15 PM

اسمع وانا اخوك

كل هذا بسببك وسبب شخصيتك ولا العود من أول ركزة

كل شيء إلا أمك

وأكيد هذا الشيء ما جاء إلا من تساهلك وتدليعك لها إلين فشخت فوق راسك <<<< -------


معليش تحمل كلامي

أنا ما أقولك لا تكرم الحرمة ولا تحطها بعيونك

إلا بالعكس حطها فوق راسك واكرمها عزها لكن كل شيء إلا أمك ورفع الصوت عليك

انتبه ثم انتبه ثم انتبه




ياكريم1 11-10-2009 03:17 PM

صديق الامل

ادري كلامك صح والله انك صادق

شكرا على الرد

العريـــس 11-10-2009 03:18 PM

اقتباس:

وآخر شي----------- لبيت اهلها وتزوج عليها ياخي العمر مرة وحدة

عش حياتك يارجل وحده ماتحترم امي اوطاها امي ذي تفهم وش يعني امي هذي حتى اهلها ماتحترمهم وتهددهم

وش هالحياه بالنسبة لي امي خط احمر
زي هالنوع من هالحريم يبغاله معاملة خاصة

يبغالك تشد وترخي في اسلوب معاملتك لها


وما أقول إلا الله يوفقكم دنيا وآخرة ويصلحك ويصلح زوجتك والله يجعلها هي زوجتك اللي في الدنيا والآخرة

والله يرزقكم الفردوس الأعلى من الجنان

أخوك عبدالله

بكر الشايب ياسمين 11-10-2009 03:18 PM

دام اهلها ناس طيبين ويحبونك

مالك إلا انك تواجهها قدامهم بكل اخطاءها وسلبياتها وطلباتك منها

ياكريم1 11-10-2009 03:19 PM

يا عريس والله ليتها على رفع الصوت العادي

والله يمكن الجيران يسمعون

الحين طاح الفاس براس وش اسوي

العريـــس 11-10-2009 03:20 PM

اخوي يا كريم

عندي سؤال

س/ كم لك سنه متزوج ؟

ياكريم1 11-10-2009 03:20 PM

يابكر الشايب

اقولك اهلها مالهم تاثير واستحي منهم

ياكريم1 11-10-2009 03:22 PM

3 سنوات


الساعة الآن 06:42 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©