هل طفلي يعاني من الامساك ام ماذا؟ انا في حيرة
 

انا مشكلتي انو طفلي لهه اربعه اشهر واسبووع وله فتره يعني من العشره الاواخر في رمضان مايعمل براز وانتو بكرامه الى لما نحطله تحميله والتحميله ماتدخل بس مجرد ماندخلها يعني كاانو نوسع الفتحه بس ويعمل بعدين طبيعي

يعني يجلس خمس ست ايام مايعمل شي وغير الاااام بس يتألم لكن الي نعرفه الامساك يكون البراز شويه قوي هو لا يكون برازه عادي رحنا لكذا دكتور الي يعطينا ملين والي يعطينا تحميله ويقول عند الزوم

ماادري وش القصه هو اش معاه بالضبط لما نعطيه ملين برضو مايعمل شي ونضطر ونحطله تحميله ويعملها لكنه سااائل مره كانو اسهال والله حيرنا هالولد الله يخليكم الي عارفه وش هالحاله وش علاجها لاتبخل علينا والله تعبت مافي دكتور في جده الى ورحتله مااعطاني نتيجه مع انو كان عاادي ويتبرز طبيعي

اعطيته برتقال واعطيته ينسون وبابونج مافي فاايده غير بالتحااميله الله يخليكم لاطنشوني ردو علي

تم تعديل العنوان الى الفصحى

مره سمعت فى برنامج انه الأمساك لازم يكون شبيه ببراز الكبار وممكن يجرح الطفل لكن غير ذلك بيكون امساك وظيفى او اسهال وظيفى والأحسن ماتعودى الطفل على التحاميل واللى يفيدك فى الموضوع ده اخصائيه الرضاعه الطبيعيه

والله رحت لمستشفى سليمان فقهيه ماافادوني

واعمله مساج وكل شي سويته شي غريب وربي واذا كان مو امساااك ليش يتاخر ومايتبرز يجلس بخمس ست ايام اذا ماحطيتله تحميله انا سمعت انو يتعود على التحاميل مايسوي الى بها لكن لما سالت دكتور في سليمان فقهيه قلي مافي شي اسمه يتعود ووصفلي ملين مرتين في اليوم ولما اعطيه مايعمل شي بس صح يلين لانو لما حطيناله تحميله نزل شي ساااائل بالمره ومدري وش فيه بالضبط ..؟

طيب حاولتي تستني كدا تشوفي ايه اقصى مدة ممكن يوصلها من غير مايعمل ... تجمدي قلبك واستني .. مادام انه مش قاسي .. عشان بس نعرف لأن ممكن يكون هو هيصرف بعد ايام محددة على حسب طبيعته بس تدي فرصة لجسمه عشان تستكشفيها

لأن ممكن تكون طبيعته !! الموضوع ده بيختلف من بني آدم للتاني جدا .. واتقالي من دكاترة اطفال

واللي فهمته من الامهات انه بتعدي مرحلة في عمر الرضيع بيتأخر فيها في البراز ... عادي يعني

والله ياقلبي انا ماعودته انتظر عليه احيانا اسبوع مايعمل شي ويجلس بس يقلص بجسمه ويبكي احيانا وماينام ولاينومني اعطيه برتقال اعطيه ينسون يقولون يمشي البطن مافي فايده مايعمل

الين ماحطله تحميله ويرتاح بعدها بس بعد التحميله كان يعمل بعدها بيوم بدون شي ويجلس بعدها خمس ست سبع ايام مايعمل اذا تركته وانا في محاولات طبعا معاه بس يعمل ريح غازات مليانه بطنه المهم وديته قبل كذا لدكتوره كانت بتوصفلي ابره الشرج حقت الاطفال ومالقيناها وادتنا تحميله وقالت عند الزوم وخاصمتني لما عرفت انو جلس خمس ايام ماسوا شي ومدري اش فيه كان طبيعي جدا يعمل كل يوم كل بعد يومين عادي يعني وبرازه سائل عادي وانا سالت الدكتور قلتله يتعود قالي لا مافي حاقه اسمها يتعود انا قلت امكن من حليبي السبب حليب صدري قالي لا مالهوش دعوه :(انقهرت ماني عارفه ش السبب وبدات اديله تحميله في شعبان اول تحميله وبعدها مااديتله الى في شوال لما شفته مايعمل يتاخر انا السبب في ايش ذحيييييييييييين .......؟

حاولت وربي بعد 4 ايام ماعمل شفت اتاخر وقلت اصبر كمان الين ماوصل 6 ايام وبعدها طقيت وماقدرت صبر واشوفه يتألم والسم هذا في بطنه مايقدر يخرجه

حبيبتي بسالك .. ترضعيه طبيعي فقط؟؟؟

و البراز اكرمك الله قلتتي انه مش صلب .. طيب اثناء عملية الاخراج تشوفيه يتالم و لا عادي ؟؟؟