|
وجود الزوج في المنزل !! دعونا نتناقش ؟
السلام عليكم ورحمة الله وبركاته
عندي فكرة في بالي بس مو عارفة كيف اكتبها فقلت احسن على شكل اسئلة والاعضاء اكيد راح يفهموني من خلالها وياريت لو نتناقش فيها هل الزوج عندما يحب الجلوس في البيت ويقتصر ساعات عمله يعني مايداوم دوام كامل او انه لايريد الذهاب ويدور حجة من تحت الارض وعذر عشان مايروح الدوام هل هو حبا في زوجته وشوقا لها وانه يستمتع بها وبجلوسه معها ام كرها في العمل ؟ ماهوشعورك في وجود زوجك في المنزل كثيرا بسبب ساعات دوامه القليلة او انه يتغيب عن العمل باي عذر او بسبب اجازة معينة هل وجوده عندك جيد ومفيد لك ام ثقيل؟ يعني تحبين تقابلينه 24 ساعة ولا تتضايقين من وجوده وتنتظرين متى يطلع الدوام عشان تسوين لك كم شغله وتقولين في نفسك متى يطلع طفشني وهو جالس في وجهي :( هل زوجك من النوع النكدي اللي اذا جلس في البيت يامر وينهي ام بالعكس ممتع لك وتقضون فيه اوقات حميمة وتطلعون تتمشون او اعذروني على الكلمة هل وجود زوجك في البيت زي عدمه يعني لو يكون في شغله افضل؟ سؤال اخير ماذا يفعل الزوج الذي يحب الجلوس في البيت ويترك عمله عشان يجلس في البيت هل يقضي وقته نوم وتلفزيون ونت فقط ام مقابل زوجته ويقضي الوقت كله معها في كلام وحب ؟ الصراحة موضوعي كتبته لاني داااااااااائما اسمع في تجمعات الحريم انهم يشتكون من وجود الزوج في المنزل وبالاخص يوم الجمعة يستنون متى تعدي على خير لانها ماتعدي الا وفي خصام بين الزوجين يعني يوم مشاكل ولاني اشوف بعض الرجال بيطير على بيته ومايصدق يرجع البيت او يصيرله عذر بسيط جدا عشان يرجع ليش كل هالحب للمنزل يعني ماعاد صار في مسؤلية ولا بحث عن رزق وش يستفيد من جلسته هل زوجته هي السبب لهذه الدرجة يعني اتوقع ان كثرة وجوده في البيت ماعاد يصير في شوق للزوجة وللكلام معها يصير بس جالسين وساكتين من كثر ماهم متقابلين هل صحيح كلامي ؟ ام عدم المسؤليه في البحث عن الرزق وعدم الاهتمام والطفش والكسل يوصلون لهذه الحالة؟ اتمنى ان الفكرة وصلتكم تحياتي لكم |
السلام عليكم طبعا الموضوع الي طرحتيه كثير من الزوجات تشتكي منه.... لكن انا ولاني بعمل ما التقي انا وزجي كثير الا بالليل..وايام العطل...فما احس كثير انه ضايقني او ازعجني بوجوده لكن ما انكر مرات احب انه يطلع.....لما تكون عندي اعمال بالبيت...ضيوف جايين.....وهو...يا نائم..يا يترفج فا امل وايام لما يقعد معي بالبيت.....تكثر طلباته..... ساعات بالعطل احب اخرج...هو يرفض بحجة انه اسبوع برا...مو بالعطلة كمان يطلع.....هو بيتوتي جدا........... وهذا ساعات يزعجني..... يعني وجود زوجي بالبيت يزعجني ساعات ويفرحني ساعات حسب حالته وحالتي....... يعني مو كل مرة احبب انه يخرج او العكس....مرة عمرة............... ساعات لما يجيب يوم كله يتفرج او بالبيت ....اقلق......وساعات لما يهتم فيي....ونسوي لعب انا واياه ما اقلق لكن بعتقد وجود الزوج بالبيت....ساعات مزعج وساعات مفرح ويريحك...حسب الزوج...واليوم |
[QUOTE=طيـ القلب ـب;2253507][SIZE=3][FONT=Times New Roman]
هل الزوج عندما يحب الجلوس في البيت ويقتصر ساعات عمله يعني مايداوم دوام كامل او انه لايريد الذهاب ويدور حجة من تحت الارض وعذر عشان مايروح الدوام هل هو حبا في زوجته وشوقا لها وانه يستمتع بها وبجلوسه معها ام كرها في العمل ؟ ما اعتقد انه حبا في الزوجة،، الحب ليس كلاما فقط،الزوجة موؤولية وتحتاج لطلبات عليه العمل حتى يحقق لاه ما تريد هي و اولاده..انا اعتقد هروب من العمل ماهوشعورك في وجود زوجك في المنزل كثيرا بسبب ساعات دوامه القليلة او انه يتغيب عن العمل باي عذر او بسبب اجازة معينة هل وجوده عندك جيد ومفيد لك ام ثقيل؟ يعني تحبين تقابلينه 24 ساعة ولا تتضايقين من وجوده وتنتظرين متى يطلع الدوام عشان تسوين لك كم شغله وتقولين في نفسك متى يطلع طفشني وهو جالس في وجهي :( كل ما زاد عن حده انقلب الى ضده،،اكيد راح اطفش منه اذا وجهي بوجهه 24 ساعة.. وكمان تغيبه الكثيير عن البيت ما هو مطلوب ،،يعني التوسط احسن شي هل زوجك من النوع النكدي اللي اذا جلس في البيت يامر وينهي ام بالعكس ممتع لك وتقضون فيه اوقات حميمة وتطلعون تتمشون او اعذروني على الكلمة هل وجود زوجك في البيت زي عدمه يعني لو يكون في شغله افضل؟ على حسب مزاجه،،بس اغلب الوقت اذا كان في البيت يكون حلو،، لكن احيانا يعلق على اشياء اسويها او موجودة او شى وهذا يزعجني،، سؤال اخير ماذا يفعل الزوج الذي يحب الجلوس في البيت ويترك عمله عشان يجلس في البيت هل يقضي وقته نوم وتلفزيون ونت فقط ام مقابل زوجته ويقضي الوقت كله معها في كلام وحب ؟ ههههه ما اعتقد انه يجلس مشان زوجته،،يعني اكيد للتلفزيون والنت وووو... يمكن يفتكر ان ليه زوجة في غرفة النوم مو اكثر... مع تحياتي |
انا زوجي دوامة قصير وادائم الجلوس في البيت لا اصحاب ولا خرجات ولا شيء
حتي انا بعض الاحيان احس اني في سجن واطفش طبعا لان ما اخدراحتي وماعرف اسوي الشيء الي ابية وهو موجود هو اصلا بعد ما يخرجني الا مررررررررررررة لان ما يحب الخروج |
عموما وجود الرجل في البيت ساعات طويله صراحه ما يريح
لانه اذا كان موجود في البيت اكون في حالة استنفار مافي راحه يبي كل شئ اوكي كامل ومرتب والعيال في احلى صورره والاكل على طول يعني الزبده وجوده في البيت على طول ما اايدده ولا اعتقد انه يبي يجلس في البيت حبا في زوجته اهو يبي راحته فقط |
امنيتي انجح
اسعدني ردك والله يوفقك ويهنيك hermosa اشكرك على اجوبتك الواضحة والمفصلة سافر معي ماتوقعت الخط صغير حاولت اكبره بس ماعرفت كيف عالعموم مرورك وردك اسعدني مررروة الله يسخرلك زوجك يارب ويكون في عونك ويفرجها عليك اسيرة ذكرياتي والله انا كنت متوقعة ان الرجال لما يحب البيت يعني يحب زوجته بس شكل توقعاتي غلط في غلط اسعدني ردك |
الزوج لما يطلع من الدوام اتوقع كرها بالدوام مو اكثر او اشتياق لشيء معين ينتهي بانتهائه!!
خير الامور الوسط بحيث لايقعد على قلبي اليوم كلع ولا يفرفر برا |
اهلا بنااني ممكن تعطيني امثلة ايش هو الشئ اللي يشتاقله وينتهي بنتهائه هل زوجته وحده من هالاشياء ؟
|
انا زوجي مو من النوع اللي يطلع برا البيت يعني من الدوام للبيت ومن البيت للدوام الا لو راح يجيب اغراض البيت او ودى الصغار للتوي تاون او حديقه او شي وبالعكس مرتاحه ولله الحمد اسوي شغلي قبل لايرجع واتسبح والبس واتمكيج واكون مجهزه لنا حلى وقهوه او اي شي ثاني ونجلس مع الصغار شوي وبعدين نتابع لنا فلم او اي شي ثاني وانا ابدا مااتضايق لاني تعودت على نظامنا مع بعض ومرتاحين ولله الحمد الله لايغير علينا
|
ياريت الاخوة الاعضاء يجاوبون عالاسئلة
|
| الساعة الآن 08:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©