|
ذبحني الخوف والتردد مابين الرجعة ولا الطلاق
السلام عليكم ورحمة الله وبركاته
انا نزلت قبل فترة موضوع بخصوص مشاكلي مع زوجي واني ذهبت الى اهلي ولم اعد ارغب العودة لزوجي ابداااااااا ولكن ظليت استخير واقرا في المنتديات عن مشاكل المطلقين وبرضه عن مشاكل المتزوجين وصابرين لخاطر ابنائهم بدأت اميل للرجعة انا لا اعلم هل ميلي هذا هو رد الاستخارة ام هو تاثري بكثرة القصص اللي قرأتها ولكن المشكلة ان زوجي كل يوم اسمع منه كلام عن طريق الاقارب يزعجني وهو يتهم والدي واهلي بانهم السبب في مشاكلي .. وكلما حاولت الهدوء والتفكير بالرجعة وسمعت كلام منه اشعر بالخوف اخاف اذا رجعت يحرمني من اهلي خصوصا ان زوجي في مدينة بعيدة عن اهلي اخاف مايكون تغير واخاف يكون حاقد اخاف مايتغير اخاف ينقلب ويزيد يسوء مدري ليه احس موضوع الطلاق في صميم عقلي وبنفس الوقت خايفة منه اخاف تمر السنين وانا عند اهلي او يجيني رجل اسوأ من زوجي تعبت كثير هل اصبر على غثا زوجي وبخله ومشاكله ولا اطلق واريح قلبي وانتظر نصيبي وفرج الله مختصر بسيط عن مشاكلي انا وزوجي انه انسان بخيل مدخن مايصدق القول يكره اهلي ويغار من والدي علي ويتهمه بان يخرب علينا حياتنا يحب العزلة عن الناس لا اهلي ولا اهله يلف ويدور كثير انتظر ارائكم ادعولي:( مرة محتاااااااااااااااااااااااااااااااااااااارة خااااااااااايفة من الايام الجاية |
تحية طيبة لك يا غالية:
قال الله تعالى]{قل لَنْ يُصِيبَنَا إِلَّا مَا كَتَبَ اللَّهُ لَنَا} التوبة آية 51 انا بصراحة ما اعرف مشاكلك السابقة بس من خلال ما كتبتيه عن خلافكم احب ان اقول> ان القرار الاخير هو بيدك انت لا غيرك.. صحيح ان هنالك من النساء من تصبر على المر مهما كان،،لكن هذا ليس مبررا..لان كل امرأة لها مقدار صبر و تحمل مختلف عن غيرها من النساء،مثلا هناك امراة تستطيع الصبر اذا خانها زوجها وتقول انه سينصلح في يوم من الايام ومهما فعل فبالاخير انا هي زوجته و ام اولاده،، وتجد اخرى لا تقعد في بيت زوجها دقيقة اذا علمت بخيانته،،وتعتبرها جريمة في حقها وان الخائن لا يستحق لا المسامحة ولا الصبر والعناء من اجله....وهكذا ومثال. لذا فكل فرد هنا ذكرا كان او انثى سيقترح عليك رأيا حسب منظوره هو وقدرة صبره في النقط التي ذكرتها.. ما دمت قد استخرت فهذا جيد،،آمل ان يتضح لك الخير عاجلا غير آجل.. و بالنسبة لك انت انصحك ان تجلسي بينك وبين نفسك وتحددي النقاط السلبية والايجابية في زوجك.. و انت الادرى بنفسك هل ستستطيعين التأقلم مع عيوبه وهل تستطيعين الصبر عليها ام لا..لا توهمي نفسك انه سيتغير لانه ان كان ذلك طبعه فلا اظن له تغييرا لان الطبع يغلب التطبع،،وان حصل ذلك فهو من نعم المولى احمديه و اشكريه عندها.. لكن من الافضل ان تقرري وحدك،فانت من عاشرت زوجك وتعرفين تفاصيل ما يفكر به وكيف.. البخل صعب وهو مكروه اسلاميا ايضا،،حاولي الحوار معه من خلال هذه النقطة ان كان ملتزما ويخاف ربه فاكيد سيحاول الاصلاح من نفسه خشية العقاب من الله.. الله يعينك ويسهل كل امورك يا حبيبتي لا تخافي ترى ربك كريييم و رحييييم فلا تنسي ذلك انصحك بمواصلة الاستخارة واتركي عنك منتديات الطلاق حاليا حتى تتأكدي من احساسك بعد الاستخارة.. اعطي نفسك فترة للراحة النفسية،،وكلي امرك لرب العباد واكثري من الاستغفار وسورة البقرة.. وبعدها قرري،فاكيد بعد كل هذا سيكون قرارك صائبا مهما كان نوعه.. {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. الله يوفقك حبيبتي |
اختي اشرحي لنا كيف زوجك بخيل ؟ هل انت موظفه او عندك شهاده جامعيه ممكن تتوظفي بها ؟؟ هل ابوك مقتدر ماديا ؟؟ |
هيرموسااا
الله يسعدك ردك كثيررررررر ريحني ويشبه لكلام ماما كثير تسلمين وان شاء الله مثل ماقلتي رح احاول اهدا وافكر زين ويااااااارب تلهمني الصواب الف شكر لك ياغالية |
اقتباس:
الله يوفقك حبيبتي،،يسعدني انك اتفدت و ارتحت،، المهم تلاقي الحل المناسب والاصح ان شاء دعواتي لك بالتوفيق يا غالية لا تنسي تطمنينا عنك |
اميرااات
ياهلا والله انا لسه ماتخرجت من الجامعه والدي وضعه المادي عادي مايقصر اذا معه يعطيني لكن انا اخجل لان طلبات اهلي لا تنتهي ( هو مو ناقصني يعني ) وزوجي كلما طلبته شي قال ماعندي ماعندي خذي من مكافئتك ركب تليفون .. قال في الشهر تكلفته كذا في الشهرين كذا في السنة كذا يوووووووه ماينفع عند ولادتي جنني علشان اولد في مستشفى حكومي سيئ لكني اصريت ورحت مستشفى ثاني بعد رحت المستشفى اللي يبيه ومارتحت وتضايقت من اشيا كثيرررر وللاسف ولدت قيصيري دفع جزء من المبلغ ورااااااااح علشان اهلي يكملو الناقص من المبلغ ظليت عند اهلي فترة الدراسة عمره مادخل علي وجاب شي دايم يدخل يده فاضية عند زواج اخته رفض افصل فستان مثل امه وخواته وزوجه اخوه ورفض اني اهدي لها شي قيم .. وبالحيييييييييلة ليما اقتنع اهديها شي بالقطة بيني وبينه تخيلوووووو اقط معه من مكافأة علشان اهدي لاخته قهررررررر مرة رحنا سنتر بوينت وشريت اغراض للبيت برمضان على اساس ادفعهم من عندي بس البطاقة رفضت ودفع وسوالي قضية ياكبرهاااااااااا والمبلغ 68 ريال :( حتى ملابس ولدي واغراضه كلها اللي جانا هدايا واللي انا شريتهم هو ماشرا الا كم قطعه بس انا مشكلتي حملت بدري ويوم تغير مقاسي صرت اطلبه علشان الملابس رفض رحت اشتري انا وهذه الغلطة لاني من البداية ماقدرت اصبر وهو تعود لكن مكافأتي انقطعت الان واخاف اقعد تحت رحمته خصوصا انا مو متعودة ينفصل جوالي ويقعد مو متعودة اقعد اكرر في ملابسي بالاعياد هذا العيد ماشرالي ولاقطعه جديدة ولا لولدي بس يوم جيت عند اهلي شريت لولدي وانا كررت ملابسي العام يوم اقوله قرر لي مبلغ شهري يقول ليه انتي شغالة :| حتى يوم جيت اسافر قال ادفعي معي بالتذكرة قلت لا عاد يوم اصر قلت اوكي بدفع سعر تذكرة الرجعة بس يوم صرنا بنسافر وقعد يقط حكي على فلوس التذكرة وقفت عند صراف وسحبت 300 ريال نص التذكرة وعطيته اياها يعني كل شي ابيه لازم اقعد اشحذه سنة علشان يوافق |
هل ظروفه المادية سيئة لهذي الدرجة
|
اقتباس:
لكن هو عنده مخبز ومدرس ودايم هو على الاسهم يقول يشتغل لناس وطول الوقت يفكر يفتح محل او يبدا بمشروع لكن احتياجاتي اخر اهتماماته |
معرفش انا ليه دايما راى فى موضوع الطلاق انه
لو انتى قادرة تستحملى ارجعى وما تطلقى لكن لو تعبتى ووصلتى لمرحلة صعبة هنا الكلام ربى يصلح حالك ويقدر لكى الخير ويرضيكى به تحياتى |
لاترجعي له
انا اعرف قصتك زوجك غثييييييييييييييييث اذا كان شاريك راح يجيك ويأخذك من نفسه وانا اعرف هالشعور اللي تحسين فيه ان المال اهم منك ....... اذا ندم وجاك خلي ابوك يشترط عليه مبلغ شهري مصروووف يعني 500 ريال تقريباً وبالعيديه يعطيك مو اقل من الف ريال ..... لاتتنازلي عن حقك وان رفض لاترجعي له .....حياتك مع اهلك ارحم |
| الساعة الآن 05:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©