|
هل الاخوات ممكن يكونوا بنفس الاخلاق ؟
اول شي اخواني ابي دعائكم بتوفيق والخير لي ولجميع المسلمين يااارب
اما عن موضوعي ,,انا ان شاء الله عن قريب راح اخطب طبعاً من ناس ماعرفهم ولا يعرفوني ولكن هم قرابه من بعيد وانا من اهل اقطر وأهل البنت من الرياض وابوي كان يزورهم من سنين بروحه وبين الولد وابو هذي البنت صداقه وبوي قرر يخطب لي بنتهم طبعاً انا عمري مازرتهم ولا طبيت الرياض بحياتي,, ولكن مرا شفت اخت هذي البنت في بيت واحد من قرابتنا بالكويت طبعاً متزوجه وعايشه بالكويت وكانت محترمه وطيبه طبعاً هذا الكلام قبل ثمان سنوات واهي اكبر مني 15 سنه وكانت تعاملني مثل واحد من ابنائها واكثر يوم كنت ابات عندهم بالبيت انتم شرايكم بالموضوع هل الاخوات ممكن يكنون نفس الاخلاق ولا يختلفون عن بعض بالاخلاق والاطباع وثاني شي ممكن يأثر اختلاف البلد واختلاف العادات والتقاليد بين الخطيبين .. وعندي موضوع ثاني وهو ان احنا بعائلتنا كلانا صبياً (رجال) وماعندنا ولا بنت يعني بعمري ماتعاملة مع اي جنس غير جنسي الا نادر حتى ماحب احتك فيهم خير شر مثلاً زوجات اخواني يشتمعون مع امي واخواني بصاله يعني اجتماع عائلي في لمه ووناسه وانا ماحب اقعد معاهم واذا كنت قاعد بصاله وجتمعوا على طول اطلع برى البيت ويعني من 8 سنوات ماعمري قعدت معاهم الا نااااادر وحتى اذا وحده منهم كلمتني اصد عنها ولا ارد عليها او اجاملها بكلمه وانا رايح برايكم هذا الطبع راح يتغير بعد الخطوبه .. واخر شيء انا واحد هاوي حمام بالعاميه(مطيرجي) فهل هذي الهوايه ممكن تأثر على سمعتي عند اهل الخطيبه والخطيبه نفسها(اذا الله كتب نصيب ) وانا مهوس بهذي الهوايه الى درجه كبيره ومستحيل اتركها ... وبالاخير لاتنسوني من دعائكم ياهل القلوب الطيبه |
مقام الصبا <<< شدني الأسم
دخلت ادعيلك بس ^_^ بعدين وشبه اذا راعي حمام ؟ كلنا راعين حمام لا وغنم بعد ^_^ الله يوفقك ويرزقك الذريه الصالحه ... |
تركتها لله ,,اكيد عندك اذن موسيقيه ولا حس فني ^_^
وانا بعد ادعيلك وعسى الله يوفقك دنياه واخرى وعاد احنا المطيرجيه المجتمع مارحمنا مع ان مانظر احد وقلوبنا نظيفه مثل طيورنا ^_^ |
فيه أخوات بنفس التربية والأخلاق وفيه العكس وإن شاء الله خطيبتك تصير مثل أختها وأحسن بعد .. واتوقع قطر ما تفرق كثير عن السعودية ــ العادات اقصد ــ أما الحمام .. أبدا مافيها شيء يسيء لسمعتك يمكن سمعت بهالشيء بس هذا حق طلاب العلم والمشاايخ ــ يسيء لهم لأنه يشغل عن العلم ــ لكن العامة ما يأثر فيهم ابد موفقين بإذن الله يسر الله أمركم |
انا سمعت البنت على تربيت امها ...وعاد هذي البنات امهم مسكينا مات لها ولد بحظنها بحادث وصار فيها حاله نفسيه من سنين طويله وانا مادري هل ممكن البنت تتأثر بحالة امها ....
|
مافيه فرق كبير بين العادات القطريه و السعوديه
كثير من العوائل القطريه اصلها سعودي انت اذا اعجبتك البنت ووجدت فيها مايرضي خاطرك توكل على الله و اقدم وآه يامقام الصبــا <<< اسمك جميل جداً يدل على ذوق رفيع و رائع |
شكراً احبائي على تفاعلكم مع موضوعي
وانا سوف اتوكل على الله والله يكتب لي الي فيه الخير والبركه |
لفت نظري أمر في كلامك خارج عن الموضوع ... بس والله مهم جداً وأهم من موضوعك ... " الإختــــــــــلاط في عائلتكم ,, هذا غير جائز ,, أكيد عارفين بس متساهلين ,, زي كثيير من الناس , ولا تقول إحنا أهل ومن هل الكلام اللي دائم نسمعه ,, وتذكروا قول الرسول عليه الصلاة والسلام ( الحمو الموت ) ,أبتعادك عن هذى الإجتماعات جميل وياليت تخلص فيه النيه لله ,,و تستمر على ما أنت عليه " أسال الله الهداية للجميع .... |
والله يختلفو الاخوات في الطباع وكل شي انا ليا كذا اخت كل واحده غير بس تربيتنا زي بعض بس حسب تفكير كل شخص واصابع يدك مو سوا بس مدام اهلها طيبين اتقدملها واستخير الله
الله يوفقك ويكتبلك مافيه الخير |
انا واخواتي نفس الاخلاق ونفس الطبع
الله يوفقك ويكتبلك الي فيه الخير |
| الساعة الآن 07:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©