|
المشاكل الزوجية كلنا باالهوا سوا
بصراحه كثرت المشاكل الزوجيه ما ادرى وش صار بالدنيا مدرى صرنا حساسين :30:او اننا لا نعرف كيف نتعامل مع بعض:20: ام اننا فاهمين الزواج غلط :rolleyes:
اولا انا متزوج لى اربع سنوات وما اظن احد صارت له مشاكل مثلى اسبوعيا حتى وحنا بالطائره تمشكلنا ابدا معكم قبل ما اتزوج كنت اظن اننى ساصبح زوجا مثاليا حتى اننى كنت اقول ياحظ اللى بتتزوجنى با انسيها اهلها عشت مع امى وابوى ما عمرى شفتهم متزاعلين امى تحترم ايوى تحت امره تسوى كل ما يطلب منها بصراحه الله حريم زمان ما يتعوضووووون اللى اعمارهم 50 وفوق المهم مشاكلنا زى اى متزوجيين بس احس انى بزياده حتى صارو كل اقاربنا يعرفون والسبب هى طبعا والله العظيم لو اوديها عند اهلها اسبوع دقو كل الناس علينا عسا ما شر مو كل الناس واحد من اخوانى لسا ما تزوج زوجات اخوانى يدقون عليها متى راح تجين يعنى يجسون النبض وهذا كله بسببها اول ما تزوجنا ما يشرى لى البيت فاضى طبعا هنا نصيحه لكل واحده بتتزوج زوجك فى بدايات الزواج واكيد عليه ديون تحملى معاها اقل شى اربع سنوات حتى يسدد اللى عليه وكونو حياتكم شوي شوي مو زى ما تتوقع اغلب البنات انها اذا تزوجت راح تحقق كل احلامها صدقونى لو زوجك عنده شى ما راح يقصر من كثر مشاكلى الزوجيه ودى اسوى بحث ليه عندنا العلاقه الزوجيه بالسعوديه صفر ما ادرى علشان البنات مايطلعون من البيت او سوء الاختيار واللى طبعا اهلنا هم يختارون ( والله حلوه ) انا ما ابى حلوه ابى وحده فاهمه تعرف كيف تدير بيتها احياننا احس انه من كثر جلوسنا مع زوجاتنا 24 ساعه بس اغيب لمن اروح العمل وطبعا وهى نايمه اجى وهى توها صاحيه يعنى طوووول ما هى صاحيه وانا معاها ( هنا نصيحه طول منت شباب يعنى توك متزوج لا تجلس بالبيت كثير بعد العصر اطلع ولا تجى الا العشاء ما اقول اسهر لا العشاء وانت عندها طبعا تطلع تدور لك مصالح تفيدك بحياتك نادى روح معهد تعلم شى يفيدك روح كد بالسياره اذا ما عندك لمزيين مكتب عقار تتعلم فيه زور اصحابك الخ ) تجى وانت مشتاق لها وهى مثلك انا عارف اغلب البنات ما يرضون بس عودها ابانا كانو زى كذا مره تزاعلنا علشان طلوعى من البيت كلمت عمى بعد ان تركت البيت راحت لاهلها قلت انا اطلع من البيت وهى تقول لا تطلع قال وانت ليش تطلع قلت ادور مصالح والزوج هو المكلف بالبحث عن الرزق قال لى الراجحى على غفله (يتريق) :19: بلعتها وسكتت التلفزيون له دور خرب علينا البنات يتابعون المسلسلات ويفكرون انا الحياه الزوجيه مثل اللى بالتلفزيون ما يدرون ان اللى كتبها واحد معقد وقعد يكتب اشياء رومنسيه ليعوض ما فاته لو يدرسون بالثانويه البنات عن الحياه الزوجيه افود من الرياضيات واخواتها النظر للناس واحوالهم دائما الزوجه اللى تطالع بالناس يدل على عدم ثقتها بحياتها ونفسها اولا شوف فلان وعلان انا ساكن بعماره فيها اخوى وكل بعد يومين يطلعون والمره طبعا ازعجتنى شوف اخوك يوميا يطلعون وحنا ما نطلع المهم مر وقت سالت اخوى قلت وين تروحون تتمشون ابى اعرف المتنزهات الزينه خاصه وانا توى جاى للمدينه لضروف العمل قال والله اروح المستشفى بالبنت تعبانه ولازم ابره كل يومين انا عاد قلت اروح اعلم زوجتى قالت لا مو معقول هم بس يخافون من العين هههههههههههه انا ما ادرى وش اسوى بصراحه لو مرتاحيين مع بعض كان ما خليت ولا مكان بس معاها خلاص ما عاد احب اطلع انا ما ودى اقول لكم على المشاكل الثانيه اللى بيننا لا نى عارف ان كل واحد عنده اللى يكفييه بس نصيحه لكل بنت صدقينى اذا صبرتى مع زوجك مع بدايه زواجكم وتعاونتم وساعدتي زوجك صدقينى ما راح ينساها لك انا مثلا زوجتى ما صبرت معاى ولا ساعدتنى ولو معنويا بس تتحسن الاحوال على طووووول الثانيه :cool: |
والله معك حق ..... انا طرحت مرة موضوع لي بس محد اهتم فية ..... موضوعي كان ( اذا ممكن ان تدرس مادة في الثانوية للبنين والبنات ...عن الحياة الزوجية ..ومشاكلها وكيف يتم علاجها ...من باب العلم بالشيء..) والله يهدي المشرفين غيرو اسم الموضوع .... علشان كذا ما شفت تفاعل معي .... لابد من ابنائنا وبناتنا ... ان يدركوا معنى الزواج الصحيح ..حتى لا يتفاجئون بالواقع .... بخصوص موضوعك .... خلك حازم معها ....وفهمها ... ما لها ...ما عليها.. اذا فعلتي ما يرضيني ..افعلك ما يرضيك ... والعكس... كان الله في عونك ..... |
اقتباس:
يبقى التعامل وحسن العشرة والاحتواء لكن لا حياة لمن تنادي .. وانتوا الشباب بالذات أغلبكم .. أغلبكم .. ما تدركون هالنقطة المهمة إلا بعد ما يطيح الفاس بالراس وتتزوجون وتروح السكرة وتجي الفكرة وتشوفون ان التعامل وطريقة الحياة مع زوجة فاهمه اهم من وحدة قمة في الجمال تكون اريح واجلب للسعادة والاستقرار والغلط الثاني الي للحين انت مو مدركة تفكيرك الدائم بالثانية لأن الأولى ما ضبطت ايش الغلط .. الغلط ان ما عندك صبر .. الغلط انك سلبي واسفة على الكلمة بس انت ما تبي تبذل اي مجهود عشان تصلح وضعك وحياتك وزوجتك مع انكم لسه جداد وفي أمل بنسبة كبيرة زوجتك تتفهمك في كلمة ابي اقولها ويسامحوني اخواني الرجال أن أغلب الرجال عندنا يبون الشي جاهز ما يبون يبذلون اي مجهود عشان يصلحون اوضاعهم يبغون زوجة مرسومة على القد وتعمل كل يبونه من غير تفهم ان هذي انسانة لها طبايعها وتربيتها المختلفه والي نحتاج لوقت ومجهود وصبر عشان نتأقلم ونكون واحد وهذي النقطة بالذات هي سبب تفكير الرجال بالثانية دائماً على بالهم في يوم من الايام بيشوفون زوجة جاهزة مثل الي في خيالهم بدون بذل اي مجهود وبدون تقديم اي تنازلات وانا اقولها بالفم المليان ما في بنت كاملة و مافي رجل كامل |
حوارات اعجبتني
بس انا اخت 7اولاد<< متمرس لا تضحك لاجينا نخطب كل واحد فتح فمه حلوة ومدري ايش ... يوم تطلع مي على كيفك قال انا ماقلت ابي حلوة والله ضحكتني نفس الموقف مع اخوي وانفصل عن زوجته...يقول ماقلت لكم نحيفة احط يدي عليها اكسرها الله واكبر بس وانت الثاني حسبي على شيطانك من الحين تبي الثانية طيب ياعيني اشغلها دور لها معهد نادي ..عمل اي شئ يشغل وقتها بعدين باقولك حاجة من اسلوب باين انك من اللي يتريق بس بدفاشة لاتزعل عندي واحد من اخواني كذا يجيب المرض ماتدري هو يمزح والا يهاوش الله يسخرها لك ويسخرك لها يارب عاد من ناحية الحريم يدقون يسالون شاطرين في العيارة ....حتى انت دق ...وش وراك .. |
اخي من جد انت لسة في البداية وطالب الثانية بس ضحكتني والله
وفكرة ان زوجتك موقادرة تتعاون معاك حاول تاقلمها شوي شوي بتتعود مشكلة اذا كانت من الناس اللي ماتقدر تصبر على العيشة وبعدين اذا على حكاية الطلعة ليش ماتطلعها ايش وراكم ترى الطلعة تجددحتى لو تمشية بالسيارة اسمك طلعتها وغيرت جو وفكرت ان كل ماصرات لكم مشكلة تروح وتحكي الناس اللي حزلكم هذي اكبر غلطة حاول تتفاهم معاها ان تردعها حتى لو زعلتها بس تفهم انه غلط لانها كذا بتتعود انه مافي اسرار في البيت في النهاية لاتياس واصبر الزواج في اوله لازم يكون في شوية مناغصات بس لازم ناخذ منها دروس مو نفكر بالبديل على طول الله يهديك المصارحة واخذالامور بمحمل الجد وانك تضع حد لاي امر ضروري والله يهدي الحال |
ضحكتني والله من اسلوبك ههههههههههههههههه
اصبر شوي على مرتك ولا تفكر بالثانيه حتى لو تزوجت ثانيه ما راح تنحل مشكلتك الا بالعكس بتزيد المشاكل فوق راسك لحد ما عاد تقدر تسوي شي الله يصلحك انت وزوجتك ويسخركم لبعض |
على طول الثاني
حرم عليك تحمل ليش بس المراةء تحمل طلعه بين ليه شكثر تحبه واي طالب تطالبه بس معقول تنفذا بس بمقابل خله تعرف اقصوره بصور مباشر وحطه بصور قول اني مضيق من تصرفتك بس بكل هدوء وخليه يمكن تبكي بس لا تحول ترضيه ولا تزعل منه وقول هذا وجهة نظري واتمنى تتغيري كل وحده تخاف على زوجه يروح منه فل تحرق قلبه فان قهر النساء هو الزوجه الثاني فلا تقهره |
| الساعة الآن 05:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©