|
تساؤل عن اختلاف جسم المراة بعد الولادات و ارجو الدخول لتشاركوني تجاربكم
السلام عليكم و رحمة الله و بركاته يمكن معظمكم عرف اني حامل ماشاءالله:14: وطبعا جاء بدون تخطيط لسة بنقول ياهادي في تجربة الكوندوم بالوسائل الطبيعية وماعجب زوجي وصار يومها حمل سبحان الله وزوجي كرهه جدااااا المهم يمكن تقولو انو كلام سابق لاوانه لكن الي مجربة وضعي بتحس فية يعني حيصير عندي طفلين باعمار متقاربة جدا ومشي الحال بنقول اصحاب وقد بعض و هالكلام لكن تفتكرو كل مرة بمشي الحال انا تعبانة من حملي الاول لانو الحمل كان تعب لانو حمل ببساطة والحمل متعب مهما كان سهل ولادتي حصل فيها المشيمة الملتصقة بعدين استمر النفاس 70 يوم وكان في بقايا ولادة وراحت بالحبوب المنزلة بعدين لخبطت الدورة وصارت نزيف بعدين جربت الامبلانون الي هوة مانع حمل بروجسترون فقط زي الحبوب تبعت الارضاع لكن جرعة مركزة وهوة مانع قوي اكتر منها وماناسبني تعبني جسديا ونفسيا ونزيف 3 شهور يعني ضليت 8 شهور مشاكل ونزيف بعدين صار الحمل :23: شفتو توهقت صح :d المهم رغم اني لسة بالاسبوع ال12 بس من الان حاملة هم مانع الحمل لغيت فكرة المانع الطبيعي للابد ودورتي طويلة لا يناسبها اللولب العادي والهرموني مابدي اياه دورتي 9 ايام يعني وانا بخاف منو وبخاف يتحرك واحمل الحبوب المركبة ناوية عليها لكن عال6 او 7 شهور ليصير الولد الجديد ياكل زي فهود طيب شو العمل في المدة السابقة اول شهرين قولو نفاس وراحة طيب 4 و5 شهور شو اعمل فيها استخدم مانع طبيعي لاااااااكارثة يصير حمل والببيي عمرو كم شهر اخ انا تعبت من الموضوع حلي الوحيد حبوب المرضع ولكن تبقى المشكلة انو بروجسترون وانا جربت البروجسترون في الموانع هلكني فاتوقع يعمل نفس الاشي لكن عندي امل اخير قرات مرة انو تفاعل جسم المراة بالهرمونات وهيك يختلف بعد كل ولادة يعني معناه الي ماناسبني اول ولادة يمكن يناسبني تاني ولادة فهل هاي معلومة صح مين جربت اكتر من مرة ولدت ومرة ناسبها شي والمرة التانية ماناسبها يعني في امل يتقبل جسمي الحبوب يعني مش متحملة وضعي نفسيتي تعبت يا نزيف ياحمل يا تعب نفسي يا حيرة وعدم راحة بدي ارتاح اكون ريلاكس من حيث منع الحمل واعطي زوجي حقه وانا مرتاحة ولا والف لا للكوندوم والقذف الخارجي والهلوسات هاي انا تبويضي قوي ماشاءالله لاقوة إلا بالله تبارك الله ومافي مغامرات في الموضوع والرضاعة لاتمنع التبويض عندي ابدا لانو الدورة تيجي عادي وتيجي علامات التبويض معروفة عندي جدا مش عارفة شو اعمل الود ودي مااعمل اي مانع لكن هادا كلام منافي للحقيقة المرة اني ممكن احمل مرة تانية بدون تخطيط لاتقعدو تقولو اني خرفت وبستبق الاحداث ولا تقولو نقعد عالحيط ونسمع الزيط الله يخليكو افهموني انا مش مهووسة بمنع الحمل انا بخطط للمستقبل بدي تستقر نفسيتي واربي ولادي واعطي نفسي حقها صحتي تدهورت اخر مرة حسيت انو انا بكامل صحتي وقوتي كانت قبل حمل فهود يعني انا حملت في 2-2008 من هداك الوقت للان وانا دايما هبوط او وحام او نزيف او تعب او سهر رضاعة او وهن عام في الصحة والله اكتب وعيوني بتدمع لانو الموضوع قرفني جدا بدي خلص اعيش حياتي وارتاح سنتين لارضع ابني الجديد ويعني انسا الهبوط والقرف والتعب هادا فكرت وقلت اول 6 شهور خلص مايكون في جماع داخلي اصلا لكن حرام عشان زوجي لانو بعد الولادة برضو نزيف نزيف نزيف وفش جماع داخلي ومالحقنا يخلص النزيف حملت واول حملي صار دم بني وهيك والدكتورة قالت امتنع عن الموضوع ويعني مش معقول اضل حارمة الرجال للابد ريحوني الله يريح بالكو يارب ويقر اعينكم سؤال اخير الدكتورة كشفت علي وقال في كيس عالمبيض اجا بسبب الحمل ومفروض بيروح لحالو وان ماراح لازملو عملية بعد الشهر التالت عشان يقل احتمال الاجهاض لكن انا قرات انو العملية ممكن تعمل اجهاض انا رايحة بكرة الدكتورة وخايفة لانو اشعر بتقلصات احيانا وهاي سببها الكيس معناته ماراح مين بتعرف شي عن الكيس المبجل هادا مع العلم انو الدكتورة قالت انو مختلف عن التكيس الي باخر الحمل وهادا شي تاني مالوش لزمة ولا اثر عالتبويض والحمل انما لازم يروح في كل الاحوال الله يريح بال الي تريح بالي وحسو فية وماتسمعوني حكي بديق اكتر احيانا تضيق بي واجي انجن واحيانا اقول من هون للولادة يا مين يحيينا وبقول انو عادي ممكن استخير واضل استغفر بنية الحبوب الرضاعة تناسبني وماتسبب مشاكل وقتها مستحيل الله يخذلني (وماكان الله معذبهم وهم يستغفرون) تفتكرو ينفع الواحد يستغفر بنية متل هاي؟ والله انو هم كبير عقلبي بكون بدي استغفر بنية الله ييسر ولادتي وويسر امر الحبوب وماامر بمشاكل ونزيف واعتقد بنفع صح لانو الاستغفار لتفريج كل الكروب والهموم مهما كانت ولجلب الصحة باذن الله فالي كنت امر فيه تعب لصحتي والله حيرحمني لو استغفرت ودعيت ام انو الاستغفار بنية زي هيك حرام؟؟؟ اطلت عليكم لكن اكيد حسيتو بحكي من قلب مقهور قاعدة ياريت تكونو فهمتوني وتساعدوني |
كيفك حبيبتي
والله يريح بالك بس انا بصراحة ما فهمت يعني هلا انتي حامل للمرة الثالثة وعندك 2 ولا انتي خايفة تحملي انتي عارفة بوضعي يشبه وضعك كثيرا فانا على تمام 9 اشهر حملت بالبيبي الثاني وها انا بالشهر السادس وانتي عارفة اني زيك حملت ورا بعض على طول انا زيك جربت كل انواع الموانع واقي ، حبوب، لولب كلها عملت فييه العمايل ولما عرفت اني حامل للمرة الثانية وابني لسة عمرو 9 شهور بكيييييييييييييت واسودت الدنيا بوجهي وصرت افكر زيك اني بدي ارتاح وبدي اعيش وبدي وبدي وبدي لحد ما اهل محمود وامي قعدوني ووعوني ودائما اسمعي من الكبار حماي قالي كلمة ما قدرت ارد عليها قاللي: اذا ربك بدو يخلق انسان انتي باي حق بتعترضي يعني ربنا كاتب لابنك ينخلق الان يعني انتي بدك تمنعي خلقة ربنا عز وجل؟؟؟؟؟ وكم من الناس يشتهو اطفالا ابنة خالتي مسكينة كانت مثلنا ولدت ابنها قبل 6 سنوات وعلى طول على الحبوب والموانع والان اصبحت عاقر الدكتورة قالتلها احمدي ربك ان رزقك ابنك هذا وان احتمال الحمل عندها وعند زوجها شبه مستحيل الا بمشيئة الله بعدين امي وحماتي صارو يحكولي ويفتحو عيوني يقولولي انو هيك احسن واسهل لالك صح ببتتعبي في بداية سنين الحمل والولادة ولكن هيك اولادك بيكبروا بسرعة وبيكبروا مع بعض وبيربوا بعض وفترة سنين الطفولة ثم ترتاحي من غلبة الاطفال لانهم سيكبروا سوية ويصبحوا يبداو يعتمدوا على انفسهم ويريحوكي ثم ستكون اعمارهم متقاربة ومتالفة يعني عقولهم ايضا فلن يكون بينهم بعد بسبب فرق السن فسيكونوا اصدقاء غير انهم اخوان يعني تخيلي حالك يعد مرور خمس سنوات بعد ما يكبروا اولادك رح تبلشي من جديد حمل ورولادة ورضاعة وتنظيف وواع وويع يعني لسة بدك من البداية اما لما يكونوا سوية فواحد بعلم الثاني وتكون فترة لك ثم ترتاحي من هذه الفترة على طول لا تضلك قلقانة واحمدي الله على نعمة الاولاد فغيرك يدمع دما لاجلهم ولا تبقي تحاولي تاخذي الموانع حاولي انت وزوجك العزل (اسفة بس يعني انو ما يقذف داخلك) وتوكلي على الله واذا حملت فاعلمي ان هذه مشيئة الله ولن تمنعيها مهما عملت فربنا كاتبلك كم ولد وكاتب لكل ولد تاريخ ميلاده ونحن ناخذ بالاسباب ونتوكل على الله فلن تغيري مما كتب الله شيئا والله يسعدك ويعطيكي حتى يرضيكي وضلك ادعي ان الله ييسرلك امورك ويشفيكي وانو يسهل عليكي تربياتك لاطفالكويقوي جسمك هي انا رح اترك شغلي ورح تتغير حياتي كنت بالاول زيك زعلانة بس الحمد لله هلا احسن وطمنيني عنك دايما |
اهلا حبيبتي انا مش زعلانة عالحمل الحالي خلص الحمد لله
بس مابدي اقضي حياتي هيك انا عندي ولد والتاني عالطريق انا يعني عندي واحد لحد الان وان شاءالله يجي التاني بسلامة انا مابرفس النعمة بس بنفس الوقت بدي اخد بالاسباب الغربة صعبة وانا تعبت ومابدي انا ااجل الحمل 5 سنين عادي بعد الولادة سنتين رضاعة وثم الحمل يعني هادا برضو يعتبر ورة بعض لكن مش معقول كل سنة احمل بواحد بدي افوق شوي مو رافضة نعمة الله ابدا بس الواحد بخطط و باخد بالاسباب والطريقة الي بتقولي عنها ابدا مستحيل اتبعها يعني الاطفال نعمة بس كمان الواحد بدو يحافظ عصحته ولا انا بدي امنع الحمل 6 سنين ولا غيرو سنتين رضاعة وكان الله بالسر عليم سنتان وماحيكونو راحة لانو طفل جديد والاول صغير وحالة فمش معقول كمان في نصهم احمل الله يكتب الخير وانا مابعترض عمشيئة الله بس بدي اكون ماخد بالاسباب يعني لو اخدت مانع وحملت حقول الحمدلله لانو حكون اخدت احتياطي ولكن ارادة الله فوق كل شي لكن اني مااخد مانع واضل قلقانة وهيك وتيجي كل الامور خربطة هيك فهادا الي مابدي اياه مش معترضة عمشيئة الله بس بدي اخد مانع مريح نفسيا والي يصير يصير احمل او لا هادا من عند الله ممكن اخد حبوب واحمل عادي بس انا بدي اخد شي الاول وبعدين الله ببيسر الخير وانت مين قلك بترتاحي؟والله الي بخلف بحس ماعمرو برتاح بضل تعبان ورة الاولاد ليكبرو ويتجوزو وبضل برضو حامل الهم انا مش زعلانة وبحب الاطفال ومبسوطة فيهم بس زي مقلت راحة وتخطيط مش اكتر شكرا الك والله يوفقك |
شوفي زي ماقلتي بعد ماتدخلي الاكل ممكن ترجعي على الحبوب المركبة
و قبلها استخدمي حبوب الرضاعة . استني لا تقولي جربتها انا جربت حبوب رضاعة اسمها noriday والله ياملك بسم الله ماشاء الله مشت معي زي الحلاوة الدورة منتظمة .. لا افرازات لا نزيف لا صداع لا اكتئاب لا سمنة و لاا اييي شي استخدمتها حتى بعد ما وقفت رضاعة و الحمدلله مشت معي و لا حملت عليها .. بعدين من هبالتي رحت غيرتها بحبوب الرضاعة سيرزيت تعرفيها .. برضوا حبوب رضاعة و برضو هرمون واحد يعني المفروض ما تتغير .. لكن تعالي شوفي حالي الحين كل 10 ايام تجيني الدورة :( او بالاصح استحاضة ملل و كابة و سمنة و تغيير مزاج الله لا يبليك سويت بحث في المواقع و اغلب الناس يمدحو حبوب ال noriday و يذموا في حبوب سيرزيت بسبب الدم المتقطع هذا قصدي انه حتى حبوب الرضاعة تختلف باختلاف تركيز الهرمون .. فا لو تقدري جربي هذه الحبوب و بتدعي لي ان شاء الله .... او الحل الامثل ابتعدي عن ابو الشباب طول ال 7 اشهر الاولى :) ... امززح :) انتي جربي حبوب الرضاعة noriday و بعدين يصير خير اما بخصوص الكيس المبيض.. ماعندي علم . بس انتي لا تفكري و خليها على الله .. ان شاء الله ربي يتمم لك على خير و يرزقك طفل معافى و سليم يااارب :15: |
الله يسهل عليك وييسر امورك
|
الله يعينك جد تعب نفسي
|
ملك حبيبتي اول شي مبروووووك على الحمل الف مبروووك فرحتلك من قلبي ثاني شي استغفري ربك و اشكريه على نعمه,, عسى يكون خير الله اعلم و ابعدين انتي ايش ضامنلك انك راح تحملي بالثالث,, ياما ناس صابهم العقم بعد الطفل الأول او الثاني.. ولا ايش ضامنلك ان راح تعيشي اصل خلي نفسيتك عاليه,, تري جنينك يتأثر بالأكتئاب و القلق هذا و الله حرام حتى فهود الصغنون حزنت عليه عيشي يومك بيومه و خليكي مرحه و مفرفشه و خلاص الي صار صار مافي رجعه و ماراح ينفع الندم انت تريد و انا اريد و الله يفعل ما يريد....اتذكري ان هذه دنيا و يمكن هذا امتحانك فيها |
بالنسبه للمنع لاتهملين زوجك ولا شي فقط جربي طريقه القذف في الخارج
انا سنين عليها ولله الحمد مايحصل حمل الا لمن يحصل قذف بالداخل وبخصوص الكيس على المبيض لاتخافي انا نفسيتي لمن نت حامل زفتت معاه مافهمت على الدكتوره لانها قالت فيه كيس يغذي الجنين وبيروح بع3 شهور بنفسه وبعد شوي قالت وحسبي الله عليها ممكن يكون كيس وممكن يكون ورم جلست اشهر الحمل في نكد وهم مايعلم به الا ربنا والحمدلله بعد الولاده سويت سونار لقيته اختفى لحاله الله يقومك بالسلامه يارب |
نورا حبيبتي شكرا الك :) تسلمي يارب اشوف بعد الولادة ان شاءالله
زهور ومروة شكرا الكو حبيباتي لوف اوف لايف ياحبيبتي انا مش مكتئبة ولازعلانة من حملي الحالي يشهد الله حامداه وشاكراه وفرحانة عليه اول كم يوم زعلت وفجاة نزلت الفرحة عقلبي انا بفكر لبعد الولادة يعني بدي اعطي ولادي حقهم لاتحزني عفهود طول اليوم بلعب معاه ومفرفشة انت بس ماتعرفيني منيح بفكر بالمستقبل بس مو اكتر لكن مو مقطعة حالي شكرا الك حبيبتي مضاوي مستحيل اجرب هالمانع ابداااااااااااااااااااااااا جربت مع الموانع الطبيعية ومستحيل اكرر المخاطرة بالنسبة للكيس الله يعينك نكدو عيشتك ورم؟بعيد الشر تنشوف بكرة انا رايحة اشوف شو حتقول وان شاءالله خير تسلمي عالمرور |
ليش خايفة من اللولب والله ارحم بمليون مرة من كل الموانع اللي قلتيها صح دورتك يمكن تصير 11 او 12 بس يهوووووووون ولا اللعب في الهرمونات جربيه يمكن سبحان الله يصلح معاك لا تحكمي عليه وانتي ماجربتيه صحيح هو اول ثلاث شهور يطفش بس بعدين يزبط انا شخصيا مازبط معاي الا بعد سنة وصبرت عليه لين صارت الدورة عندي 8 ايام بس ارحم من الحبوب والطبيعي كلهم يحرقون الاعصاب لكن اللولب زيادة دم كم يوم اهون من تعب القلب والخوف من الحمل والاكتئاب
اسمعي كلامي وانا اختك جربيه وبتشوفين كيف |
| الساعة الآن 06:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©