|
مواقف البنات من النظره الشرعيه..
السلام عليكم موقف بناتنا من النظرة الشرعية : : أشين شي لما تجي الحمولة كلها تبي تشوف البنت عسى ماشر وش يحسون فيه...هي مو خروف يشوفون يصلح والا لا اكرررررررره العاده ذي ...والله لا يكتبها لخواتي ولا لصديقاتي... يجي هو ويشوفها اما اهله يجون معصي اليوم بقول لكم قصة وحدة من البنات بس هذي القصه انا متأكده انها حاصله في كل بيت فيه بنت في سن الزواج و اخوانا الشباب ما حسو لا فينا ولا في خواتهم و كل ام حاسه ببناتها بس احساسهم مايغير شي بالموضوع مابي أطول عليكم بدخل بالقصه على طول ام عبير اتصلت عليها حرمه تخطب لولدها خالد و تمدح فيه و تمجده كأنه أحسن ولد في العالم وتسئل عن عبير تقول : والله يا ام عبير يقولون بنتك عبير حلوه صدق؟؟ ام عبير ترد :الحمدالله بنتي جميله و مايعيبها شي ام خالد : عساها طويله ؟ عساها بيضاء؟ شعرها ناعم ؟ كيف جسمها بالله وصفيها لي ام عبير تحاول تجامل وتمسك اعصابها ام خالد : ها يا ام عبير متى يناسبكم نجي نشوف البنت !! ام عبير: والله يا ام خالد عبير تفضل ان الولد يجي وبعد مانسئل عنه هو يشوفها ام خالد : وشوووووووو من جدك اصلا البنت مالها راي الشور شور اهلها وانا لازم اشوف الي ولدي بياخذها يناسبكم باتسر؟؟ ام عبير برد لك بكرا تنتهي المكالمه وتنادي الأم بنتها وتقولها ها وش رايك موافقه عبير : على ايش؟ الأم :على الولد عبير : لا شفته ولا عرفت عنه شي وشلون اوافق الأم :خلاص بواعد اهله وشوفيهم عبير : وش ابي بأهله باخذه هو ولا اهله و بعدين فكينا من سالفة الأهل احنا اتفقنا اي موضوع يكون بينا وبين الولد على طول انا ماابي اعرض نفسي على الحريم انا انسانه مو ناقه مميزه جايين يشترون و البيع لأعلى سوم كم مره دخلت على حرمه و حرمه يجووون ساحبين خواتهم و بناتهم وقهوه وشاهي و معجنات وحلا وكركره والفرجه بلاش وبعدها يروحون ولا نعرف ردهم خلاص انا مليت انا انسانه عندي كرامه و مشاعر و احاسيس مابي هذا الوضع يمه خلاص الأم مصره على انهم يجوون وش تسوي تبي الستر لبنتها !! عبير تستسلم زي العاده بعد ماقالت لها امها جهزي لبسك مانبي لا بنطلون زي اول مره يمكن كان هو السبب ولا تنوره قصيره زي ثاني مره و شعرك لاتخلينه كيرلي هذولي يحبون الناعم و دهني بفكس خلي لونك يفتح تراهم يحبون البياض !!! عبير جوابها !!لاتعليق تاخذ عبير جوالها وتكلم صاحبتها ساره و تطلب منها لبس يناسب اصحاب المعالي لأن ملابسها ماتتوافق مع المقاييس العالميه للأم السعوديه و يعلنون حالة استنفار في البيت لأستقبال الضيوف الموعودين الأطفال يرسلونهم لخوالهم و صياني الحلا و الموالح تتجهز و البخور يتولع و يجون الضيوف و تستقبلهم الأم طبعا ام الولد و توابعها اختها بنتها بنت خالتها اللي يجي ماهي الفرجه بلاش بعد السوالف و القهاوي تدخل عبير و العيون تراقب داخله وهي كأنها تقول شوفوني عساني عاجبتكم عساني مطابقه للمواصفات و المقاييس !! تطلع و يطلعون وراها من ذلك المنزل الذي احتفى بهم وكرمهم وعرض لهم سلعه من سلعه والابن ينتظر هاه عساهم جازتلكم (( و ((اه بس يامخفه لو بتشتري سياره انت اول من يحددها يمر يوم يومين ثلاث اربع ولاحولك احد محد دق ولاحد اتصل وبنت تقول خلاص ميئوس منهم وتمر الاشهر والبحث جاري مابين بيوت خلق الله مافيه بيت ماطقوه ولافيه عائله ماشوفوا منها والابن في انتظار و البحث جاري و المشاعر مالها حساب عندهم البنت تبدا توسوس وش فيني انا شينه؟ طيب الكل يقول عني حلوه؟ ياربيه معقوله اعنس؟ معقوله محد يبيني!! طيب ليه ما ردو !! ويبقى السبب مجهول و عبير خاطرها مكسور مين يواسيها !! امها الي ضايق صدرها اكثر منها على كسرة خاطر بنتها ولا الخطيب المجهول !!الي يمكن حتى هو مايدري ان اهله جايين يشوفون له طبعا محد رح يواسيها صديقاتها مثلها ماهما سعوديات بعد و النظام ماشي عليهم يعني لا تشكيلي واشكيلك ولا تبكيلي و ابكيلك ولا صاحبتها اللبنانيه عشان تضحك عليها و تقولها لك شو هالتخلف ............ .. يا ناس حرام عليكم الله و رسوله ما قالو كذا ليه أجازو النظره الشرعيه لأن الولد نظرته غير عن امه مره حريم رايحين يشوفون وحده لولدهم و والولد هو الي موديهم لمى شافه الأبو عند الباب سلم عليه و دخله واعجب بأسلوبه وقاله بنادي لك بنتي و شافها وشافته طلعو اهله من بيت البنت وهم يقولون البنت ما تصلح شينه الولد قال الا تصلح و انا شفتها و اعجبتني و تزوجو و انسترو مايستفاد من الحكي هذا كلو و القصه ياناس احنا بنات حمايل ولنا نسايب وعايشين ونتنفس اسئلوا عنا وبتجيكم مواصفاتنا بعدين يجي هو وشووله تجون انا باخذكم واالا باخذ ولدكم ياعالم متى تحسون بهالوضع تراه جدا مزري ومدمر نفسيا وغير لائق اخلاقيا لا ومصيبه بعضهم يشوفونك شهر 5 ويسكتون،، يجي شهر 12 يدقون يقولون نبغها محلات وهي محلات 3 ايام مهله بعدها ما عاد يلتفتون لك وهي جماد ياناس حسووووا ليش مانعالج هاالمشكله لو كل بنت ترفض ان الأهل يجون و تشرط ان الولد بس الي يشوفها رح يتغير الوضع التعارف بين الأهل يتم ان شاءالله اذا تمت موافقة البنت و الولد وشافو بعض كل وحده لازم تفكر في غيرها اخوك اذا جاء يخطب حاولي تفتحين مخ اهلك الي يبغاك يجي يشوفك هذا الجاد والي شاريك وشاري اخلاقك ونسبك واذا شافك ولد كملت وصارت لمظهرك ولو ماصار شئ فخلاص القرار صدر من صاحب الشان مو من 3 الوكلاء الي يجون وانت ياعريس الغفله ليه ما تقرر بنفسك كم وحده ووحده راحت عليك وكان ممكن تسعدك و تسعدها و تعجبك و تعجبها بس ذوق خالتك ولا امك ما كان نفس ذوقك انت الي بتتزوج ولا اهل البيت !! ولا وش رأيكم ياشباب...؟؟ مــنـقــولـــ |
عندك كل الحق فيما قلتي
عندنا غالبا ما يأتي العريس بمفرده في البداية و بعضهم يطلب أن يرسل أمه أو أخته لكي تعاين البضاعة على الطبيعة عفوا اقصد ترى العروس بدون حجاب لتنقل له الصورة قبل زواجي كنت مقررة أن لو حدث هذا الشئ معي و طلب العريس أن تراني انه او اخته كنت سأوافق ثم بعد أن يذهبون اقول له شكرا مع السلامة و كنت سأوفق على مقابلة امه فقط لكي لا يقولوا ربما هي عندها قراع او جرب لذلك رفضت المقابلة و سأرفض بعد ذلك لأني لست سلعة يرسل من يعاينها و لكن الحمد لله زوجي لم يفعل ذلك حتى امه لم تراني بدون الحجاب الا بعد الزواج بحوالي شهر على الرغم من أن الخطوبة دامت 3 سنوات:) |
كلمات اكثر من رائعة!
فعلا لو نتبع السنة ما صرنا كذا بس احنا نفهم الدين غلط! |
السلام عليكم ..
اتفق معك في كل كلمة ...ونعم هو سيناريو متكرر ولن يتوقف .. وكأنك تتكلمين عني ... ولكن عندما حلفت ايمانا مغلظة انا لا ادخل على غير الخاطب نبهتني والدتي الى امر كان قد غاب عني : قالت : صح يابنتي هو الي بيتزوج مو هم ...وصح نظرة الرجال غير نظرة الحريم ... بس ما فكرتي الأم وش بتسوي فيك بعدين لو أخذك الولد على غير رضاها ولا عينها ؟؟قد لا ترتاح حتى يطلقك .. وما شاء الله بعض شبابنا يظن ان الفتاة لعبة اخذها اليوم الله يهدي أمي وان ما هداها اطلقها .. هو يتزوج غيرها على نظر امه ويترك الفتاة وقد حملت لقب مطلقة ....عنده عادي بعض الحموات الله يهديهن تسود عيشة كنتها ان اختارتها هي ...فكيف ان لم تختارها ؟؟؟ وجهة نظر الله يرزق بناتنا وبنات المسلمين بالطيبين الصالحين |
و عليكم السلام ..
عفواً / تم نقل الموضوع لقسم المقبلين على الزواج حيث مكانه الأنسب .. |
فعلاً هذا الشي بذاته الي حصل لي أمي وخواتي خطبو وما دريت وفتشوا يمين ويسار وطبعاً أنا ما ادري
ويوم لقوا ست الحسن والجمال الي تناسبهم شاوروني بنخطب لك فلانه بنت فلان طبعا هذا بعد ما حبكوا اصلا الشغله مع ام البنت والبنت نفسها (((( مرتين أنا أرفض هذا الطريقه )))) حتى لو البنت ما تنعاب بس انا لي كياني لكن لا والف لا رفضت بشده مو عيب بالبنت بالعكس الظاهر الي فهمته من اختي انها مو مصدقه البنت بس الطريقه انا ما عجبتني ولي نظره ثانيه المهم أنا خطبت لنفسي في البدايه من أبو البنت شخصياً ومن دون علم أهلي لا أبوي ولا أمي وقلتله شاور و إذا موافقين أكلم أبوي والحين انا في فترة الخطوبه أهم شي أنه أنا الي أخترتها |
وعليـــكم الســـــــلام ..
فعلاً يحصل هذا .. ولكن الغــــالب في مجتمعي ان النســـاء يرون البنت .. (يعني في عرس او مناسبة او جامعة او عشاء ... اوبالاصح في مكان عام ) بحيث البنت لاتعلم (يعني لايصرحون ) ولكن في قرارة نفسها ربما تحس .. ثم يبلغون الولد .. واذا كانت على طلبه تصبح المسألة رسمياً بذهاب الولد ووالده للخطبة مع الشوفة .. بارك الله فيك على النقل .. والله يصلح الحــــــــــال .. ويرزق جميع بنات المسلــــمين الازواج الصالـــــــحين .. |
يووووووووووه ما اصعب هالمواقف
صحيح صعبه بس لابد من وجود الام اذا متوفيه .. اكبر وحده بأهله لابد لان للحريم برضو نظره ... ومايسوى ع البنت تدخل بين حريم ما يطيقونها لان ولدهم اختارها بدونهم هذي النظره السائده الان ولابد من الاخذ بعين الاعتبار بها لكن فعلا مره مو حلو القبيله كلها تجي اعرف وحده تقول يوم شوفتها جا زوجها واهله الرجال كلهم ورجال الجماعه كلهم فوق السبعين رجال استغفر الله وطبعا ابوها مسكين مايدري رجع في اخر لحظه جاب مفاطيح وقلبها عزومه اولها فين واخرها فين زوجها مسوي وجاهه ودخلوا البيت 10 مساء ولا طلعوا الا 3 فجر بالله وش هذا ؟ هو الابتعاد عن السنه يسبب هالخرابيط والا والله مافيه ايسر من هالدين |
| الساعة الآن 10:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©