نفسي أفهمها يا معشر الزوجات !
 

نفسي أفهمها يامعشر الزوجات


تبون زوج حنون


وتبون فيه صفات الرجل من قوة وقيادة وخشونه وكل الفروق اللي تميزه عن النساء والأنوثه


يعني وحده تحب يكون صوته بالتلفون رجل وقوي ورزه

وبنفس الوقت صوته هادي وحنون


أشوفها ماتجتمع


وضحوا لي يالزوجات كيف تحبينه معك:

بالكلام والجلسات
وبالهاتف
وبالجد
وبالمزح

انا بحب الرجل رجل بمعنى الكلمه
وبنفس الوقت يكون حنون وهادى

يا اخي ما تسمع المثل الي يقول كل شي بوقته حلو،، يعني انت بنظرك ان الحريم يا يبون واحد نعوومي كيووت ، دلووع، ولا يبون واحد جلف دبشه ما يقدر شس معناه زوجه وزواج..


لاا حبيبي.

انا اقولك وش يبون....

الحرمه تبي ظهر وسند بوقت الحاجه ووقت الشده، تبي رجل يعتمد عليه ، كلمته سيف، يتكلم وهو ساكت ، ادري الكلمه هذي يبي لها تفسير وتوضيح بس شي واقعي، تبي شخص حكيم يوجه ويدلها على الشيء الصح، تبي رجل في كلمته ونظرته وفكرته وكلمته، تبي شخص بنفس الوقت يخاف عليها ويحاتيها ويفكر فيها ، ويساعدها على الشيء المفروض انها يصير.

وبرضوا الحرمه تبي رجل حنين ، عاطفي ، رومانتك في مشاعره واحاسيسه وشخصه في وقت معين ،جلسه، طلعه ، ببيتهم، وبمشوار، بغرفة النوم، تبي رجل يحسسها بأنوثتها ، تبي رجل يحسسها انها انثى جالسها مع رجال، تبي رجل تحس فعلاً انها رجل، وموب صعبه صدقني، ولكن انت توكل على الله والله بيسهل كل امورك.

بقولك شي بسيط، ممكن ما يكون له علاقه بسؤالك او بموضوعك ، ولكن صدقني انها مهم جداً.

كل الحياه والعيشه للمرأه مع الرجل مقبوله، الا حياه واحد، وهي الحياه مع البخيل، او العيش مع البخيل، سواءاً البخيل الحسي والمعنوي والمادي.

هذا الشخص الي فعلاً الحرمه ما تقدر تعيش معه ، وما اتوقع فيه اي شخص يخالفني الرأي.

الله يوفقنا ويوفقك.

عجبني جدا ردك
وخاصة هاذي الجمله لاني اشوفها بعيون زوجي
رد يستحق القراءه بجد!!

السلام عليكم
أعتقد أن المرأة بحكم طبيعة خلقتها تحب في الرجال صفات عديدة قد نراها متناقضة و لكن الأمر ليس كذلك.
للمرأة حاجيات أهمها الحنان و الإحتواء و الأمان. و لذلك على الرجل أن يكون حنون رومنسي لكن دون ضعف أو تميع و عليه أن يكون رجلا صاحب مواقف و قادر على تحمل المسؤولية. و لهذا على الرجل أن يراوح بين كلا السلوكين بتوازن و إنسجام. و لك في رسول الله صلى الله عليه و سلم أسوة حسنة فأنظر كيف كان يعامل زوجاته و تأمل ذلك جيدا.

ردود جميلة رائعة

موفقين