|
متــــزوج بمواصفات منفصل
كنت أحلم دائماً قبل الزواج بزواج هادىء ينقلني من حياة العزوبيه إلى العش الهادىء ولكن تفاجأت بأن الزواج ليس كما تصورته .... متزوج لكن لم أجد ما كنت أبحث عنه من الهدوء والتفاهم والحنان .... أحيانأ افكر بالزواج من أخرى حتى ولو كانت منفصله ولكني أخاف من تكرار التجربه علماً أني لست كبير 32 سنه ولا ينقصني شيء والحمد لله ولكن هذا هو المكتوب ،، حاولت تغيير نمط الحياة ولكن بدون جدوى بروووود في كل شيء ألا في المشاكل فهي ناااااااار .. الله يصبرن :( الإشراف/ أخي مشعل : تمنع زخرفة العناوين |
مشعـــــــل
الزواج الثاني .. اخر الحلول خله (اذا فعلا تحاول تحافظ على نجاح زواجك ) مشعل .. وين المشكلة بالضبط .. ؟ هل هي شخصية زوجتك ؟ ولا روتين الحياة ؟؟ .. كلنا مرينا بنفس شعورك ملايين المرات ولكن .. مو كلنا للاسف عرفنا السبب الحقيقي الي يخلينا نحس هالاحساس .. اذا كان السبب روتينية الحياة ( وليته يكون ) فالحل بالسفر او البعد المؤقت عن زوجتك .. او انك تاخذ اجازة وتسافر مع اصدقائك .. او او او .. الخ ولكن ان كان السبب شخصية زوجتك .. فهنا ماقدر اقول شي ماعرف وش فيها بالضبط مو عاجبك .. اذا كتبت وش مضايقك منها بالضبط .. نقول لك وش ممكن تسوي .. مع ان عندي احساس ان الرواسب النفسية لها دور كبير .. |
روعة المعنى رد رائع كروعة معناك ,,,,,,
المشكله فعلاً بضغوط الحياة يعني الطرف الثاني لا يعترف بالرومانسيه رغم انه مؤهل لها والعناد المميت ،،،،، ربنا يسهلها دعواتك ودمت بود ... |
اقتباس:
مشعل ..شكرا على الاطراء الطيب .. طيب الله احوالك .. الي واضح من كلامك .. ان زوجتك بالاصل فيها رومانسية لكن من ضغوط الحياة اختفت .. اذا كان الوضع كذا فهون على نفسك ولا تنسى شكر نعم الله الثانية .. فغيرك من الرجال تزوجو حريم بطبيعتهم باردات خاليات من روح العاطفة .. ثانيا .. ضغوط الحياة وروتينها ممكن نخفف من اثرها .. زوجتك .. لها احساسها ومشاعرها ويمكن تكون بردت بسبب الروتين وحاولت بطرقها الخاصة تطلع منه وما لقت تجاوب منك .. فظلت على برودها .. عموما .. تحتاج صبر مشعل تحتاج تغير معاملتك لها للاحسن .. مع الصبر .. ضروري تتصارحون .. وتسالها وش مضايقها منك .. اذا فعلا يهمك شعورها واحساسها وحياتك معها .. وبنفس الوقت تقول لها وش يضايقك فيها عشان تعطيها اكثر من فرصة تصحح اخطائها .. وانتبه لاسلوبك وانت تكلمها .. مشعل ترى كثير مرات يكون كلامنا صح لكن اسلوبنا يحوس ام الدنيا .. بعد المصارحة تتفقون على الحلول وعشان تساعدها تتفاعل معك وبنفس الوقت تكسرون روتين الحياة .. خذها بسفرة لاي بلد تحبونه كلكم .. السفر في اغلب حالات الملل من روتين الحياة .. هو الحل |
شكلك مااتكلمت معاها فترة الخطوبه ولا عرفت طباعها ولا شي
الله يعينك |
الله يفك عوقك اخوي مشعل
انت حاول تكون رومانسي معاها اقصد عطاها اللي تبيه عشان تاخذه منها فاقد الشيء لا يعطيه صارحها قول لها اللي بخاطرك واعتقد انها راح تتجاوب معاك وايد |
شاكر لردودكم الرائعة كروعتكم :) ما يهون علي مقوله أسمعها دائماً (( ما فيه أحد مرتاح )) ليس فرحاً بهموم الناس ولكن المقصود أن كل له مايهمه ويشغله |
اقتباس:
لانا دايما نبحث عن الكمال في كل شي وناسين ان القناعه كنز لايفنى لونرضى بالقليل كان عشنا مبسوطين |
شكراً ناااني والله يخلي لكي اولادك وجودي الي شكلها اقلقتكم بصياحها بالبيت ههههههه |
الله يعينك على احزانك ويصبرك
لكن انت كتوم او غير قادر على تنظيم المشكلة براسك اكيد فى مشاكل اكبر من كدة هى الى معصبة الجو وبتخلى المشاكل هى الوحيدة الى مشتعلة الله ييسر حالك اخى مشعل وفكر تانى لكن مع الصبر واكثر من الاستغفار تحياتى |
| الساعة الآن 09:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©