|
الطلاق اصعب كلمه
مساكم ورد جميعا
انا تطلقت في 27/9 وبدون اي سبب صحيح ان مشاكلتا تافه انا وزوجي والمشكله اني احبه واموت فبه واحس انه يبيني بس متردد يعني الساعه اللي اهديتها له لحد الحين يلبسها وميدالية مفاتيخه ,,, اغراضي كلها عنده وش اسوي اكلم اخنه تصلح بينا ؟؟؟ |
أهلاً وسهلاً
بأختي االحياة لا شك أن الطلاق كلمة صعبه على المرأة وتخف وتهون على الكثير من الرجال بكل أسف . أختي تقولين أنه طلقك بدون أي سبب وجيه وأن المشكله كانت تافه ، طيب يا أختي ليش ما حاولتوا أنكم تحلو ا هذه المشكله قبل ماتفكروا في حلها بالطلاق .من المؤسف أن الكثير من الأزواج أو ماتواجهه مشكلة وإن كانت صغيره تفكيره بالطلاقأقر من تفكيره لحل هذه المشكلة . أختي أنتِ لازلتي في أيام العده ، فإذا رأيتي أخته أنسانه عاقلة ومتفهمه وكاتمة للسر فأنا لأجد أي عيب أو إحراج في أن تسأليها لماذا أخوها طلقك ؟ وأذا رأيتي منها ندم على فراقك لأخيها علها تسعى في رجوعك . وقبل كل شي يا أختي أستخيري الله عز وجل فهو خير من أستشرتي اسأل الله لك العون وأن يكتب لك السعاده ويجر كسرك ويلهمك الصبر إنه ولي ذلك والقادر عليه . أختي جاء ردي قبل أن تضعين الأستفتاء لى تعليق على الخيارات التي وضعتيها في الأستفتاء هل هناك فرق بين اكلمه و بين أتمسك فيه وضحيلي بارك الله فيك . |
ايه كلمي اخته واهلك قبل ماتنتهي العدة خير البر عاجله فلا تترددي في الرجوع الى زوجك باسرع وقت
|
لو بايدك اي شي تسوينه علشان ترجعين بيتك لا تقصري
كلمي اخته أو كلمي أهلك يجيبونه ويحاولون يفاتحونه بسبب الخلافات الله يصلح البال ويرجعك له بسلامة |
تسلمون كلكم
السالفه بالمختصر ان ابوي راح يسوي عمليه بالرياض في الصيفيه اللي طافت وسافرت مع اهلي برضا من زوجي واهله وماكان بينا الاكل خير ومافي خاطره شي,,,, صحيح اننا تهاوشنا قبل السفر باسبوع بس والله راضيته واهديت عليه ساعه بمناسبة مرور سنتين على زواجنا وسافرت والله وهو راضي وجلست بعيده عنه شهر وفجأه انقلب علي وصار ينبش لي اشياء اختلفنا عليها وانتهت وتصالحنا عليها ونسيتها .... ولما رجعت من الرياض مع اهلي تركني عند اهلي شهر وكل ماكلمته كان يفتح معي نفس الموضوع انت مرة سويتي كذا ومره قلتي كذا وانا كنت ادراريه واقوله انا غلطت حقك علي وفجأه طلقني من دون مايكلمني حتى!!!!! عشان كذا قاعده اسالكم وش السواة معه اناشاريته صحيح انه ولد خالي ومو حلوه اني اذل نفسي له وانتم عارفين مجتمعنا .... بس فيه حلقه مفقوده وابي اعرفها ودقيت عليه كذا مره مايرد علي فصرت ارسله رسايل اذكره بالاشياء الحلوه اللي كانت بينا وبالمناسبه انا اول مره اكتب مشكلتي في المنتدى وسامحيني على غبائي ياحديث الوقت انا والخيارات اللي حطيتها مع العلم اني معلمة رياضيات وحطي تحتها مليووووووووووووووون خط واشكر كل شخص رد علي وساعدني |
اقتباس:
اهلاً بك يا أستاذه االحياه ولا يهمك يمكن من العجله وعدم التركيز جت الخيارات مترادفه . ----------------- شوفي عزيزتي كل زوجين بينهم مشاكل لكن تمضي مع الوقت وتعود المياه لمجاريها ، لكن أنا دائماً أنصح أنو يكون بين أي زوجين قاعده عريضة جدا لتفاهم والحوار وحل المشكلات وأن يصلوا الى حد من الأقتناع يرضي الجميع . وأنتِ تقولي شاريته لكن هو مايرد عليك أنا أشوف بما أنه ولد خالك وخالك إنسان موغريب عليك ليش أمك ما تكلم أخوها وتحاول هي وأخوها يقربوا وجهات النطر بينك وبين طليقك . وتخلوها عائليه بينكم يمكن هو يأثر فيه أبوه وأمك بلا شك . سؤالي لك يا أختي هل لديك منه أطفال . . |
لااااا وللاسف الشديد الله ماكتب لي وصدقيني لو كان عندي منه عيال ماكان صار اللي صار
وعلى فكره امي كلمته وقالت له اتمنى انكم ترجعون لبعض بس هو متردد ودائما رده الله يكتب مافيه خير |
اقتباس:
لا تحزني ما يقدر الله إلا خيــــــــــر ، أنا حاسه بوضعك هذا .. لكن لا تيئسين من رحمة الله طيب هو ما سمعتي عنه خطب ولا حاول ، سامحيني أذا كلامي ضايقك :24: |
الله يفرج كربتك والله مادري وش اقولك بس حاولي تصلحي الامور ترى الطلاق
ماهو شي هين إذا كان ولد خالك يصلي وخلوق حاولي ودخلي اي شخص يكون سبب للصلح بينكم بحفظ الرحمن--- |
نفسي احد من اخواني الرجال يردون علي ويعطوني رايهم ,,,,,,,,,,,,
طبعا ماهوب انقاص من قدركم اخواتي ولكن ابي اعرف وجهة نظرهم من هالناحيه .... كان يحبني يمكن ماعشت معه في بيت واحد بحكم وظيفتي ويمكن مشاكل العمل تخلي الواحد يطلع من طوره ووضعنا مع اهله لاني عايشه عندهم لاطلع معه,,, ولااجلس معه كثير,, هي كلها اربعاء وخميس والجمعه مسافر وفوق كذا كان يجلس مع اهله .... اعصابي مره تعبانه,,,,,,,,,,, |
| الساعة الآن 03:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©