|
كيف اقنع والدي برفضي لولد عمي !
السلام عليكم
انا مأدري كيف ابدأ معكم مشكلتي لكن انا ماجيتكم الا تقفلت بوجهي كل الأبواب.. ابدأمعكم انا من قبيله متشدده انا من كنت صغيره يتكلمو عني اني راح اتزوج واحد من عيال عمي حتى لما يجي احد يخطب يقولو هاذي لعيال عمها ومن حسن حظي اني لي عم واحد وعياله اثنين وقبل سنتين اتصل علي واحد منهم اللي هو الصغير فقال لي انه يحبني وانه بيتزوجني وانه يتمنى اني مأتركه فقلت له اهللك يعرفون بهذا الكلام قال لا وانا ماعلي من احد وانا اقصد بكلامي اخوه اللي اكبر منه اللي المفروض اتزوجه بعدين قلت لأمي اللي صار بنينا وقالت انسيه هذا واحد على قد حاله وانسان كان يستخدم هيروين غير كذا انتي لأخوه لكن رفضت كلآمها وكل بين اشهر اتصل اتطمن عليه وياليت مأتصلت وخلآص حسيت ارتحت له مع انه اكبر مني بخمس سنوات واخوه بيدخل الثلاثين ودكتور وانسان محترم لكن انا اكرهه ومأرتاح له واتقرف اذا شفته مأدري ليش امس طلبتني زوجة خالي من أمي وقالت اذا عيال عمها مايبغونها حنا نبغاها وانا ولد خالي من زمان ابغاه واتمناه لكن ابوي رافض اتزوجه لأنه بينه وبين خالي مشاكل ويكرهون بعض مع ان ولد خالي مسجون الحين وراح يطلع بعد ستة اشهر وانا اتمنى اطلع من بيت ابوي اليوم قبل بكره كله بسبب ظلمه حابسني بالبيت مأطلع غير كذا يشك فيني من أقل حاجه وانا بريئه لدرجة اذا شافني بالحوش باليل وحدي يجلس يحقق معي كله من باب الشك ومايخليني اكلم صديقاتي والحين ابي منكم طريقه اقنعه فيها مايزوجني ولد عمي الكبير ويتركني اتزوج ولد خالي تكفوووووووووون ارشدوووووني والله حالتي حاله |
كان الله بعونك وفرج همك عن قريب
|
يعني ولد خاالك اللي تبينه
خريج سجووون؟؟؟ ورااافضه الدكتوووور المحترم ووووو الخ؟؟؟ |
هو موخريج سجون هاذي اول مره يدخل بسبب مشكله وسوء تفاهم والدكتوررررررر مأرتاح له
|
حبيبتي ضمه:)استخيري منتي عااارفه وين الخير ليج
ممكن يكون الخير بولد عمك اللي من لحمك ودمك وش عرفك؟؟؟ ابوك يبيلك الخير حبيبتي واذا رااافض ولد خالتج اكيد فيه شي وش عرفك ولد خااالك يطلع من السجن اخلاقه زفت لان كثثثير اللي يدخلون السجن اغلبهم يتغيرو كل شي جااايز وجااايز العكس حبيبتي فهشااان كذا اقولل استخيري يالغلاااااا والله يوفقك اللي فيه الخير ومن فينا ارتاااحت لزوجهااا قبل الزواااج والله كنااا مثلك:) وبعد الزواااج حبيته من كل قلبي:) عشااان كذا ضروري تستخيري وتوكلي امرك لله سبحااانه الله يوفقك يابعدهم وينور دربك:) |
مشكوووووووووووور اختي أم لؤي على الدعوووووووووووه الله يجزاك خير
|
اختي نوووووورين مشكووووووره على الردود
المشكله بين خالي وأبوي يعني مو بولد خالي بالعكس ولد خالي مافيه شي وأنا مأدري وش ذبني يوم يحرموني من سعادتي |
ينااااااااااااااااااااااااااس ابي حل بسرعه مأبيكم تطالعون بالموضوع وتطلعوون
|
وش تبينا نقول بالله عليك
حتى لو كان مسجون بسبب سوء تفاهم يسمى خريج سجون لانه ما انسجن مثلا شهر هو باقي له 6 شهور يعني راح تضيعي من حياتك نص سنه ع الفاضي وماتدري يمكن تكون اخلاقه زفت افيقي لنفسك وانتبهي لحياتك ماتبين الدكتور المحترم واللي عنده وظيفة قد الدنيا ورايحه تركضي لواحد له تجارب مع المخدرات ويخون اخوه لانه عارف انو مسمينكم لبعض والثاني اللي تركضي له خريج سجون حتى لو ما ارتحتي للذكتور لاتاخذيهم كلهم مو ترمي لناس عندهم سوابق ربي يهديك اختي بالنسبه لابوك وللشك فليش تاخذيه من باب الشك فعادي اغلب القبليين يسوون كذا اذا لاحظوا بناتهم تصرفوا بشيء مو من طبيعتهم يسوونه تبين نعلمك طريقة عشان ابوك يقبل بولد خالك فانا وحده ماعندي لاني بصراحه شايفه الدكتور افضل من خريج السجون |
كم عمرك اختي وكم عمر ولد خالك
|
| الساعة الآن 02:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©