|
موقفي من أخت زوجي:(
السلام عليكم ورحمة الله وبركاته.. بقولكم الموقف وأنتم أحكموا هل إللي سويته صح أو خطأ ؟ بداخلي نــــار وقهر من أسبوع سويت لولدي الصغير عمليه تسليك للعينين وتنوم بالمستشفى ثلاث أيام المهم أنا في منطقه تبعد عن أهل زوجي مسافة ساعتين طلع ولدي من المستشفى وماحد منهم كلمني ولا تحمد لي على سلامته طبعاً كلموا ولدهم بس ومو كلهم فقط أمه وثلاثه من أخوانه الرجال وبعدها بثلاث أيام رجعت بولدي المستشفى وتنوم برضوا يومين وأحتاج تخدير للكشف على عينينه لأنه كان فيه إشتباه بوجود مويه زرقاء طبعاً أنا ماكنت بالدنيا من كثر القلق وأصلاً مالي نفس أكلم أحد أو أشوف أحد إلا لما أتطمن عليه لكن كنت أسأل زوجي حد دق عليك من أهلك يقول لا المهم طلعت ولدي بالسلامه وما فتحت السالفه مع زوجي وما زارني من أهله إلا أخوه الكبير وبناته لأنهم ساكنين في نفس منطقتنا ومع العلم أخوه الصغير بعد ساكن في نفس المنطقه بس مازارنا وأمس موعد ولدي بالمستشفى الصباح طلعت من المستشفى وجاء على بالي إني أروح بيت أخو زوجي الكبير هم ساكنين مسافة 10دقايق بالسياره لأنو بناته يجلسون الصباح وأنا مشتاقه لهم دقيت على وحده من بناته وقلت لها إني بجيهم ساعه قبل لا يطلعون الأولاد من المدرسه وفرصه أغير جو لي أسبوعين بين المستشفيات والبيت بس قالت حياك الله عمتي الكبيره وبنتها موجودين عندنا طبعاً أنا أنصدمت قالت لهم أسبوع عند عمي الصغير وتوهم من ثلاث أيام جايين عندنا قلت لها يعني هم هنا يوم سويت لولدي عمليه ومافكروا يجوني لا والله خلاص هونت ماني بجايه طبعاً كنت بموت قهر أحس إني بطق من القهر وقالت تكفين تعالي هم أصلاً ناويين هاليومين يجونك قلت آسفه خلاص مابي هالزياره ما أفتكروني إلاآخر الناس وسكرت رجعت البيت وأنا خلاص بموت من الغيظ لأني بدون مدح في نفسي أوجبهم في كل صغيره وكبيره أحترمهم فوق ماتتخيلوا ومافيه بيني وبينهم أي مشاكل أبداً أبداً و كنت أفتكر إنهم يحبوني ويعزوني لكن أكتشفت العكس حتى سماعة تليفون مارفعوها علي وسلفتي زوجة أخوهم الصغير إللي دايم يحشون فيها وووووو هي إللي يعملون لها ألف حساب أنا خلاص من اليوم ورايح بغير معاملتي عشان الكل يعملي حساب تخيلوا حتى بعد ماسكرت قلت أقلها بيجون يطيبون خاطري بنفس اليوم ولا حد جاء ولا حتى إتصال وبالأخير أعرف إنهم داقين ع زوجي ويتعذرون له ماعندهم رصيد طيب وين راح تليفون البيت بالعربي ماعندهم عذر أنا قلت لزوجي ماراح أقعد بالبيت كل ليله بطلع وماأبغاهم يجوني خلاص زيارتهم وصلت قال لي زوجي ليه متحسسه هالقد قلت له ماجربت لما تعمل لشخص ألف حساب وحساب ولا يعبرك حتى بإتصال ولما فكروا يتعذروا اتصلوا عليك أنت ماهمهم من الموضوع إلا أنت أما أنا وش كنت ولا شئ حيا الله زوجة أخوهم !!!!!! |
عندك حق حبيبتي
المشكلة انك تقوم بواجبك اتجاهم وهم يصدو عنك بس كيف علاقتك بهم من قبل ؟ |
هلا بك خيتو
علاقتي بهم أكثر من ممتازه مافيه أي مشاكل أبداً أقولك كنت أتصور إنهم يحبوني أكثر من كذا ! كنت أتصور قدري أكبر لأني ماعمري غلطت على حد منهم وأهم شئ رضاهم لأنه من رضى زوجي وهم مافيهم أصلاً شئ يعيبهم أو حتى يخليني أتصرف معاهم بغير كذا بس هالموقف أثر فيني كثيييييير |
اكيد راح تاخذي على خاطرك يا قلبي
بس ما زال علاقتك بهم ممتازة التمسي لهم العذر ولو اجتمعتي فيهم عاتبيهم عتاب المحبين وقولي لهم حبي لكم وقربي منكم خلا ني اخذ على خاطري منكم ولو اني ما اعزكم واغليكم ما اخذت على خاطري ولا اهتميت من الأصل لكن ما يعاتبك الا اللي يعزك موفقه |
سلامة ولدك من كل شر يارب
الاخت الكريمة دلووعه
في البداية اتشرف ان يكون اول مشاركه لي في المنتدى هي رد على موضوعك ... اولا .. الحمد لله على سلامة ولدك و عسى الله يحميه من كل شر يارب ، و نصيحه لا تتهاونين في موضوع سلامة العين و اقترح عليك بشده اخذ راي طبيب آخر لزيادة الاطمئنان ، و لا تنسين طبعا غسلها بماء زمزم و تحصين طفلك بالصباح و الليل .. بالنسبة للموقف .. حقيقه الموقف فعلا يضايق و يحز بالخاطر ، و في نظري هناك جوانب لازم بعد نلتفت لها و لا نغفلها : 1- اتصور ان المشكله مش بس في علاقتهم فيك لكن في علاقتهم باخوهم ابتداءا .. لا تنسي أن الولد هذا ولدهم و ابوه اخوهم قبل لا تكونين انت زوجة اخوهم ! فأتصور ان اصلا في مشكله في طريقة تعاطي الاخوان مع بعضهم و في علاقاتهم الاجتماعية (حتى لو ما كانت ظاهره بصورة واضحه )و بالتالي في رايي لا تحملين نفسك هم اكثر من كذا لان انت جزء من مشكلة موجوده اصلا. 2- قبول الزوج : في نظري ان زوجك لا يهتم كثيرا للتفاصيل و بالتالي زيارات اهله له أو اتصالهم بك ما كانت ( ولن تكون ) على قائمة تفكيره .. و هذا جانب مهم لازم تعرفينه يا دلوووعه ان تعامل الناس معنا هو نتيجه عكسية لتعاملنا معهم ابتداءا ( عامل الناس كما تحب ان يعاملوك ) .. انا ما اقول ان زوجك مقصر معهم او ما يواصلهم لكن على الاقل ما يفرق معاه كونهم اتصلوا او حتى اهتموا .. ما ادري اذا الصور وضحت؟ بالتالي ، راح تتعبين لحالك لان صعب الانسان يغير طبعه و خاصه مع اهله اللي عاش بينهم من هو صغير ! اقترح عليك انك تحاولين تتعلمين من زوجك هالمهاره ( التطنيش ) صدقيني أصحاب هالمهاره هم اللي عايشين و مستريحين ! 3- التوقيت : مثل ما فهمت ان الموضوع صار خلال الاسبوعين الماضيات و لا تنسين انها كانت بداية مدارس و انفلونزا اسود الله يحمينا و اياكم .. يعني الناس و الله تُعذر بالتقصير في مثل هالأيام .. صدقيني ، في أشياء كثير في حياتنا ما راح نقدر نغيرها و لا زم نتعايش معها . و في نظري اختي اهتمامك بصحة ولدك و سعادة زوجك أهم كثييير من اي شي ثاني ... ازاح الله همومنا و همومكم ،،، سكون |
حبيبتي بحب احكيلك انو انا متلك لما ولدت ما شفت حدا من اخوات جوزي الا تنتين وعددهم 6 زعلت اولها وهني ما ببعدوا عنا ساعة وانا كنت كتيييييييييييييييييير اوجبهم بس انا ندمت ليش اصلا افتح معهم الموضوع لازم اطنشي الي بحبك وبحب ابنك ما بدو عتب وعزيمة علشان يجي والجية الي بدهم يجوها رفع عتب ما بدك اياها وانت من يوم وطالع لا تقصر بواجباتهم عشان جوزك وعشان رب العالمين بس عشان تعيشي صح عمرك لا تتوقعي من الناس انهم يكونوا متلك ويتصرفوا متلك الناس اطباع والطبع ما بتغير
|
انتي تدورين المشاكل؟؟؟؟
الحين انتي ناويه انك تروحين بيت اخو زوجك او كائناً من كان، وش الي ردك،،، وش يعني اذا كانوا موجودين، يعني ماعاد تبين تقابلينهم ولا عاد تبينهم يجونك ولا عاد تبين تقابلينهم بعد بأي مكان عاام؟؟؟ وش هاالتفكير؟؟؟؟ اسمحيلي،، ولكن يوم انك ناويه تروحين تزورين بيت حماك كان رحتي والي موجوده موجود ، والي موب فيه الله يحفظهم ، لا تكبرين الموضوع وهو اصلاً ولا شيء، يعني انتي كنتي مشغوله مع ولد في المستشفى ، وهم يعني كانوا يتبطحون ولا وراهم اي مسؤليات او اهتمامات او اي شغل ، يعني انتي المشغوله وهم الفاضييين، هل هذا يعقل؟؟؟ وبعدين لما نويتي تروحين ، ورى ماقلتي مادامهم هناك فصه اقابل اهل زوجي واسلم عليهم واطمنهم علتى صحة ولدي ، حتى وان قصروا انا الي ببدا با الطيب والحسنه، ولا تشوفين فيها اذلال لك ولولدك. موب كلام منطقي ابداً اختي. انتي تبينهم منهم شيء طيب، اجل لا تمنعين من نفسك الطيب ، وتحترينه يجي من غيرك،كوني انتي دائماً السباقه للطيب والخير والكلام الحسن ووصل الرحم. ترى الموضوع اصلاً بسيط ، ولا تكبرينه اكثر من اللازم. هذولي اهلك ومن لحمك ودمك ، مهماً كان ، لا تحاولين تفتعلين مشكله وانتي لسى طالعه من هم عملية ولدك وتنكدين على نفسك وعلى زوجك. با العكس اخذي لك فواله وقهوه وشاهي وروحي لعمتك وعمك وسلمي عليهم وطمنيهم على صحة ولدهم وولد وولدهم، ولعى صحتك بعد ، ترى هم الي لهم الحق. وبعدين انتي تقولين انا اوجبهم ولا اقصر معهم، حطي في بالك اختي انك اذا فعلتي طيب قطيه بحر ، ولا ترجين من ورااه شيء ، عشان تحبين نفسك ويحبك الناس وتنحبين. الله يهديك بسس. الله يوفقنا ويوفقك. |
اقتباس:
تدرين مازعلني إنهم مازاروني كثرإنهم ماهتموا أصلا بإنهم يكلموني أشكر مرورك خيتو |
اقتباس:
أما موضوع أزمة الإنفلونزا فهذا شئ لا يمنعهم لأنهم لا مدارس ولا أعمال تمنعهم أو تخوفهم من الإختلاط أو ماشابه صدقني أنا ما أحط في بالي أصلاً لكن بس صار هالموقف أسترجعت أشياء بدون مقدمات آخر أسبوعين من رمضان سويت عمليه لبنتي لوز ولحميه ومويه على الأذن كل بيت زوجي أتصلوا علي وكلموني لأنهم كانوا خايفين على بنتي عشان ثلاث أشياء مره وحده وأخت زوجي الكبيره آخر وحده دقت ومادققت على الموضوع لأن أم زوجي الله يحفظها تكفيني عنهم كلهم وكانت باليوم تدق مرتين من قلقها لكن هالمره أم زوجي أكتفت بالإتصال على ولدها ومن كذا أتوقع إني تحسست من الكل لأنو إتصالها يعني لي كثير وزاد الموضوع إنو أخت زوجي لها أسبوع موجوده مارفعت تليفون البيت مو الجوال ودقت تتطمن لا علي ولا على زوجي وبرضوا إللي قهرني أكثر واحد من أخوان زوجي مسوي عملية لوز لبنته السبت اللي فات ولما دقيت على زوجته أتحمد لها السلامه قالت لي أنو أخت زوجي الكبيره توها مسكره من عندها تتطمن على بنت أخوها طبعاً سلفتي ماتدري عن إني شايله بخاطري منهم وماجبت لها سيره بالله مو شئ يقهر يعني ولدي ولد البطه السوداء لو مو هالأشياء كلها وإلا كان ما حطيت في بالي ولا شرهت على حد أشكرك على مرورك آسفه لإطالتي |
اقتباس:
تخيلي هي تعتب لو رحت زياره لأهل زوجي وكانت مسويه طبخه وما أكلت منها لوبسافر مع زوجي أي مكان من غير ما أسأل أو حتى أقول مجامله تفضلوا معانا وبالأول وبالأخيرن سويت وإلا ماسويت مو عاجب أشكر مرورك خيتو والله يخلي لك أولادك |
| الساعة الآن 08:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©