|
زوجي ومزاجه المتقلب
السلام عليكم و رحمة الله وبركاته
بدخل في الموضوع على طول معاناتي مع زوجي ومزاجه المتقلب اولا الحق ينقال هو طيب معايا وحنون وكريم بس لمن يكون مررروق و معدل الطاسه في القهوة بس اذا ما راح الكازينو وشرب الشيشه الله لايوريكم تصير روحه في خشمه وينافخ ويعصب وتوصل احيانا لمدة اليد و اذا ما تكلم ما يعطي احد وجه ابدا خاصة اذا كنا في خرجه احس نفسي انا المهرجه اتكلم وانكت واضحك وهو ولا شي اذاا جامل ضحك لنا ضحكه صفرا من غير نفس الحال دا معاناه خاصة اذا ابغى منه شي ما يحتاج له تاخير او مشواار ينكد على الواحد نكددد عقله يقفل وما يفهم الكلام اللي ينقال له وياخذه بشي تاني اعطيكم مثال و دا شي صار يوم الجمعه كنا في المدينه طبعا صحي الظهر وصلى الجمعه في الحرم وجلس مع اهله لاننا كلنا سوى واتغدينا وبعد صلاة العصر مشينا من الفندق على بيت خالته جلسنا ساعه ومشينا على جده وهو اخر تشيشه له من يوم الخميس الصباح وفي الطريق كنت افكر بحاجه ابغى اشتريها فقلت له (عمري ابغى اشتري الحاجه الفلانيه) و كنت ابغى اكمل الهرجه و اشرح له ليه انا محتاجه دا الشي بس قولوا لي كلامي فيه غلط على طول طرطع عليا وقاطعني وقال( انتي ما تفهمي انتي شايفتنا في جده عشان اشتريلك ايش الكلام هذا) انا سكت وبعدين قلت له (لييييه انا عقلي صغير قد كدا ما افهم انت يعني لمن اهرج معاناته خلاص وقف واشتري انت ما راح تفهمني ابدا ) ومشينا عادي فتحت معاه مواضيع عاديه لمن حسيته شويه رااايق وقلت الحمد لله ووقف عند بارنيز اللي في الخط واشترالي اللي ابغاه مع انه كان في سرا وهو ما يطيق دا الشي بس وقف لانه كم مرة نروح المدينه و اقول له اشتري لي وما يوقف بس اعديها ودي المرة وقف جبر بخاطري بس لمن وصلنا تحت البيت جيت ابغى افتح الباب ما انفتح لاني مقفله زر الامان وعلق الباب علياومو راضي يفتح ( ومو اول مرة كم مرة صار دا الشي وتصلح الباب من نفسه وهو للمعلوميه قالي لعد تقفلي الباب بالزر بس انا متعوده اقفل الباب من صغري فصرت انسى كثير ) ولمن ما انفتح الباب صرخ براسه ( انتي ما تفهمي الا لمن ارفع عليكي العقال واطيح فيكي واطيح فيكي واطيح فيكي الين تتوبي ولا عاد تقفليه) مررررررة انقهرت وسكت وصار يسال ولا ارد عليه واذا رديت بشي بسيط بس عشان لا يعصب اكثر وطلعت البيت ولمن طلع العفش برضه صار يخاصم ويدعي عليا يقول (تقفل الباب الله يقفل عليكي ابواب جهنم) مرررررة انا خلااااص قفلت منه وطنشته وهو راح الكازينو من الساعه 9 الين الساعه 1 ونص رجع البيت لمن رجع كنت نايمه وحسيت نفسي تعبانه وبديت اسخن فقلت له اني تعبانه جيب لي مويه وبندول وحسيت انه مو معصب وكان يخدمني بعيونه وغطاني وقلي ذاكرتي لان عندي اختبار وكان جدا رقيق معايا وتاني يوم كلمته غصبن عني عشان ابغاه يوديني المستشفى وكنت اتكلم معاه وداني ورجعني وهو مررررق وانا مرة اعطيه وجه ومرة ما اعطيه هيا بالله ايش رايكم في المزاجيه حقته والله اني احترت احس نفسي مهدده وحياتي معاه ممكن يبيعها برخيص اذا ما شيش هذا مثال و طويل صحيح بس دا شي عادي وحصلت مواقف اكثر من كدا وكتبت في البدايه انه وصلت للضرب انا ما اشيل عن نفسي الغلط بس خلاص انا طفشت من الصراخ في الشارع على حاجه تاااااافه جداا والفضايح قدام الناس يصرخ عليا في البيت بكيفه بس في الشارع والله مرررة انقهرت وانا طبيعتي لمن اشوفه مررروق ارجع له لاني ما احب الزعل كنت اول انصحه انه يبطل شيشه بس لمن شفت اخلاقه كدا ومع الحياه معاه صرت اقول بكيفه صحته مو صحتي بس برضه مرررة اخاف عليه وانصحه انه بكيفه يشيش بس لا يكون على حساب صلاته لانه مفرط فيها الله يهديه ولا على حسابنا ولا على حساب نومه لانه يسهر وتاني يوم يروح الدوام تعبان ويرجع تعبان واذا نبغى شي يا يخرجنا بنكد او يطنشنا وينام والله والله هو مرة طييييب و كرييييم و بعض الاحيان تنزل حنيه منه مدري تجي من فين وفيه خير بس ما عرفت له ممكن الازواج اصحاب المزاج يدلوني ينصحوني كف مشيين حياتهم ايش يبغوا في حياتهم مع زوجاتهم ............؟؟ |
الله يعينك اختي ويهدي زوجك انا ما عندي صراحة حل
لكن انا تزوجت والحمدلله لي سنة وزوجتي تقول لي ابوها اللى هو عمي يشرب شيشة يمكن لة 30 سنة والله انا انصدمت يوم عرفت هو صحتة زينة يمكن عالشان يتحرك كثير ما اثرت علية بس هي قالت لى مرة هو جلس يعصب علينا عالشان رحنا عمرة ومالحق يشيش هههههه اذن الفجر بس تقول بعدين جلس يعتذر ويتاسف للبنات وجلس يراضينا هو والله طيب عمي بس لو ما شيش مشكلة لدرجة انة يستاذن اثناء الدوام نصيحتي انك تدعين لة عسى ربي يهدي خصوصاً في اوقات استجابة الدعاء وترى هو طيب بس لازم تصبرين علية |
تقفل الباب الله يقفل عليكي ابواب جهنم
بصراحة انا فهمتها بحسن نية يعني ان شاالله ما بتفوتي جهنم ويكونوا بوبابه مسكرين.احكيلك شغلة انا ضد الضرب نهائيا انا جوزي عصبي كتييييييير بس عمرو ما مد ايدو علي ولا حتى بالمزح ليش لاني ما بستفزو كل واحد بالنيا الو عيوب واكيد انت شوي مكبرة الموضوع اساليني انا لما ازعل من جوزي ما بخلي بعدين لما ارضى بعرف انو بسوى الدنيا حبيب قلبي طولي بالك وصلي على النبي بس ركزي على شغلة الضرب هذا الاشي الوحيد الي ما بنسكت علي |
مثل ماقالت اختنا صاحبة الرد.
موب نهاية العالم لو يرفع صوته، قدري وضعه اذا كان مشوش ، ويبي يكيف، وانتي تقولين رجع وهو رايق ونيمك ومبين انه طيب معك. اذا تحمليه. ولكن المشكله موب في رفعة الصوت ، ولكن المشكله في سبب رفعة الصوت الا وهي الشيشه، ها السم الله يكفينا وياه شره، حاولي قد ما تقدرين تنصحينها انه يتركها، بيني له انه غالي عندك وانها مضره با الصحه وممكن تسبب له امراض عده ،قولي انا ما ادري وش اسوي لو يصير فيك شي منها لا قدر الله ، انا ما اقدر اعيش من غيرك. بيني له غلاته عندك. وحاولي قد ما تقدرين تدعين له وتصلحين وضعه من ناحية دينه وربه، لأنها اساس كل شيء. الله يوفقنا ويوفقك. |
الله يهديه ما دامك عارفه مربط الفرس الحين الطب تقدم حاولي انه يعالج ويتركها يمكن يروق لك على طول الله ييسر اموركم |
اقتباس:
جزاك الله خير شكرا على المرور والدعاء اقتباس:
ومشكلة الضرب مرة كلمت اهلي واهلي كلموا اخوانه وبهدلوه و بطل بس بعد ثلاثه سنين عادها بس مو ضرب اسلوب ما يعملوا الكافر مشيت داك اليوم مطنشه وانا مبيته النيه له وتاني يوم كان الربوع وكنت رايحه عند اهلي فلميت عفشي كله من غير ما يدري حتى كان يطلع العفش وشايفه كثير بس مادري ليش قد كدا ثقيل وقلت له ماني راجعه البيت معاك والكليه اروح لها بسواق هي اسبوع جلستها وبعدين جا واخذني بعد ما اتفاهم مع ابويا ودا كله والسبب مشكله تاااااافه جدا شكرا على المرور وجزاك الله الف خير اقتباس:
خلاص هو مقفل مع اته كان خارج من بيت خالته مبسوط ومتشقق من الفرحه بس ركب السيارة مدري ايش اللي كدره قفل الرجال بعدها بس احنا ايش ذنبا في البلا اللي هو فيه حيجيب لنا الاكتئاب لان اوقات روقانه معانا قليله اذا بجلس على كدا وبقدر وضعه اجل متى يلتفت علينا وعلى مصالحنا وليه الشرشحه دي اللي في الشارع والله اني بدعيله الله يهديه ولمن انصحه يقول لي طيب طيب طيب بس فارقي شكرا على المرور والدعاء جزاك الله خير اقتباس:
شكرا على المرور |
هههههههههه
والله ان زوجك رهيب وان ما فيه اي عذروب الله يهديك بس .. موضوعك بصراحه اجبرني ارد لاني ضحكت حيييييييييل , الله يسعدكم ويخليكم لبعض ان شاء الله .. والله هذي ماهي مشكله ولا شي بالعكس اموركم تمام وزي العسل .. وبعدين الدعوه اللي قالها ما يقصد انك تدخلين جهنم .. لا هو مقصده ان ابواب جهنم تتقفل عليك وانتي برا وما تدخلين .. هههههههه الله يسعدكم والله انه زوج مثالي ورهيب حتى وهو معصب :) بعدين شوفي بالنسبه للشيشه والمزاج , هذا شي طبيعي , انا مثلاً أدخن , والله إذا ما دخنت اني اخرب كل شي خخخخ يعني ممكن اتضارب مع اي واحد من اتفه كلمه أو حتى اي شغله مقدر اركز فيها ومزاجي يكون مره معتفس ولو يقول لي احد شي بقلب عليه واخربها معه ههههه حاولي انه يقطع الشيشه بس ترا يبغى له صبر طويييل لين ما يتعود واذا ما قدرتي حاولي ما تطلبين منه شي وهو مو مشيش لانه طبيعي يكون مو مروق .. يعني تجنبيه قد ما تقدرين لان حتى لو تقولين له يا حبيبي بيقول ضفي وجهك عني خخخخخ .. الشي الثاني ما شاء الله تبارك الرحمن , شوفي حركته لما رجع ولقاك مسخنه , بصراحه قمه زوجك , حركته جداً كبيييييييره ويدل على انه محترم وحنون بشكل كبير وتعصيباته اللي سواها وهو مو مروق تغطي عليها هالحركه ورب البيت , بحد ذاتها شي كبير والله .. الله يسعدكم |
يالغاليه
أنتي اذا شفتيه في هاذي الحاله حاولي انك تبتعدين عنه علشان ماتتصادمين معه واذا عصب عليك إبتسمي له ولا تعطينه باااال وقولي له يابويا روووووق مع لكزه بالكوع هههه و ماربل( من روايات أغاثا كريستي) كانت شديدة الذكاء وتعرف كيف تتعامل مع الآخرين حتى أنها تعرف الشيء السيئ في الأمور... كوني مثلها اذا كنتي تحبينها لهاذي الدرجه ... |
الله يهدية ويصرف قلبه عنه
|
اقتباس:
اقتباس:
شكرا على المرور جزاكي الله خير اقتباس:
تصدقوا حسستوني ان المشكله جدا تافه واني ما عندي سالفه بس والله انقهررررررررررررررت قهر منو :(:mad: |
| الساعة الآن 03:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©