|
اعطوني تجاربكم ورايكم في الولاده في هالمستشفيات
هلا حبيباتي أنا بصراحه بكرية وخايفة من الولادة :24:ومفكرة أولد في مستشفى خاص عشان
الرعاية والإهتمام يكون أفضل وعشاني افكر مرة وحدة اسوي الخياطة التجميلية :o وسمعت عن الدكتورة لمياء السباعي إلي سبق أن استضافها منتدانا الغالي وسبق اني جربتها في عملية لحمية الرحم وكنت مرتاحة عندها بس الولادة والخياطة التجميلية ماجربتها عندها وسألتها عن الولادة وقالت لي أختاري من هالمستشفيات أولدك فيهم المملكة أو الحمادي أو دلة أو الحبيب وأنا بصراحة محتارة :25: وما أعرف حتى الأسعار وعناية الممرضات ياليت إلي عنها خبرة تريحني وتسعفني بأسعارهم وتعطيني رايها بالدكتورة وخياطتها & |
ياقلبي الله يهون عليك ويطلعك بالسلامه
صديقتي والده بـ دله ومرة مرة تمدحهم لاتنسين قراءة يس و الزلزلة الله يفرج همك وييسر امرك |
اقتباس:
زوجة أخوي والدة بدلة وتسبهم رامينها في غرفة التنويم ومطنشينها الممرضات ويقولوا لسه باقي كثير عليك وتخيلي بغت تولد في الغرفه وماهم مهتمين بس سبحان الله توافيق على حسب الممرضات وتسخير من الله مشكوووووورة ياقلبي على دعائك الطيب ونصائحك الله يسهل إن شاء الله & |
غريبة والله هي تمدحهم وتقول مرة يساعدونك
يمكن فعلآ توفيق وتسخير من الله في الممرضات انتي استخيري يالغاليه والله يوفقك ويهون عليك |
مثل ماقلتي الولاده تسخير من الله فاأكثري من الدعاء والأستغفار أنا ولدت بسهوله ولله الحمد والمنة على يد قابله مش دكتوره
وخواتي ولدوا بنفس المستشفى وعلى أيد دكتوره شاطره بس تعبوا مررررررررره الله يقومك بالسلامه أهم شي توكلي على الله أولا واخيرا بيده امرك |
بصراحة أنا ملدوغة من اي شي خاص
خلاص الحكومة وفرت مستشفيات والحمد لله مافي سرق ولا احد يلعب عليك+حقوقك محفوظة ومعليش حبيبتي سؤال وشي الخياطة التجميلية وش فرقها عن الخياطة اللي بعد الولادة؟؟؟ واتوقع الحكومي يصلحها |
يا حظك على الدكتورة لمياء السباعي معليش حبيبتي ابي اعرف كيف انت تتابعي معها هل فتحت ملف بالمستشفى واخذت عندها موعد عادي وكم تكاليف متابعة الحمل عندها ان شاء الله مو غاليه انا احبها كثير لانها طيبه وملتزمه ومتواضعه جربتها في الولاده القيصريه خياطتها مرة حلوه لدرجة ان الجرح مو باين ابد هي في مستشفى ذرية جنين الحين ولا لأ؟؟؟ تكفين جاوبيني على الاسئله لاني اذا حملت هالمره ابي اتابع عندها بس الولاده ودي بس شكل المركز حقهم غالي ما سألت عن تكاليف الولاده عندهم ؟؟ طبعا انا اولد قيصريه بس وبالنسبه للمستشفيات انا جربت المملكه من خمس سنوات كان مره حلو ورعايتهم ممتازه والممرضات مرة حنونات اسفه طولت عليك الله يهون عليك ويقومك بالسلامه
|
الحبيب ما عندهم تفاهم
قيصرية دائما .. أو على الأقل كل اللي اعرفهم دخلوه بدون استثناء ولدوا قيصرية ... عن نفسي بعد تعدد الخبرات لم اجد لمستشفى دلة مثيل ولا بديل .. من جميع النواحي .. ابتداء بالولادة مرورا بالتنويم وانتهاء بالعناية بالمولود والله يسهل عليك |
شوفي يالغاليه .. الولاده تساهيل من رب العالمين
أنا ولدت ولدي الاول في مستشفى حكومي فخم بصراحه وقت الولاده جداً زفت ومابعد الولاده 5نجوم وطبعاً أنا محتاجتهم وقت الولاده أكثر شيء .. وكرهتهم .. مع العلم أن الكل يتمنى يولد فيه .. وكل اللي ولدو فيه يمدحونه مره مره .. وأنا على حظي زفت .. ولدي الثاني رحت رعايه الرياض قمه الروعه والعنايه في وقت الولاده ومابعد الولاده تعامل راقي وأهتمام فيك وفي البيبي ويكفيني أني مرتاحه نفسياً .. قصيت لك قصة حياتي .. المهم أنا أعرف كثير ولدو في دله يمدحونه زميلتي جربت الحبيب تقول روعه لمياء بصراحه اسمع فيها ومااعرف أحد جربها الخلاصه أدعي ربك الله يسهل عليك في كل وقت أدعي أن الله يسخرهم لك ذيك الساعه .. أنا هذي دعوتي في ولدي الثاني والحمدلله على كل حال .. |
اقتباس:
تقول مليت ورحت لهم وكل شيء عندي طبيعي وحطوا فيها طلق صناعي من الظهر وماولدت الا آخر الليل طبيعي .. بالعكس أحس أنهم صبروا عليها .. وتمدحهم مرة مرة |
| الساعة الآن 08:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©