منتدى عالم الأسرة والمجتمع - مابي اكلم احد الحين !! (هذا ماقالته خطيبتي)

صفحة 1 من 2

عرض 40 مشاركات من هذا الموضوع لكل صفحة

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - مابي اكلم احد الحين !! (هذا ماقالته خطيبتي) (http://www.66n.com/forums/showthread.php?t=195613)

mr 3nad

30-10-2009 06:16 PM

مابي اكلم احد الحين !! (هذا ماقالته خطيبتي)

السلام عليكم ورحمة الله وبركاته ..

اول شيء اشكر راعي هذا الصرح :22: ..

وانا ماسجلت فالمنتدى الا يوم شفت ان في مشاكل اجتماعيه تنعرض ويتناقشون الاعضاء في حلها :17:

طبعاً انا ماسجلت فالمنتدى بكتب مشكلتي ومابدخل مرة ثانية ,

ان شاء الله بتجوفون لي مشاركات فعاله وهادفة فالمنتدى بأذن الله ..

ندخل في صلب الموضوع واللي مسجل انا عشانه ..

__________________________________

الحمد لله من قبل فترة انا خاطب :28: وعلاقتي في خطيبتي والحمد لله ممتازة :26: ، مساعه كنت اكلمها فالتلفون واهي نفسيتها تعبانه وانا مالومها لكن اذا نفسيتها تعبانه ليش ماتبرد الحره الا فيني انا << يمكن لانها تحبك يالدب وانا ساعات افكر انها تحبني وساعات افكر انها ماتحبني بسبب حركاتها معاي قالت لي بالحرف الواحد مابي اكلم احد الحين مادري شنو اسوي طبعاً انا احين زعلان منها انتهت المكالمه يوم قالت لي مابي اكلم احد قلت لها على راحتج مع السلامة , وانا متاكد انها دام قالتها هالمرة بتقولها مرة ثانية يعني شنو اسوي بالظبط اانا احين مابكلمها لا لين ماتحس انها غلطانه يعني مابتصل ولا بسأل عنها لاني ماغلطت في شيء واذا كنت غلطان احد يقولي معني من اول المكالمه ماغلطت في اي شيء ..

__________________________________

هاذي مشكلتي وبأختصار وهي مب مشكلة يمكن خلاف بسيط في وجهة النظر لان انا حتى لو كنت تعبان او متملل او معصب وفالعمل والمدير ضاغط علي وهي تتصلي ماقولها مابي اكلم احد بالعكس ارتاح لين اسمع صوتها ..

____________________________________

انتظرر مشاركاتكم وارائكم في موضوعي واذا في شي يديد بيي اكتبه لكم هني ..

Mooj~

30-10-2009 06:51 PM

هلا فيك اخوي بين اخوانك وخواتك =)

هي يمكن قالت ماتبي تكلم حد الحين لانها عارفه انها معصبه وعارفه طبيعتها لما تعصب تقط حرتها ع الشخص اللي تكلمه !! :29:

فـ هاي شي عادي .. وانت مافي داعي تطنشها تطنيش تام بس اذا كلمتها اسألها ليش قلتي ماتبين تكلمين احد؟ وصدقني بتقولك كنت معصبه ..

بس ترى هاي شي طبيعي فيه ناس نفسك لما يعصبون يتحكمون في عصبيتهم بس فيه ناس نفس هالبنت يقطون حرتهم

واذااااااااا كنت خايف انها تعيدها مره ثانيه .. قولها بكل صراحه .. انا لما اكون معصب وتتصلين فيني وانا في عز عصبيتــي وقهـــري، ارد عليج واتحكم في عصبيتي لان صوتج يهون كل شي علي .. بس انتي اذا ماتقدرين تتحكمين في عصبيتج .. لا تكلميني الااااا لما تهدا اعصابج عشان ماتقطين حرتج علي ..

بس سؤال .. هذي خطيبتك ولا زوجتك؟ يعني انت مالج الحين؟

أم الشبل الصغير

30-10-2009 06:51 PM

وعليكم السلام ورحمة الله وبركاته
حياكم الله في منتدانا ...

بخصوص الخلاف البسيط اللي بينكم ...
يمكنك كل شوي تتصل يعني بالعربي (طفشتها ) عذرًا ...
بس خلاص لا تتصل لحد ما تعتذر لك عشان ما تتعود تقولها لك المرات الجاية

برضو شكلها من النوع اللي يتنرفز بسرعة فطول بالك معها .. بس تهدأ بتعرف إنها غلطت

الله يوفقكم يارب

لقافه

30-10-2009 08:41 PM

انت بنفسك حاكي وجهات نظر ومو مشكله,,,صح
طيب ليش تبغ خطيبتك تفهم حكيك ذا وهو انت ماحكيت لها الشئ ذا هي ما دخلت بقلبك عشان تعرف انو الشئ ضايقك.
طبيعتها كذا ماتبغ تفش خلقها باحد ممكن تكون خافت ع مشاعرك لو ماردت ..مو في ناس اذا مارد الواحد عليهم
من اول مره يروحو يسوي نفس الشئ (صغار عقول)هو مارد علي من اول مره انا مارد عليه من اول مره!!!!!!
انت لس تتعرف ع نفسية خطبيتك وهي نفس الشئ الشئ الي مو عاجبك نبها عليه وناقشه معو ماتعرف اش الي حدها
تحكي الشئ ذا !!!!!
صح المفروض طالما انت ماتحمل وتستانس وانت تحكي معها اذا معصب
بس لاتنسى انو هي بشر برضو وقدرة تحملها تختلف عن قدرتك.
ماحب اكلم احد وانا معصبه وتصرفي ممكن يكون مثل تصرف خطيبتك:25:والي يزعل يزعل طالما ماحكالي شئ ذا انو ضايقو ..وانا ماحكي شئ ذا الا لناس الي اعزهم عشان ماغلط عليهم وبنفس الوقت اذاماردينا مشكله!

المهموومه

30-10-2009 09:19 PM

حياك الله أخوي تو مانور المنتدى

بالنسبه لخطيبتك

لاتلومها ترى ساعات تكون للواحد ضروف غصب عنه يتصرف تصرفات بدون شعور

قدر الوضع ولاتزعل عليها

بالعكس كلمهااا بعد ماتهدى وقولهاا وشفيك سلامات عسى ماشر خوفتيني عليك

حسسها انك قريب منها وسند لهاا لاتتهرب وتزعل على شي مايسوى

أسمع منهاا العذر أول وعقب أحكم عليها

وبطريقتك وصلها انك ماتحب الحركه هذي وأن مالك ذنب

صدقني بتكبر بعينهاا وبتغليك أكثر من أول

الله يهدي بالكم ويوفقكم ويسعدكم ويهنيكم ويبعد المشاكل عنكم

باريسا

30-10-2009 09:35 PM

اهلاً فيك أخوي عناد ومرحبا فيك بين أخوانك وخواتك

اول شي مبروك على الخطوبة والله يتمم لكم ويجمعكم على خير

بالنسبة لسوء التفاهم البسيط الي صار بينك وبين خطيبتك ..

السبب فيه طبيعة شخصية زوجتك

ومن الآن ضروري تعرف أن البشر في مختلف الظروف والمشاكل والمواقف

يتصرفون باشكال متعددة تبعاً لطبيعتهم

يعني مثلاً خطيبتك ما تحب تكلم أحد وهي نفسيتها تعبانة

السبب ؟؟ لأنها يمكن ما تحب تضايق احد .. ولا تحب تنقل تشاؤمها إلى اي انسان

ولأنها تعرف انها ما تتحمل اي مزح ولا اي مجاملة لأاي احد

ولأنها ما تحب تفضفض لأحد

خطيبتك يمكن تكون من هالنوع ..

من النوع الي تحب تحل مشاكلها وتريح نفسها بنفسها وبعدين تكلم الناس

المهم في الموضوع أنها بعد ما تهدئ نفسيتها وتتعدل

تجلس معاها جلسة مصارحة وتقولها عن الشيء الي يضايقك

وتعلمها بالاسلوب الي يريحك والي تحب تعبر لك عن رغبتها في الانسحاب والجلوس لوحدها

لأنك زوجها مو واحد من أخوانها أو صديقتها

بكذا راح يكون عندها علم ان هذا الاسلوب يضايقك وراح تعمل حسابها في المرات القادمة

أنها تراعي مشاعرك

وربي يوفقكم ويتمم لكم على خير

mr 3nad

30-10-2009 11:49 PM

اقتباس:

المشاركة الأصلية كتبت بواسطة Mooj~ (المشاركة 2267779)

اول شيء احب اشكرج اختي موووج على الرد بصراحة اثلج صدري الرد ..

هاذي خطيبتي ومالج من فترة ..

اهي فعلن كانت معصبه على اهلها وانا كنت ااحاول اهديها واغير الموضوع لكن اهي قطعة السالفة وقالت لي مابي اكلم احد احين ،،

mr 3nad

30-10-2009 11:50 PM

اقتباس:

المشاركة الأصلية كتبت بواسطة المهموومه (المشاركة 2267883)

آمين ،، تسلمين اختي على المرور ..

mr 3nad

30-10-2009 11:56 PM

اقتباس:

المشاركة الأصلية كتبت بواسطة باريسا (المشاركة 2267902)

اول شيء اشكرج اختي باريسا على الرد الحلو والله يوفقج في حياتج ..

ثاني شيء , انا طلبت منها اني اروح باجر بيتهم واقعد معاها ونتفاهم عن هالموضوع وعن حياتا كلها :18:

وردة بين الثلوج

31-10-2009 01:08 AM

تم النقل إلى قسم المقبلين على الزواج

الساعة الآن 06:55 AM.

صفحة 1 من 2

عرض 40 مشاركات من هذا الموضوع لكل صفحة