|
مراقبة التبويض
السلام عليكم خواتي في الله والله ماكتبت هنا الا للحاجه الشديده لكم ولمشورتكم
انا متزوجه لي سنه وشهرين لم يكتب لي حمل حتى الان انا اراجع مستوصف شعاع قالت لي الدكتوره ان هرمون الحليب مرتفع 26 وعطتني علاج ونزل وصار 18 بس لحد الان ماصار حمل المهم قالت بسوي لك مراقبة تبويض وسوت ولا صار شي خذيت شهرين وانا استعمل علاج والحين علي الدوره وبعد اسبوع ابسوي مراقبة تبويض سؤالي ؟؟؟؟ ابي اعرف وش الاشياء اللي لازم اتبعها خلال مراقبة التبويض؟؟ هل اذا عرضت علي ابره اوافق لان المره الاولى قالت ان البويضه ماتلقحت اعطيكي ابره انا خفت وقلت لا خفت انها تضر هل الابره لها ضرر؟ ابي دعواتكم اني احمل هالشهر والله يجزاكم خير وعذرا ع الاطاله |
حبيبتي مادام انتي بشعاع يعني بالرياض والله في دكتورة اسمها منى الريس في مستوصف الشبلان بالعروبة اكتر من رائعة وفي حالات مثلك واكثرلهم عشر سنين لافال عليك ومن المتابعة بسم الله ماشاء الله جابوا اكتر من بطن روحي لعندها وقوليلها ايش اخدت بالزبط وخليك مباشرة معها وبالتوفيق ترى دواء الهرمون ياخر الحمل شوي فلا تستعجلي والابرة اكيد لها مضار
|
يعني ماكمل واترك شعاع واروح لها
بس كذا بعيد التحاليل والاشاعات وكل شي |
زن الحائرة لاتعيدين شي اذا كنتي تراجعين مثل على حسابك اطلبي منهم صور التحاليل واي شي سويتيه عندهم وروحيلها رغم اني مااعرفها بس قريت موضوع واستفسارك عشان اعادة الاشياء الي سويتها من اشعة وادوية
وربي يفرح قلبك بحمل قريب |
اقتباس:
|
الله يجزاكم الخير انا قلت لزوجي بس قال بعد مانخلص مراقبة التبويض عند شعاع واذا ماجاب نتيجه نروح لها لان اخاف اروح
لها وتروح علي مراقبة التبويض بس بطني مررررره منتفخ ابي عرف هالانتفاخ له دخل بهرمون الحليب الله يستر انا خايفه من تكيس المبايض يارب تستر |
عزيزتي أنا صارلي 3 سنوات متزوجة ومارزقت باطفال إي دكتور اروحة يقولي هرمون حليب .............كذابين انا رحت لدكتور لو تحبين بعطيك رقمة لا يعلى علية بالرياض كلة وتراي حملت يوم رحت لة بس ماكتب الله ومات الجنين في شهرين كان يتابع البويضة ويحددلي اليوم اللي يصير فية الجماع نصيحتي لك لا تلعبين بنفسك وانتي توك متزوجة هذي امور حساسة مو إي دكتور تروحينة... كل الدكاترة ماعندهم غير هرمون الحليب ........ إلا إذا كنتي تحسين باعرض الهرمون هذا شي ثاني عسى ربي يرزقك عاجلا وليس اجل ويفرح قلبك |
ليست لدي خلفية عن الموضوع لأني من بلد أجنبي بس حبيت أدعيلك اللهم أرزق أختي في الله حزن الحائرة الذرية الصالحة عاجلا غير آجلا يارب
|
ياحزن والله اللي خلاني ارجع لموضوعك تفكيري في حالتك... لان لوكان عندك إي موضوع بسيطة تقدرين تراجعين اي دكتور بس تاخر الحمل مالك إلا دكتور ممتاااااااااااااااااز... خذي تحاليلك اللي سويتيها والإشاعات وروحي لدكتور اللي قلتلك إن شاء الله بتدعيلي لو حبيتي قوليلي اعطيك رقمة ورقم ممرضتة وترى الكشفية عندة بـ 300 ريال الله يرزق كل محروووووووووم تعديل لفظ المشيئه(ان شاء الله),,الاشراف اختي ادارة المنتدى تمنع تبادل ارقام هواتف..الاشراف |
[QUOTE=ياحلو السعادة;2279139]
ياحزن والله اللي خلاني ارجع لموضوعك تفكيري في حالتك... لان لوكان عندك إي موضوع بسيطة تقدرين تراجعين اي دكتور بس تاخر الحمل مالك إلا دكتور ممتاااااااااااااااااز... خذي تحاليلك اللي سويتيها والإشاعات وروحي لدكتور اللي قلتلك إن شاء الله بتدعيلي لو حبيتي قوليلي اعطيك رقمة ورقم ممرضتة وترى الكشفية عندة بـ 300 ريال الله يرزق كل محروووووووووم هلا اختي ياحلو السعاده الله يجزاك خير ويوفقك ويسعدك انه سميع مجيب ايه الله يعافيك ابي رقم الدكتور واي مستوصف لاني سويت مراقبة تبويض ولاصار حمل وصلت البويضه لحجم 20 وماكتب ربي شي |
| الساعة الآن 05:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©