صديق زوجي تاجر مخدرات هل ابلغ ام ماذا افعل؟
 

السلااام عليكم ورحمه الله وبركااااته
احب ادخل في الموضوع على طوول .......
واحد من زملاء زوجي راعي مخدرات ويبع ودائماداخل السجن طالع..صح علاقته في زوجي مو ذيك العلاقه بس ها اليومين ناشب لنا وانا بصراحه متضايقه كثيييييييييييييييير وبصراحه جاي على بالي ابلغ الشرطه عنه
وفي نفس الوقت احس بتأنيبه ضمير لان عنده بنات وعيال ومحتاررره وش اسوي ..تكفون ردوا علي لاني والله تعبانه ها اليومين منه وزوجي كل الوقت ها اليومين معاه...اليوم كنت ببلغ بس خفت مكافحه المخدرات تاخذ رقمي ويبلشوني ....

مش فاهمه .. !!!

هل تحسين بشيء مريب بين زوجك وبينه وإلا بس لازق فيكم ؟؟

هل حاسة أن في شي مو طبيعي .. واهم شيء تتأكدين يا تشوفين شيء بعينك أو تسمعينه بأذنك

زوجك ايش موقفه منه .. هل زوجك سريع الانجراف لمثل هؤلاء الناس حتى وهو عارف عنه هالفضايح

هل زوجك ما يخاف على سمعته وممكن يخترب من هذا ويورطه في مخدرات

اذا زوجك مو قدها وما يقدر يوزن الامور و سريع الانحراف

فأنقذيه .. بس الخوف يكون متورط معه بشيء

أما اذا زوجك قد المسؤولية وقوي الشخصية ويعرف يدبر اموره لا تخافين عليه

اهم شيء تتأكدين الحين قبل تفكرين تعملين شيء

لأن يمكن زوجك يبي يتفكك منه بطريقة معينة ..

تكلمي مع زوجك في هالموضوع .. لا تقعدين تهوجسين لحالك .. هذا زوجك مو رجال غريب

حياتكم وحدة ومصلحتكم وحدة وسمعتكم وحدة والي يجرى عليه يجرى عليكِ

لا تقعدين تخططين لحالك وانتي ما تدرين زوجك ..

قولي له انك تحافين على سمعتكم من هالرجال الي داخل طالع السجن

قولي له .. ايش سالفة هذا لازق فينا ؟؟

شوفي ايش يقول

مشكوره اختي بنت مكه على المرور.....اخت باريسا من ناحيه لزقه فهو لزقه وانا متأكده انه راعي بلاوي وسمعته صراحه في الحطيط هو واخوانه وزوجي يعرف بس ماادري ليش يروح له واذا فاتحته في ها الموضوع يسكره ويقول مالك دخل فيهم وانااعرف اتصرف وبيني وبينهم صداقه من زمان مااقدر ابعد عنهم ..وهذا الرجل مو صغير شايب يمكن اكبر عياله عمره ثلاثين
بس الحمدلله والشكر على نعمه العقل والثبات ...وماعنده وظيفه شكل اكله واكل عياله من الحرام الله لايبلنا ويهديه ويمسك طريق الصواب

المشكله يااختي لو زوجك مشترك معاه بتصريف شي ولا بيع ولا اي شي ولاتوزيع ايش بيكون ردة فعلك بماانك من الناس الي يأنبهم ضميرهم ومسكو زوجك معاه

الافضل انك تستخيرين اول شي بعدها ترومحين لزوجك وتكلمينه بك=ل ادب واحترام وتفهمينه ان هلاشكال بكرة بشوهون صورته مو بس هوة حتى اولادكم ويصير الناس تعايرهم والله يوفقك ويستر عليكي

اختي اذا خايفة على زوجك وعلى بنات الرجل هذا بلغي عنه

وفكي زوجك و المسلمين من شره اختي

لانه لو لاسمح الله طاح زوجك بالمخدرات راح تنهار حياتك

وحتى لو قال اعرف اتصرف يمكن يحطو له من دون مايدري وهذي البداية

الله يحميه ويحفظه ويخليه لك

حبيبتي قال الرسول صلى الله عليه وسلم فيمامعناه الساكت عن الحق شيطان اخرس وقال المتل قل لي من تصاحب اقل لك من انت هذا من جهة وجهة اخرى بكرة لاسمح الله يبلي زوجك بشربها وزوجك يبيعك له مقابل شمة او ابرة لاسمح الله انا بوضحلك صورة المستقبل اذا بتفضلي ساكتة خلي احد من اخوانك من خط خارجي يكلم المباحث او انتي اشتري خط زين كلمي منه وارميه بعدين ولاتقولي انتي مين خليهم يراقبوا تحركاتوا بس ياريت زوجك يكون بعيد عنه او انتي قولي لهم انك خايفة عزوجك منه واتمنى انك تكوني فهمت صح ايش اقصد بكلامي وبالمتل وبالحديث الله يفرج همك وهمي وهم المسلمين يارب العالمين