|
ما أشوف الا السواد
السلام عليكم وبدون مقدمات انا بس طالبه منكم الدعاء لي بظهر الغيب وباختصار انا بنت عمري 23 ومعاناتي تتعدى عمري بسنواااااات اقصد اني احمل من الهم والألم مالاتحمله الجبال صرت احس أني اقرب للجنون !!! والله ماابالغ بكلامي فعلا بديت احس اني بفقد عقلي من الهم اللي انا عايشته ومتحملته وسواس وتفكير سلبي وحده وفراغ وقلق وخوف وتوتر واكتئاب ويأس من كل شي وتردد وقلة ثقه بالنفس وحزن دائم والاهم ! رهاب اجتماعي صرت اخاف الناس بدرجه فظيعه واحسب لهم مليون حساب صرت انقهر من البنات اللي بعمري واشوفهم عايشين حياتهم ويمكن اوقات توصل اني انقهر من اخواتي !!! ماعندي صديقات ولاعندي مستقبل ولاماضي ولا حتى حاضر من يوم وانا طفله نصيبي من الحزن والهم اكثر من نصيبي من الفرح اشتهي يمر عليه يوم واقول انا اليوم سعيده من قلبي !! ربي وحده اللي عالم بحالي اقل كلمه اسمعها من اللي حولي تقدر تحطمني بثواني سواء كانت مقصوده او لا اي احد يقدر يهزني حتى لو كان طفل صغير واحيان اسمع كلام جارح ومقصود ومن ناس اغليهم اجلس ابكي لساعات لين دموعي تنشف والله مالي حظ ابدا منحوسه بكل شي اذا فرحت ساعه اكون متأكده انها بتطلع من عيني الفرح والوناسه محسوبه عليه مع ان اللي يشوف شكلي مراح يصدق كلامي هذا انا خارجيا اصطنع القوه والسعاده والراحه حتى على اهلي ولو يشوفون كلامي هذا مراح يصدقوني ! هذا وانا عايشه بينهم لاني مااحب ابين ضعفي لأحد ولانهم اصلا مشغولين كل واحد بحياته من عمري 13 وانا اروح لشيوخ بس يقولون مافيك شي بس يمكن عين !! وانا ماصدقت ذا الكلام وجربت اروح لدكتور نفسي ورحت بس في شي داخلي يرفض تقبل الجلسات والعلاج لاني احس بيأس واحباط شديد انا الحمدلله محافظه على صلاتي وعلى الاذكار وطيبه مع اهلي ماقد اذيت احد بحياتي والكل يشهد لي بالاخلاق العاليه بس دايم زعلانه دايم متضايقه وهذا كله اكبته في نفسي وماابينه لاحد يااااناس من جوه انا مضغوووطه فاهميني؟؟؟ احس قلبي بيوقف في اوقات كثير من القهر والحسره على نفسي وش اسوي ؟؟؟ اهرب من البيت ؟؟ انتحر ؟؟ انحرف ؟؟ هذي ماهي حلول ابدا زعلانه على روحي كثير شبابي بيروح وانا على هذا الحال على اني طموووووحه واحلامي كثيره حلمي اني اكمل دراستي واتزوج واعيش حياتي بشكل طبيعي مثل باقي الناس ماكنت ابغى الكثير والله ماني طماعه بس خلاص ماعاد حلم . صار بالنسبه لي شي مستحيل اصلا ماعدت مهتمه بهذي الاشياء ماابغى شي وان صارت مابيكون لها طعم.. اوقات افكر بالموت وتجيني راااحه والله لانه حد لمعاناتي بس الحمدلله على كل حال دام اني عايشه ماكله وشاربه وبين ناس خلاص ماابي شي ثاني ان شاءالله ربي مايؤاخذني ع كلامي هذا بس انا حبيت افضفض لكم يمكن ارتاح شوي طولت عليكم واعتذر مع ان في كلام كثير ماقلته اطلبكم الدعاء لي فقط ومشكورين عطيتوني من وقتكم دمتم بحفظ الله ,, |
حبيبة قلبي توك على الهم صغيرة ...
. . انتي وردة وأحلى كمان ... لا تستسلمي لهذه الوساوس .. . . حبي حالك ... وبس .. وثقي أنك فوووووووق ما تتصوري . . جوهررررررررررررررررررررررة |
حبيبتي مشكوره
الله يسعد قلبك ولايجعلك تعرفين الهم طول حياتك والله اني جاهدت نفسي كثير بس الله يعين |
اقتباس:
لا تقولي بس ... قولي أقدر . .قولي أستطيع ... . . ترا الحياة حلوة .... والسعادة احنا اللي نصنعها ...:d |
انا كل يوم اقول لنفسي هذا الكلام
بس يجي اخر اليوم وارجع نفسي وضعي بس الله كريم |
حبيبتي ورد حاسة فيك لاني مريت ومازلت امر بهذه الاحاسيس كان الله في عوننا بس ممكن تحكين اكثر عن وساوسك وماهو سبب كل هذا العناء اللي فيه وايش تفكرين ؟
اللهم اشرح صدورنا ويسر امورنا ياكريم |
أكثري من قراءة سورة الإنشراح عسى الله يشرحلك صدرك.
|
يا حبيبتي تعوذي من إبليس ترى الحياة حلوة .... بس إديها وش :)
شيلي النظارة السوداء مش حلوة عليك وأنت صغيرونة صغيرونة مره ع هالحكي ... طيب وش صار على دراستك ....( أنا أعرف حركات الفرااااااغ يعمل عمايل تهد بلد .. لايكون متفرغة الحين لادراسة ولا وظيفة ؟؟؟؟؟؟ ) حاولي تنشغلي بأي شيء نافع ..... لفي يمين يسار بيطلعك شيء ... وحاولي تقرأي البقرةبإستمرار لإنها حرز من الشيطان والسحر وكل بلاء .. صلاة الليل لها أثر ع النفس .. لا تفوتينها ... وين صحباتك ؟؟ حاولي تتواصلي معاهم ..... تعرفي ع بنات جدد ... إلتحقي بدور التحفيظ أنواع الفلة وأسألي مجرب .... الله يشرح صدرك وييسر أمرك يا قمر |
ياغلاتي اذكري الله
وربي اللي فيك قل دين الله يهدينا وياك قولي أمين لاتظني أنه أنتي بروحك عايشه بهم وغم اقسم بالله يامافيها البيوت أسرار وبلاوي تشيب الراس هونيها وتهون ياقلبي ترى حالتك ماتجي شي عند حالتي أنا من وأنا صغيره أمي وأبوي بمشاكل وكل يوم طلاق وكل يوم شتات وضياع ورب البيت لو بتكلم عن حالتي لأنفجر خليها مستوره بس الله المستعان صلي ياغلاتي صلاتك بوقتها وكثري الأستغفار والدعاء الله يفرجها عليك هذا أبتلاء من رب العالمين وأختبار لك لاتقولي يارب عندي هم كبير قولي ياهم عندي رب كبير وأعرفي أنك منتي بروحك عندك هم وغم وأكتئاب لاتحسب أنك بالتعاسه لحالك ~ أعرف ترى عايش معك بالشقى ناس الله يفرجها علي وعليك وعلى المسلمين أجمعين |
ليش حبيبتي كل هذا الهم والقهر اللي شايلته
احمدي ربك على كل حال و وكثير ناس عدهم مشاكل ويتمنو النعمة اللي انتي بيها انتي صغيرة عيشي حياتك متعي نفسك بابسط الاشياء اقتلي وقت فراغك باي شي ينفعك ومايغضب الله ولاتكوني يائسة لهذا الحد صدقيني كل انسان بيده يصنع سعادته هذا الشي اكتشتفته مؤخرا وانا واثقة تمام الثقة بماقلته |
| الساعة الآن 10:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©