|
السلام عليكم ورحمة الله وبركاته كيفكم ياجماعه ان شاء الله بأتم حال جايه اسأل عن شغله يارب يكون القسم هذا صح ومايكون الموضوع مكرر واذا مكرر ياليت تحطون الروابط لاني بجد في امس الحاجه لها الموضوع سلمكم الله عن الشغاله لما يجي وقت سفرها مو تفتشونها ؟ اهاااااااااااااااااااااااااااا هذا اللي انا ما اعرفه ولا احبه كيف افتشها؟ احكي لي طريقتك بشرط ان الطريقه مايكون فيها جرح لها او اساءه الحين انا فيني رعب اصلا الشغاله اذا خربت شي عندي ما احاكمها من كثر ما اخاف منها واخاف على ولدي وزوجي وبيتي فكيف اجي على اغراضها وابعثرها قدامها وافتشها ما اعرف ونفسيا ما اقدر اتعب بس من مجرد التفكير والله حاله الحين كيف اجي وافتش اغراضها سمعت ان الملابس الداخليه فيها جيوب ومدري ايش وحواشي الثياب يفكونها ويستخدمونها والكتافات و قماش الشنطه يفكونه ويحشونه خرابيط اظافر ومدري ايه واي شي لا يخطر بالبال يستخدمونه كيف افتشها الحين معناته في ستين الف مكان لازم اشوفه وانا ماااااااااااااااااااااااااا احب ولا اعرف ولا ابغى اعرف كيف اطمن (على فرض اني فتشتها وقلبتها تماما ولا لقيت شي عندها) كيف اطمن انها مو مخبيه في مكان ثاني ياربي شتسوون مع شغالاتكم كيف تفتشونهم ؟ انا فاتتني حركه تجنن ياحسافه ماسويتها خالتي الله يسعد قلبها راحت جابت ملابس جديده داخليه خارجيه من كله واول ما جت الشغاله قالت هات شنطتك وخلتها مقفله بحطة يد الشغاله بس في غرفة نومها هي وزوجها اعتقادا من خالتي انه ممكن يكون فيها سحر جاهز والا شي والشغاله طول مدة اقامتها تستخدم اغراض خالتي وعند السفر تجي خالتي وتقول للشغاله تدخل الحمام وهي من ورا الباب وتطلبها في كل ملابسها لازم كلها وتاخذها قدام الشغاله وترميها بالزباله لا تفتشها ولا شي (وربي انها نظيفه هالخاله ومحترمه) وتعطي الشغاله لبس كامل داخلي وخارجي جديد وغالبا شوي غالي عشان تلبسه مباشره وتروح المطار وتكشخ فيه قدام اهلها وتعطي الشغاله شنطتها اللي جت بها زي ماهي لا فتشت ولا شي وطبعا ممنوع تسافر الشغاله بأي شي من اللي خالتي شرته بالله مو ذكيه ؟ قسم بالله تحححححححفه ها كيف سويتي انتي والرجال اذكروا لنا تجارب زوجاتكم والله مرررررررررره محتاجتها لاني ابتلشت بها وخليتها تستخدم ملابسها نفسها احس اني اذا مسكتها اني اتعدى عليها بس ابغى اتطمن انها مو ماخذه شي ويعلم الله اننا عيشناها عيشة ملوك وربي ماتحلم فيها عمرها كله والا مين ياخذ شغالته ويعطيها ملابس عيديه وفلوس عيديه توصل لل500 ريال ( انا عيديتي 500 والله) ومين ياخذ الشغاله ويدخلها مطعم وجبتها لحالها فيه بسبعين ريال؟ بس يارب يطمر فيها ولا تغبني بنفسي وزوجي وولدي وبيتي اسفه طولت اتحفوني لاحرمت منكم |
اختنا مشكلتي اصدق ..
العمالة هم أمـــانة في اعناق مكفوليهم .. فالاحسان اليهم والتلطف معهم من اداب الاسلام .. فخيراً فعلتي بالاحســـان اليها .. تعلمين مايقــوم به بعـــض الخـدم من شركيات كالسحر وغيره .. فالواجب على الانسان الحرص .. وترك العاطفة قليلاً .. لان ذلك سوف يعود عليك بالنفع ان شاء الله .. وسأذكر نقاط هنا .. يتبعها كثير ممن حولي عند سفر شغالاتهم .. اولاً .. عدم ابلاغها بموعد الســـفر .. وليلة سفرها تذهبين بها عند احد اقاربك .. وتأخذين راحتك في ترتيب امورها .. ثانياً .. استبدال ملابسها بملابس جديدة .. ثالثاً .. لااقول تعملين كماعمل بعض النساء .. بتجريدها من ملابسها ولكن تفتشين قدر ماتستطيعين .. رابعاً .. ذُكرت هنا في المنتدى حــالات من احتيالهم .. واخذ آثار للعائلة تكون مخبئة في البيض .. اواطراف الملابس كالثوب من آخره في الثنية او الطبقة الاخيرة .. فيجب تفتيشهم .. ولاتنسي الدعـــاء بان يكفيك المولـــــى شرها .. اعانك الله وكفاك شـــر كل ذي شر .. |
شرفني مرورك اصغر اخواني والله يسعدك على دعائك
وهذا اللي ناويه عليه ما اعلمها بسفرها وافتش ملابسها بس هي كيف طيب ؟ كيف اقول لها غيري ملابسك؟ والله احس قلبي برجولي |
اقتباس:
يعني اشتريلها ملابس جديدة وقـوليلها هاذي هدية .. واذا لم تستطيعي وكلي المهمة لمن يقوى قلبه على ذلك من اهلك .. وفقك المولــــى .. |
بس فيه احد يسافر بالبيض؟
والله عجايب اسعدك الله على تجاوبك |
ما عندي خبرة لأننا ما عندنا شغالات ( أنا شغالة مامتي :) )
الموووهـــــم أذكر ناس اذا بيسفرون الشغالة يشترون لها ملابس جديدة وعفش جديد ويحطونه بشنطة جديدة برضو ثم يدخلونها وأنت بكرامة دورة المياة ويعطونها ملابس جديدة من إلى ويقولون لها غيري ملابسك ثم إذا طلعت يخاذون ملابسها القديمة ويفتشونها ( يتحسسون جسمها بس طبعا مو مثل اللي قلت عنهم ) ويبادلونها الشنطة ويفرجونها ع الملابس الجديدة عشان تفرح وتقتنع عشان يبكون شنطتها القديمة ..... (( طبعا الناس اللي كذا أحسهم يبالغون بزيادة ... خلاص إذا أنا أعامل الشغالة معاملة كويسة ,,, ومتأكدة إني ماظلمتها وش حقه كل هالتعب ؟؟ )) اللي ضحكني قبل أمس أختي تقولون عن شغالتها لأنها بتسافر تقول إن صديقتها أعطتها رقم حرمه تفتش الشغالة بمبلغ وقدره بس أيش تفتيش إنما إيـــــــه خخخخ ويا قلبي لا تشيلين هم أنت طيبة معها وحبوبة وكريمة صدقيني ماراح تغلط عليكم ... يعني مافيه سبب أنت بس توددي لها بأخر أيامها وحاول تخلينها براحتها . >>>>> ياكثر كلامي أحسني تعبت :) ان شاء الله ما قدامك إلا كل خير ... |
شـوفي ياقلبـي ! اخر شغاله سافرت من عنـدنا ... ماااااافتشناها ولا قدرت امي تفتشها .. بس امي وكلت امرها لله .. قالت بكيفها تسرق الي تبي بس ماتسوي لي بلا انـا وعيالي ! وبجـد شغالتنا كانت مرررره مدلعه عندنا ... ونفس حالتك الكل يعيد عليها وامي تشتريلها كل بعد فتره وحنونه معاها !! وسافرت وماحد فتشها ... الحمد لله لها الحين سنه ونص مسافره ماجانا شي ياااااااربي لك الحمد يعني مو شرط تكون نيتنا سيئه فيهم ... استودعي الله نفسك واولادك وزوجـك ! اولا ثانيـا ... اذا صار موعد سفرها مثل ماقال الأخ اصغر اخوانـي .. لاتخبرينها بموعد السـفر خليه فجأه لها ... اما التفتيش ..ياانك تريحين نفسك وتشترين لها لبس جديد .. وشنطه جديده .. وتعطينها ايـاه .. وماتاخذ شي من لبسها القديـم .. او انك ترسلينها لأحـد قريب لك وتنادين اختك تساعدك بتفتيش اغراضها .. وتلمينها كلها وتسفرينها بنفس اليـوم .. عالعمـوم انتي بيصير لك خبره بشغالتك !! هل هي خبيثه ولا بنت حلال .. ودايـم تتذكري هالدعـاء .. { اللهم اكفنيها بمـاشئت } دعاء يقال من خاف ضرر من قوم ..! والله يكفيك شرها ياااااااارب .. :: |
حبيبتي لاتجيبي شغاااله
والله صدقيني يعني يا تسويين كذا بقلب جااامد وتجي بعدهااا تخااافي على ولدك او انك تطنشي ويوم تطنشي تجي هي وبتلعب في راااسك وتصيييير ناااكرة معروووف يعني والحل؟؟؟ خلاص بلاها من شغاله مدري كيف تتطمنين على ولدك عليها؟؟؟؟ لو اموووت ماااطمن على عياالي الا وهم معي فقط |
انا شغالتي بس سافرت ما خبرتها وجبت لها كل شي جديد وشنطة جديدة ماخليتها ابدا تاخد اي شي حتى فرشاة الاسنان ويوم سفرها قلتلها تروشي والبسي هدلون الاواعي كانوا جدد وقلتلها منروح لعند اختي واختي عندها شغالة وابغاك تشوفين حالك حتى الاواي الداخلية خليتها اتغيرهم وجبت الفرشة جديدة وسلكت شعرها يقولوا يجدلوا الشعرة بشعرهم المهم نزلت الشنطة من غير ماتاخد بالها ساعة ماقربنا قلتلها ايش رايك بالمفاجاة وطبعا اولادي بالبيت مافي احد جنبها وهي قالت ماما الشنطة قلتلها مهانا موجودة طبعا كله جديد واعطتها فلوس زيادة حتى ما اكون قصرت معها والحمد لله تم الموضوع بسلام حتى ماودعت ولادي سلمتها للمطار والباقي عليهم سوي زي بترتاحين دائما اوقفي وراها وادعي اللهم اني اعوذ بك من شرورهم اللهم انا نجعلك في نحورهم وتفلي بظهرها 3 مرات من غير ماتشعر
|
الوان
قويه فكرة تفتيش الشغاله من حرمه متخصصه اللله يستر عاد وين وصل التخصص دانتيل انا زي امك لكن تصدقين ونسيت اكتب هالكلام فوق في نفس الموضوع للأسف قبل فتره فتشت اغراضها وهي نايمه لقيت عندها اظافر مدري هي حقتها حقتي حقت ولدي زوجي مدري؟ لكن سألت حماتي قالت هي طيوبه الشغاله وشكلها ماتسويها وسمعت منهم انهم يحتفظون بأظافرهم وشعرهم المتساقط ويجمعونه وياخذونه معهم بلدهم ليه؟ عشان لو ترمي اظافرها وشعرها هنا بتصير تحب المكان وهم ما يبغون يحبون الا بلدهم خرافات حتى مع طيبتي معها لقيت اظافر ممكن لها وممكن لنا بس ليييييييييييييييييييييييييه الاظافر؟ نورين بحياتي ماخليت ولدي لحاله معها نهائيا لاني مو موظفه ولا عندي طلعات برا البيت فأطمئني من هالناحيه بس جابها زوجي من باب التكفير عن ذنوبه السابقه ومن باب تساعدني في تنظيف البيت كبير ودورين الله يحفظنا ويهد الحيل تنظيف كل يوووووووووووووووووم انا لو علي والله ما تطب بس امر الله |
| الساعة الآن 04:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©