مشكلتي المزمنه!!
 

انا متزوجه من 10 سنوات وعمري27 سنه تزوجت بدري عشان اهرب من حياة ابوي الجحيم

اللي يهيين امي ويهينني ولا يحترم احد ابد وكانت امي تحترمه ولكن مافي فايده يصحيها بشتم وسباب وينومها بكذا يوهذا مانتج على تربيه اخوان ضعاف يالشخصيه على زوجاتهم وابنات كذالك وكل شئ يهون من اخواتي الا انا وكنا اذا اجتمعنا في بيت اهلي يطردنا ويطرد اولادي وماعمره حبنا

وانا بعد لزواج تكررت ماساة امي بالضبط نفس الحياه اهانه وشتم وسباب وانا عمري مااهنته بل انه مايسمح لياني اعبر عن شعوري واذا تكلمت يقولي سكتي والا وريتك شغلك يوانا والله تعبت من كل شئ كل هذا وهو شخص مهمل عنده محل ابوه بس يوم يطلع ومئه لا وحياتنا الماديه ضعيفه وانا معي بكالوريوس بس ماحصلت لشغل معلمه لحد الان بعد تخرجي باربع سنوات وعايشه مع اهله يبملحق وعباتي علي طول الوقت وامه تدخل فيني واخواته اذا اجتمعو كل الشغل علي وامهم تدافع عنهم وزوجي يموت على امه واخواته مايرضى عنهم باي شئ واذا مرضت امه او اخواته المتزوجات يركض معهم ويحلس معهم ويحاول يروحهم على المستشفى اما انا واولاده بالموت يروحنا للمستشفى بالضروره القصوى وامه تدخل على من غير استئذان باليوم مليون مره وزوجي فرحان من كذا مااخذ حريتي ولا شئ
على كذا اذا عطل شئ بالملحق انا اصلحه وحتى لو شغل رجال والله

واخوانه غير مع زوجاتهم يحبونهم مووت ويساعدونهم الله يهنيهم
بس ليش هو غير

كل هذا وانا ذايقه العلقم ومستحمله عشان اولادي والله

واليوم زعل مني ولا كلمني وصرخ بوجههي تعرفون ليه لانه يمزح معي وقالي --------- وانا رفضت وقلت له ليه تقولي هالكلام وبس زعل مني ؟؟انا غلطانه والله انا انسانه من دم ولحم

وعلى كذا الغريب العجيب اشوفه مبتسم اما معي دايم مكشر ومع الاولاد واذا روح لامه واهله الضحكه ماليه الوجه يعني انا مالي حق عليه والله حرام عليه والله تعبت

انا اقول مشكلتي مو عشان الحل لا عشان افضفض والا بموت بغصتي

مالت عليه ادعي الله انه يفرجها عليك وتتوظفين وتساعدين نفسك وعيالك واستغفري كثير لانه بجد يريحك
حسبي الله على كل ظالم

الظلم ظلمات يوم القيامه
ادعي ربي يفرجها وتتوظفي اختي مو شرط تتوظفين معلمه ممكن في بنك او شركات فروع نسائيه فقط يعني الرجال معزولين عن الحريم
ربي يصلح لكي الحال

حاولي انك تتوظفي وتغيرين من نفسك تحطي لنفسك شخصية غير

حاولي تتمتعي في لبسك في اناقتك قدام اهلة وقدامة حاولي

لا تبيني له موقف اهلك ولا تبين له من اليوم ورايح الي يصيح لان ياثر علية ويعاملك

زي ابوكي بالظبط

والله حاولت اني اعمل وكل يوم افتح مواقع الوظائف واسجل فيها بس مافي فايده مايطلع اسمي وانا ماعندي واسطه ولا شئ

وانا مااخبره عن ابوي ابد بس عمره مايتغير تعبت معه

وشكرا لكم جميعا اخوتي واخواني الله يخفف عنكم يارب

الله يفرج همك عزيزتي

الجئي الى من هو اقوى من والدك وزوجك

رب العالمين ما ينسى عبد من عبيده

عليك بسهام الليل فأنها لا تخطئ بأذن الله

الله افرج همي وهمك واسخر ازواجنا يارب

شوفي الحل ..

اذا شفتيه نام او قرب ينام
ابكي انتي بنحيب في البدايه ..
ولا شافك قال وش فيك ..
ابكي زود .. وقولي له ..
انا انحرمت من الحنان و الكلام الطيب في بيت ابوي طوال 20 سنه
والان تزوجتك و كنت اعتقد اني راح اجدك الحنان الضايع في حياتي
بس للاسف .. انت قاسي علي .. انا تعبت و ابغى اللي يريحني

( سلاح المرأة دموعها )
صدقيني وقتها يمكن يفوق من غفلته
وقولي له .. انا عشان احبك صبرت معاك و صبرت عليك
لا تخليني اتعب اكثر من كذا


وشوفي ايش راح يسوي ..
لان بعض القلوب القاسيه تلين عند الدموع