|
خطبت واحترت هل اتزوجها ام اتركها ؟
السلام عليكم ورحمة الله وبركاته مدري صباح الخير ولا مساء الخير بس الوكاد بوجهكم الخير كله :d انا يا اخواني واخواتي ودي استشيركم في موضوع محيرني ومسبب لي قلق نفسي .. انا تقدمت لخطبة ابنة خالتي التي تكبرني باشهر ولي حوالي سنة خاطبها وموافقين علي لكن المشكلة ان اهلي امي تقول والله ماعرفها زين لكن البنت هاديه واختي تمدح فيها وفيه ناس من قرايبي يقول والله انك استعجلت المفروض تاخذ وحده اصغر منك بثلاث سنوات على الاقل ويقولوا انها متقلبه مزاجيا والاخر يقول داخلين على طمع والاخر يقول والله لتمشيك على كيفها والاخر يقول ماتصلح لك والاخر يقول كانها كوريه ولا فيها ملامح .. والضحية انا .. علما بانني قلت مافيه زواج الا لما اتوظف ولحد الان ماتوظفت ومحتار ماذا افعل لانه ماعاد اقدر اتركها وش اقوول لاهلها فلذلك اطلب من الله ثم منكم مساعدتي ولولا معرفتي بهذا المنتدى القيم لما طرحت موضوعي به |
نقل لقسم المقبلين على الزواااج مكاااانة الانسب !!!
|
ومحتار ماذا افعل لانه ماعاد اقدر اتركها وش اقوول لاهلها
اللي فهمته أنك تبا تتركها عشان كلام الناس .... . . طيب بما أنك مو مقتنع فيها أتركها .... ((ولا تعلق البنت )) . . قول لاهلها ... انك ما اتوظفت ومدري متى بتتوظف .. ممكن تتطول وانك ما تبغى تربط البنت معاك ... . . انتهى .... |
اقتباس:
عجبتني هذي:d المهم اخوي انت مرتاااح لهااا؟ تااخذ وحده اصغر منك بثلاث سنوات تتطلع عيونك تقاارب السن احلى بكثير ماعليك من كلام الناااس وإن شاء الله بعد الزواج من البداايه تكون حااازم معاهااا ولا انت وش رايك؟ مب مرتاح لهااا من الحين تفصخ كل شي موفق |
طيب ممكن أسأل أنت على أي أساس أخترتها أو مين أختارها لك ؟
مو معقوله أهلك مايدرون عن أخلاقها ؟ وهل أهلك مقتنعين فيها؟ وبالنسبه لرأي الناس ماأحد ياخذ رأي الناس بأمور مثل هذي لازم أنت تكون مقتنع فيها مو معقوله أذا جيت تخطب تاخذ رأي الناس كلهم؟!! أنا أقول لو تتأكد من أخلاقها بالأول ودينها واذا تأكدت أقدم على النظره الشرعيه ممكن تعجبك البنت لان ألي مايعجب الناس مو شرط مايعجبك الناس أذوااااق!! مشكلة العمر ماهي مهمه أذا توافرت الصفات الخلقيه والأخلاقيه ماأشوفها مهمه لدرجة انك تنهي الخطوبه عشانها (ألا أذا أنت لك راي ثاني ) أقول هذا الرأي أحسن من أنك تعلق البنت الفتره هذي كلها وبعدين ترفظها لازم تحسم أمرك ياأيوه يالأ وافضل من أنك تتزوجها وأنت مومقتنع فيها حراااااام تعذب البنت معاك وبالتوفيق أن شاء الله |
سلام
اخوي ترى كلام الناس لا يقدم ولا يأخر خصوصا كلام الحاسدين اللي يبك لبنته ولا لاخته ومحد يحب الخير لاحد حتى الواحد اللي خطب ما يعلم حتى يملك الناس صارت عيونهم مو حلوة واما الحين بعد ما خطبت البنت تقول هالكلام ليش انت ماتدري هي زينه لك ولالا انت وش اللي حاسس فيه سوه واستخير الله واتوكل على الله تراها مو سهله تقول للبنت مع السلامه حرام عليكم مافي احساس قبل لا تخطبون تأكدوا واذا انت من النوع اللي يسمع كلام الناس ويتأثر اجل وصلنا خيييييير |
طيب وين دور الـشوووفه الشرعيه !! ماشفتها !!! اذا هي كـوريه ولا يونانيـه !! بعد وبعدين لحظه !! لاتسمـع لكلام الناس !! لكـل واحد نظـــــره من ناحية الشكل والآن البنات بالنت مسـوين حمله يبون الخاطب يشوفهم اول قبل اهلـه ! لأنه نظرة المـرأه للفتاه غير نظرة الرجل !! تجي الأخت او الأم لها تفكير من ناحية الجمال والشكل .. وتعطيك رايها من وجهة نظرها هي ... اعرف كثيرررررررررر ناس .. يدخلون على بنت وماتعجبهم بس يوم يشوفها الخاطب تعجبـه ويطيرررررررررررر فيها بـعد !! يعني شيل مسألة كوريـه وبنقاليه من راسك !! شوفها انت بنفسـك افضلك !! :: من نـاحية اخلاقها !! مافي اقرب من بنت الأخت !! او بنت الخاله شلون امك او خواتـك مايعرفونها !! لازم تتأكد .. وانت استخير ... ودامك استخرت ان شاءالله الي كاتبه ربي وفيه خير بيصير .. :: من نـاحية العمــر !!!!!! اسألني انــا وبسسسسسسسسسسس << السبب !! ان لي خوالي 4 متزوجين اكبر منهم بما لايقـل عن سنه !!! واخر واحد فيهم له الآن 4 سنوات متزوج ومبسوط مع زوجتـه الله يووووفقهم وصديقتي قبل سنه تزوجت ولد خالتها هي اكبر منه بسنه بعد !! ومااشاءالله اخبارها طيبه !! وقبل اسبـوعين بس : صار عندنا عرس العروس فرق بينها وبين العريس ( ولد خالتها ) 7 سنوات !!! مادري وش الي مضايقك بمسـألة العمر !! هذا وهي تكبرك بكم شهر يعني مافي فرق !!!! :: اخـوي استخير الله ... وتوكل على الله .. حرااااااااااااااااااااااااااااااااااااااام تمسكها سنـه كامله وتجي الآن تقول بتركها !! فكـر بنفسيتها وكيف راح تتعب !! وفكـر طول هالمـده وهي بس تتخيل حياتها معاك .. ويمكن حتى تكون شرت شي لك انت تلبسـه لك اذا تزوجتوو .. يعني عاااشت الـدوور وحبتك !! اذا انت شخص مو قد قرارتـك وموقد المسؤليـه ليش تحرق قلوب بنات النـاس !! اخـوي انصحك ماتسوي شي يعاقبك عليه الله .. لانه ظلم لها .. يمكن لو انك سكتت لين تأكدت من تفكيرك وبعدين تقدمت افضل .....{ مو تضيع عليها سنه بحياتها ! واخر شي تقول مابيها !! اتقــي الله وفكر لو صار هالشي بخواتك * {قاعده اتكلم معاك وانا حاطـه نفسي بمكانها !! عشـان كذا تلاقـي كلامي شووي فيه قسـوه .. وآآآســــفه لو كلامـي ماجازلك .. |
طيب انت على اي اساس خطبتها؟ يعني ايش الايجابيات اللي فيها خلتك تخطبها ؟!
|
وعليكم السلام أخـوي فـهـد الدوسري بالنسبة لكـلام القرايــب غـالبـاً يـجـي من حـريــمهم وهـذا معـروف؛ يخـربون ويفـتـنـون... لكن اللي استغـربه ان امك ما تعـرف شيء عنها وهـي خالتها...؟!! ... هـل هم ساكنين في نفس مدينتكم وإلا بمدينـة ثانيـة ... وكيف عـلاقـة اخـواتـك ببنت خـالتـك ...؟! وش يـعـرفـون عـنـهـا....؟!!! اخوي فهد الكــلام اللي يجـيك من هـنا وهـناك ،، لن يزيـدك إلا ان تسـأل عن بنت خـالتـك في اخـلاقـها وشخصيتـهـا... وأيـضـاً تشوفها النظـرة الشرعيـة... فـلـن يـحـل مشكـلتك ويـبـعـد عن البلبلة وكثرة الكـلام... إلا السؤال عـنـها... ورؤيـتـها ... وإن تم بينك قبول ... فاخطـبها والله يرزقـك ولا تـعـلق بنت الناس كـل هـالمـدة عزوبي:21: بس:d رجل:30: |
واااضح جداً من كلامك إنك منت مقتنع فيها ,,,
أتركها والله يعوضها خير ,,, بس شوف ممكن هي كمان مي مقتنعة فيك بس تحاول تقنع نفسها وخااصة إنك غيييير موظف ,, اسمحلي ولا تزعل أقول يعني ما فيك زووووود عنها .... _____ على فكرة : إش فيهم الكوريين حلوييييين مرة .... |
| الساعة الآن 01:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©