|
والله تعبت من بنتي ساعدوني في تنظيم نومها
مسا الخير
اليوم بنتي بتصير سنه ربنا يباركلي فيها ويفرحني فيها يا رب رح ادخل في الموضوع بسرعه بنتي تقريبا من شهر 8 يعني قبل كم من شهر بدت تاكل منيح وتكسب صحه كانت مجننتني وتراجع كتير وما بدها تاكل ما خليت دكتور ولا خليت نوع حليب الا جربته معها ولا محال كل يوم مراجعه مره ومرتين واكل بالغصبببببببببببببببببببببببب وبعد ما اخلص اكلها تروح تراجع المهم الدكاتره صاروا يتحزروا ممكن من هيك وهيك وهيك اخر شي اخدتها عند ست كبيره وحطتلها لزقه على بطنها وضهرها حكتلي بنتك مفريه والحمد لله جابت نتيجه ميه الميه ولي كمل على هالعلاج اني وقفتلها الحديد لي كان لازم اعطيها منه كل يوم 8 نقاط طبعا متل ما قالولي الدكاتره المهمممممممممم والاهم انه بنتي استردت عافيتها الف شكر الك يا رب وصارت طبيعيه وتاكل منيح وصرت على طول وزي المجنونه بس بفكر في اكلها وشو بدها تاكل هلئ بدي احكيلكم يوم من حياتنا علشان تشوفوا وين الغلط وتفهموني شو اعمل لانه لحتى قبل اسبوعين بطلت ترضا تاخد الببرونه ولي كانت مخففه عني نوعا ما ورح اكتب كيف مع الببرونه وبعد ما تركت الببرونه صارت حياتنا مع الببرونه كنت على طول وهي نايمه اعمللها رضعه واعطيها اياها مع العصيده لي هي عباره عن رز مطحون او فواكه حسب الموجود عندي ولمه تفيئ اعطيها من الاكل الموجود في البيت او انا اجهزلها متلا كورن فلور او رز ولبن او طبيخ عادي وشوربه مع كبده وجاج وهيك شي وما كنت بهكل همها لو تاخرت في النوم لانها بترضع وهي نايمه يعني لو صحينا من النوم الساعه 12 الظهر ما في مشكله لاني انا بكون عاملتلها ببرونه هلئ الوضع تغير الست بطلت بدها ببرونه بس بدها تمها نايمه للظهر بدون اكل صرت احاول افيئها واعمل جو انه نئوم بكير علشان نفطر وبنرجع بنام ما بدها بتعمل نكد وما بتاكل منيح وبترجع وبتنام هاي اول مشكله بواجهه انها بتتاخر بالنوم للظهر وطول ما انا نايمه هي نايمه ماشاء الله متلا فئنا على الوحده الظهر بسخنلها شوربه وبعطيها اياها يتلعب ساعه ساعتين بترجع بتنام للخمسه او للسته المغرب بتفيئ بطعميها شو موجود وبتلعب وبترجع بتنام متلا على التسعه بس ما بخليها تتاخر في هاي النومه ساعه متلا وبتفيئ وبين الوجبات واللعب بطعميها مره موزه مره متلا علبه داني حبه جبنه المهم لتفيئ على التسعه على العشره ونص بعمللها كورن فلور وجبه جبنه وبتنام على 12 ولافكر فيها من الساعه 12 في الليل لتاني يوم الساعه 12 الظهر كتير حرام ووئت كبير بتكون بلا اكل ومتل ما حكيت في البدايه كانت بتاخد الببرونه يعني لو تمتها لل 2 الظهر مش مهم عندي فهموني شو اعمل وكيف ارتب نومها وئومتها واكلها ما تحكولي انه انا لازم افيئ بكير لاني بفيئ وبعمل جو وبفتح الشباك وانه خلص لازم نئوم من النوم علشان نفطر وبتنصبلي شر سوري تاخرت عليكم وان شاء الله اني بستفيد من ردودكم وبتتعاونوا معي على فكره بنتي كانت بتعاني في ارتداد في المريئ علشان هيك كانت على طول بتراجع والدكاتره ما كانوا مفهميني هاده الحكي وين ووين لحتى ما حكولي هاده الكلام وانه بكون باب المعده عند الطفل واسع علشان هيك براجع وكل ما كبر بديئ باب المعده للمعلومه فقط تحياتي |
انا بنتي ما انتظم تومها الا بعد السنه (لوحدها)
كانت متعبتني وما بتنام الا بالهز ان شاء الله الاخوات يفيدوكي |
طبيعي تنام بنتك 12 ساعة في الليل بدون تقطع
انتي شو اللي زاعجك ؟ قلة أكلها ؟ و لا كتر نومها ؟ هل وزنها طبيعي بالنسبة لعمرها ؟ هدا هو المهم على كل حال ما بدي افتي من عندي اسألي طبيب أحسن لكن اللي بعرفه انه الطفل من عمر 9 شهور طبيعي لو نام 12 ساعة متتالية (ماعدا قيلولة النهار) المهم يكون أكله بالنهار كويس |
هلا دانه كيف حالك
ماشاالله بنتك من عمر ابني بالنسبه للنوم عادي يناموافترات اطول بس تقل عدد الغفوات الله يجفظها الله يعينك يارب |
اول شي وين الغيبه؟؟
ثاني شي مبروك الحمل والله يعينك عليه ثالث شي روحي احمدي ربك يا شيخه انه بنتك بتنام 12 ساعه كاملين حلوين ان شاء الله البيبي الجديد يجننك وما ينام ساعتين على بعض عشان وقتها نقولي الله يحلي ايامك يا كنزي كنتي مريحتني :) بنتك بتاكل طول الوقت ما شاء الله ايش تبغيها تصير ثلاجه فاتحه حلقها طول النهار والليل تاكل وتشرب هههههه طالما انه وزنها كوبس وملائم مع جسمها فالحمدلله ولا تضايقيها هذا ذنبها انها بدها تريحك طول الليل وتخليكي تنامي للظهر ؟؟ وبعدين يا ستي الببرونه اللي بيرضعها الطفل وهو نايم كاااااااااااااااااارثه ما بتعرفي معناها اول شي ممكن يشرق (يتشردق) الطفل لانه مش واعي وهو بيرضع ووقتها الحليب بيدخل عالرئه بدل المريئ ووقتها قولي على الطفل السلام.. ثاني حاجه انها سبب في تسوس الاسنان لانه الحليب بيتفاعل مع مادة الجيلاتين بالببرونه فتسبب تسوس الاسنان وتآكلها وضعفها ثالث شي اني بتعودي الطفل انه يكون نومه مقطع ولازم يتخللها وجبه وهذي عاده سيئه مارح تقدري تتخلصي منها بسهوله.. وبس هذي المعلومات اللي عندي ان شاء الله اكون افدتك.. والله يقومك بالسلامه.. |
تسلموا على ردودكم ولي انا مريت فيه يا رب ما حد يشوفه ئله اكل الطفل مش بالساهل بتكون على الام بنتي موتتني مليون مره وما زالت عند كل وجبه اول شي كانت زمان بعيد عنكم تراجع كل لي بطعميها اياه وبعد عناااااااااء وتعب ومجهود ربنا بعلم فيه مرات اكون ابكي وانا بطعمي فيها وله لمه تراجع وضع صعب جدا جدا كان حاليا افضل بكتير الف شكر الك يا ربي بس مرات الها نهفات وما بدها تاكل علشان هيك انا متل ما بتحكي ماما صرت هجينه بدي البنت تاكل على طول وكنت بسهرها للوحده في الليل علشان تكسب اكبر عدد من الوجبات وهي نايمه في الليل أأوم واعمللها رضعه واعطيها اياها بس الست بطلت بدها هلئ ببرونه ف صرت محتاره شو اعمل معها انها ما بدها ببرونه بالمره وانه تسهر للوحده وتمها نايمه للوحده الظهر متلا بدون اكل حرام المهم انا كتبت في المنتدى علشان اشوف انه اي ساعه اخررررر وجبه بتعطوها لولادكم ربنا يحرسهم انا حاليا اتبعت نظام جديد وهيني ماشيه عليه من وئت ما كتبت هالموضوع واخر وجبه صرت اعطيها اياها الساعه تسعه ونص عشر وتنام بعدها للصبح وبتفيئ على الساعه 8 بتفطر وبترجع بتكمل نومتها خم نوم ولمه تفيئ ببدا ادحش فيها هههههههه
كرستيلا كيفك ...................................... انا بخير وبنوتي بخير والله يسامحك البيبي الي جاي على الطريئ من هلئ بفهم فيها انه تنام اكبر وئت ممكن متل اختها ومتلي ما عنا بكا ونئ وتفيئ بكير عنا بس نوووووووووووم هههههههه هيك عودت بنتي وهي في بطني وهيني بعود في التانيه علشان هيك طول نهاري نايمه والبيت هدوء علشان تيجي هاديه ويسعد مساكم |
| الساعة الآن 11:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©