|
في النيه السفر الى ماليزيا
السلام عليكم ورحمةالله وبركاته
بصراحه من زمان وانا نفسي اسافر لماليزيا وحسينا انا وزوجي انه الان صار الوقت مناسب لقضاء اسبوع عسل عوضا عن الشهر العسل اللي ما صار نصيب وسافرنا فيه المهم ناوين نسافر على اجازة العيد تصير 10 ايام ....وبناتي الاثنين بوديهم عند امي في البحرين يعني صح تعب السفر للبحرين وبعدين من هناك لماليزيا بس حابه اكون بدون اطفال ياريت تنصوحني اللي راح لماليزيا هل 10 ايام تكفي لنرى فيها كم منطقه سياحيه ...وهل نسافر عن طريق مكتب سياحي ومع جروب ولا نخلي سفرنا لوحدنا واحنا ندبر امورنا في التكاسي والطيارات وغيره للعلم انه اول مره نسافر دوله غير عربيه وياترى كم راح تكلفنا السفره تقريبا ....اريد ما تبخلون علي ولا باي معلومه وتنصحوني بالافضل والانسب واذا ناوين نسافر بالعيد متى نحجز ..من وقت من الحين يعني ولا عادي ما تفرق اذا كان باي وقت يلا انتظر ارائكم وتفاصيل كثيييره مشكورين مقدما |
اهلا بك اختي
السفر الى ماليزيا من امتع وافضل سفراتي الحقيقة دوله حلوه ومريحه عائليا . اما بالنسبة لسؤالك عن هل 10 أيام كافيه ؟ انا اقول ترجع لك وزوجك هل انتم تحبون التنقلات والترحال وعشر ايام انا اشوف انها قليلة يعني اقل شي 16 يوم لان هناك كوالالمبور وبيبنانج و لانكاوي جنتنق والكاميرون والمدينة الوحدة فيها اكثر من مكان يستحق الزيارة . اما المبلغ فمن 10 الف الى 20 الف وهي ترجع لكم ممكن تقتسطون بالسكن والمطاعم وغيرها . واي اسئلة اخرى انا مستعد وممكن ادلك على بعض المكاتب السياحة وبعض مواقع الحجز للفنادق . |
هلا توتا ..
اختيار موفق ...بالتوفيق يالغلا .. تفضلي الرابط اطلعي عليه وحددي المدن اللي بتزورينها .. http://www.66n.com/forums/showthread.php?t=187255 بالنسبة للحجز ..تأخرتوا فيه ..لكن أحجزوا في مكتب سياحي معروف عندكم ..وخليها لكم لوحدكم بدون جروب .. واي سؤال انا تحت أمرك .. |
اقتباس:
يعني قصدك مكتب سفريات هنا في الامارات هو ينسق مع مكتب في ماليزيا ؟؟؟؟....طيب اذا انا راح نطير من البحرين ؟؟؟ ولا المكتب ما يدخل بموضوع الحجز احنا نحجز ؟؟ اتحمليني اشوي بس والله ما عندي احد اسألأه غيرك لانك مجربه السفر لماليزيا وحاسه ما شاء الله سفرتك موفقه تسلميلي يارب |
هلا توتا ..
مومشكلة خذي راحتك .. بالنسبة للحجز اي مكتب سياحي موثوق عندكم بالإمارات يضبط لكم الحجز من وإلى .. حتى لو رحلتكم من البحرين .. يمكن لاحظتي حتى احنا رحلتنا من البحرين مع انا حجزنا من السعودية .. روحي في أقرب فرصة لأن كل ما تأخرتي في الحجز كلما ارتفعت الاسعار .. في المكتب بيحجز لك من النت كل شئ وبيعطيك الفوتشرات و اسماء الفنادق وعنوانها .. وما يبقى عليك إلا لما توصلي ماليزيا تعطي سواق التاكسي اسم الفندق ويوصلك له .. انت ما حددتي المدن اللي بتزوريها .. قوليلي وانا ارشح لك فنادق فيها تاخذي الاسم وتروحي على المكتب السياحي وتقولي احجزلي في هالفندق على حسب الليالي اللي تقضوها .. انتظر ردك .. |
حبيبتي قوالب ما قصرتي
احنا حابين نروح بينانغ ولنكاوي ....لمده 8ايام اليوم الاول وصول والانطلاق لبيننانغ واليوم الثامن الرجوع للبحرين يعني الصافي 6 ايام كل منطقه 3 ايام ....طيب اذا كتبتلي اسماء الفنادق اكدر انا ادخل النت واحجز عندهم وادفع بطاقه الائتمان بدون اللجوء لاي مكتب ؟؟؟ لانه زوجي دخل على فنادق كثير وحصل عروض بتكاليف مناسبه ....وهل فيه مكاتب متخصصه فقط لتنقل من مكان سياحي الى اخر ؟؟؟ ياريت تكتبيلي اسماء الفنادق وكم سعر الليله لشخصين .. |
توتا يا قمر رديت على موضوعك في مراسلة الإدارة ..
انتظر ردك .. |
التذاكر راح تكلفك تقريباً 5500 ريال سعودي بالنسبه لطيران الامارات اما التذاكر الداخليه تقريباً 1000 ريال سعودي على اساس تنقلكم لثلاث مدن ## ملاحظه ## الرحلات الداخليه ممكن اذا بتغامرون مثلنا تحجزونها اول ما توصلون المطار وعلى فكره بعض خطوطهم اذا حجزتي متأخر تكوون ارخص بكثير. الافضل تحجزون عن طريق الانترنت ارخص وأفضل من المكاتب السياحيه الفنادق: بالنسبه لكوالالمبور ورأيي الشخصي مو شرط خمس نجوم او ست لأنها منطقه حيه وممكت تطلعين حتى آخر الليل أما لنكاوي وبينانج فأقترح تسكنين بفندق خمس نجوم لأنك راح تقضين وقت طويل بالفندق.. كوالالمبور: فندق قراند ميلينيوم 750 ريال سعودي ليله واحده فندق تريدرز هوتيل انصحك فيه لأن موقع بين البرجين التوأم وقريب من شارع العرب نوعاً ما وأيضاً من محطة القطار السريع اخذناه 6 ايام\ 5 ليالي بمبلغ 3190 ريال بينانج: shangri-La Rasa سعره لمدة 4 ايام\3 ليالي 2766 ريال هذا الفندق رااائع جداً لنكاوي: شيراتون سعره لمدة 6 ايام\ 5 ليالي 3740 ريال جميع الفنادق مع الافطار واكرر عليك بأن الحجز عن طريق النت افضل وارخص. أخيراً احب انصحك حين الذهاب لجنتنج بأن تذهبي بالباص ثم التلفريك وراح تكلفك انتي وزوجك مع بعض 35 رنجت وانتبهي تروحين مع التكاسي لأنهم استغلاليين وغالين جدا. السوق الليلي في بنانج اذا قاالك ب100 قولي 10 ولو حصل 5 يعني اهم شي انك تفاصلي بالاسعار لأنهم للأسف يحسبون العرب اثريااااء اول ما توصلي مطار كوالالمبور اشتري شريحة اتصال من مكتب ازرق يبيعها لك ب 10 رنجت وانتبهي تشتريها من اي احد لأنهم بيبيعوها لك بخمسين رنجت احب انبهك على الوزن الزائد لأن تكلفته غاليه فحاول تجيبي شنطه قابله للطي جوا شنطتك حتى تفرغي فيها اذا زاد الوزن الوزن تقريباً عشرين كيلو لكل شخص أتمنى اني افدتك ولو بالقليل واي سؤال انا حاضره اتمنى لك رحله سعيده ودعواتك اذا استفدتي اي شي مني |
شكرا لك على هالمعلومات المفيده ....واحنا راح نحجز من الانترنت بالنسبه للفنادق وللطيران الداخلي
بس التذاكر راح تكلفك تقريباً 5500 ريال سعودي بالنسبه لطيران الامارات.....5500 للشخص ولا شخصين ؟؟ |
اقتباس:
|
| الساعة الآن 01:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©