منتدى عالم الأسرة والمجتمع - سؤال عن طريقة عمل صوص الباستا

منتدى عالم الأسرة والمجتمع (http://www.66n.com/forums/index.php)

- مطبخ المرأة (http://www.66n.com/forums/forumdisplay.php?f=81)

- - سؤال عن طريقة عمل صوص الباستا (http://www.66n.com/forums/showthread.php?t=195972)

سؤال عن طريقة عمل صوص الباستا

السلام عليكم ورحمة الله وبركاته..

يا هلا بالبنوتات...

الكل عارف اني مبتدئة جدا بالطبخ :o لكن اختكم استحت على حالها وقررت تبدأ تتعلم وتطبق..

السالفة وما فيها إني كنت قبل كم من يوم مع صديقاتي رايحين نتغدى, ووقفنا عند Santino's عشان نطلب باستا, أنا اخترت Wedges Pasta..

واللي يشتغل هناك سواها لي وانا أشوفه, المكونات سهلة جدا وبسيطة ومتوافرة, بس اللي حيرني إنه سألني أي Sauce أحط لك؟ قلت أي شي فحط لي Cream وTomato Sauce وطلع طعم الباستا رهيب..

أنا صممت وأصريت إني أسويها بالبيت واللي شجعني سهولتها, بس اللي حيرني هو كيف ينعمل هالCream وكيف أعمل الTomato Sauce بطريقة تكون لذيذة ومبّهرة "تحتوي على بهارات" ؟..

أدري تعبتكم بالكلام بس أحب التفاصيل..

أتمنى تساعدوني وإن شاء الله بس أسويها انزل لكم صورها..

الاشراف : تم تعديل العنوان يتناسب مع المضمون

مستكة_مستكة

ودي أفيدك
لكن مافهمت ماتريدين بسبب الكلمات الغير عربية :23:
ترجمي وباذن الله نفيدك

انا نفسي مااعرف شو هذه الاكله!!!لكن شكلها نوع من انواع الباستا..طيب اكتبيلنا مم تتكون?

دلوعه تبغى طريقه صوص الطماطم اللي نحطه فوق الباستا

وطريقه الكريم صوص اللي يجي لونه ابيض

اختي انا اعرف بس للاسف مااعرف المقادير بالضبط

وما ابغى اقولك مقادير واخاف تطلع غلط

بحاول اجيب لك هي باذن الله

كريم صـووص اذا ماخاب ظني ..

هي نفسها كريمـة الخفق الي تجي جاهزه ..!!

انا استعملها على الفوتوشتيني .. ومرره طعمها واااااااااااااااااااااو ..

بس اكثر منها الصراحه عشان تصير متشربه الصـوص ..

ياربي اشتهيت آكلها ..

سلامـووو وبالعافيـه مقدما ..

دلووعه حسين انتي سويتي نداء للشيفات
بس آنا مو شيفه آنا حلللوه ههههه

شيفه عندنا معناها جيكره(موحلوه)

اعشق الباستات
ومتابعه للاستفاده!!

[SIZE=3]بكر الشايب اشلووونج ..وحشتيني
معاي بالموضوع يحليلها بكوره

هلا بدلووعتنا :)

شوفي حبيبة قلبي

بعطيك وصفة الصلصتين لكن نصيحتي لك .. حطي صلصة الطماطم وحطي فوقها قشطه عادية (علبة نستله) وشوفي الطعم الرهيب واحتفظي في هالسر لحالك (خليه طبقك المميز وقولي المكونات سرية واخترعي لك اسم له )

المهم

الصلصة الحمراء

تحتاجي الى بصلة مفرومه ناعما
فص ثوم مفروم
علبة طماطم محفوظه (مو صلصة طماطم) - او اذا ما لقيتي ممكن تبشري 5 حبات طماطم
ثلاث ملاعق كبار صلصة طماطم
نصف كوب ماء
رشة ملح
رشة سكر (ضرورية جدا)
رشة فلفل أسود
اوريغانو
(في بالسوبرماركت بهارات ايطالية اذا وجدتيها روعة)

طبعا البصل والثوم في شوية زيت زيتون لغاية ما يذبلوا وتحطي الطماطم والصلصه والبهارات عليهم

في النهاية حطي علبة قشطة نستله فوقهم وذوقي :)

اما اذا حبيتي تخلطي هذا وذاك

فالصلصة البيضاء هي البشاميل تماما لكن بقوام اخف وهي عبارة عن :

ملعقتين زبده
ملعقتين طحين
نصف فص ثوم مدقوق
كوب مرق دجاج
كوب حليب

تسخن الزبده وتخلط معها الطحين والثوم وعندما يتغير لونه نضيف مرق الدجاج والحليب ونضيف الملح والفلفل الاسود فقط

بالتوفيق حبيبة قلبي

بانتظار الطبق :)

هلا ناني طيبة فديت قلبك .. اكتب بهالوصفة وجاني تليفون وانشغلت ورجعت لها :) ما تشوفيني ساعة بالصفحة ؟

هههه جمعة مباركة لك وللجميع حبيبة قلبي

اقتباس:

المشاركة الأصلية كتبت بواسطة أم داليا (المشاركة 2274111)

ودي أفيدك
لكن مافهمت ماتريدين بسبب الكلمات الغير عربية :23:
ترجمي وباذن الله نفيدك

يا هلا بأم داليا..

آسفة عزيزتي, بس هو حط لي صلصتين صلصة لونها أبيض قال لي انها "كريم" والثانية لونها أحمر قال انها صلصة طماطم فحبيت أعرف كيف أعملها؟

شكرا لمرورك..

اقتباس:

المشاركة الأصلية كتبت بواسطة Hala122 (المشاركة 2274114)

انا نفسي مااعرف شو هذه الاكله!!!لكن شكلها نوع من انواع الباستا..طيب اكتبيلنا مم تتكون?

هي باستا صحيح, ولذيذة جدا..

مكوناتها سهلة جدا, منها المشروم والربيان والخضار راح أنزلكم اياها قريبا إن شاء الله..

شكرا لمرورك..