|
هل غسل اقدام الزوج إهانة
السلام عليكم ورحمة الله وبركاته ياخواني واخواتي...صديقتي تهاوشت مع زوجها هوشه كبيره...لأنه قالها ان زملائه زوجاتهم يغسلون اقدامهم ومريحينهم طبعا هي اعتبرت هذي مشكله كبيررررررررررررررررررره واهااااااااااااانه لها وقالت له ليش ماتغسل انت رجولي وزعلت وماتكلمه وطول الوقت تقول انا مصدومه..احس اني عايشه مع سي السيد مع ان زوجها طيب قلت لها ياختي لاتغسلين رجوله بكيفك بس لاتزعلين وتنكدين عليه وعلى نفسك بسبب كلمه انتم وش رايكم.........؟؟؟؟ |
هل زوجها اجبرها على غسل اقدامه ؟؟ هل صديقتك هذه من النوع اللي يزعل بسرعه ؟؟ ما له داعي تعمل من الحبّه قبّه .. كان قالت لزوجها الله يسعدهم و مشت الموضوع عاااادي .. بعدين وش فيها اذا حطت طشت الماء و بدأت بدعك اقدام زوجها بكل حب و غنج و دلال و لو تطلب عيونه ذيك الساعه كان ما بخل عليها .. لكن بعض الحريم الله يهديهم ما يعرفون كيف يستغلون الفرصه .. |
والله ياأميرات زوجها حبوب وهي بعد حبوبه وطيبه معه
الله لايغير عليهم وماجبرها....بس هي تقول ليش تفكيره كذا هذي اهانه لي وتقول على قد طيبتي معه وماقد قصرت...راح ولف ولف واخرتها مالقى الا غسل الرجول وصدقتي الرجال الطيب يستاهل بس اذا طلب هو بنفسه لو كان اطيب شخص مالها طعم ومالها داعي مايصير الرجال يطلب من زوجته هذا الطلب |
هو بيتدلع عليها ، مو قصده إهانة لإنه مافيش كرامة بين الزوجين دام الحب و الإحترام ما بينهم
بس هي زودتها و كبرتها و بيختها هههه من جد و الله قوليلها أسلوبك هذا بيكره زوجك فيك |
:25:
والله ماشوف فيها شي وهي كبرتها مررررررررررررررة :29: لو هي تحبة هالشي ماتشوفة اهانة لية الحريم كل شي يشوفونة اهانةمن زوجها؟ اقرب مثال قريت بمنتدى قبل فترة عضوة قومت الدنيا وزوجي اهاااااننني وابغي الطلاق وكيف يطلقني وفي النهاية السبب لانة طلب منها بيوم جمعة وهي تقص اظافرها تقص لة :25: وشافتها اهانة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انا شخصيا اقص لاخوتي الشباب اظافرهم واسوي لها مساواة بالبرد واعمل لهم تدليك وخاصة بعد السفر البر لان دوم نسافر بر وتكون رجولهم مورمة من تاثير القيادة :25: فكيف بيكون هالشي لو طلبة مني زوجي ؟ المودة والرحمة والعشرة الحلوة والحب . اكون لة امة يكن لي عبدا رائي الخاص ,, احساس |
أسوي له كل شيئ
أما أغسل رجوله مستحيل |
الله يسامحكم ما تعرفو تستغلو الفرص
مسااااااااج الارجل توصلو للي بدكم من خلاله والله في الغربه عنا يبيعون اشياء خاصه مثل الطشت على الكهربااااء ومعه عدة موااااد وغيرو خليها تستغل الفرصه وانا اذا زوجي مسك اظافري فقط اهدى على طول مساكين يالنساء الزوج مش سي السيد ولكن وقت يطلبها بامر قولي له : اذا دلع حبي من عيوني ادلعك على الآخر انما قل لي من وين ابداااا من الرجلين وصعود او من فوق ونزول روحو شوفوهم بماليزيا هناك بعض الشوارع فقط للارجل مساااااج وحتى شاهدت امراه محجبه كاشفه على ارجلها في الشارع ويعملو لها مساااااااج طبعا غلط ولكن اللي عاملتو هذه الامرأه الرجل يحب الدلع دلعوه على الآخر |
اقتباس:
|
بغض النظر عن رجل او امرأه
ادلكها واسوي لها مساج واجيب لها اكل من المطعم وادلعها واغسل الصحون والمواعين عنها واعطيها اجازة من شغل البيت بعد بس اذا كانت تعبانه او مريضه او مرهقة اعطيها اجازة |
انا دائما ادلك رجول زوجي واقص اظافرهم وابردهم .. ولكن كلما عرضت عليه إني اغسلهم يرفض ويقول لا مايحتاج لأنه يستحي مني .. بالنسبة لي والله لو يرضى زوجي بس راح اغسلهم له كل يوم وبكل حب ورضا .. وكيف مااسويها وانا ادرى الناس بأن رجوله هذه ماتعبت وتورمت هكذا إلا عشان اعيش أنا بمأمن من الفقر والحاجة .. الله يطول لي بعمره ويحفظه لي من كل شر .. |
| الساعة الآن 06:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©