بعض الأسئلة بخصوص خياطة شق العجان
 

مســــــائكم ورد و أحلى :)
حبيباتي صاحبات التجربة و الخبرة
ودي أسألكم بعض الأسئلة :o ياليت تجاوبوني بكل رحابة صدر
و أكون شاكرة لكم و يسعدكم ربي و يوفقكم و يحقق أمانيكم

1/ اليوم خلصت شهر ولادة :14: لكن الخياطة باقي تألمني وش الحل ؟ لأني خايفة بعد الأربعين :30: و كبف أتعامل مع الألم ؟

2/ كيف أعرف إذا خياطة تجميلية أو عادية ؟ :11:

3/ تتوقعون إنفتحت الخياطة :29: لأني جلست كثير و كيف أعرف إذا إنفتحت أو لا ؟

و ألف شكر لكل من تجاوبني و ترد علي :22:
أختكمـ أمـ http://www.66n.com/forums/images/icons/tongue3.gifرزان http://www.66n.com/forums/images/icons/tongue3.gif

تم تعديل بسيط على العنوان ليتضح المضمون..الاشراف

هلا بك اختي جداويه والحمد لله على سلامتك والف مبرووك
واحاول اجلوب على اسئلتك بخبرتي مرتين

/ اليوم خلصت شهر ولادة :14: لكن الخياطة باقي تألمني وش الحل ؟ لأني خايفة بعد الأربعين :30: و كبف أتعامل مع الألم ؟
احيانا تكون التهابات بالجراحه فروحي المستشفى يعطوك معقمات وحبوب التهاب مثل ماحصل معي بولادتي بالثاني التهابات بعد شهر ولاده وصدقيني راح ترتاحين بعد العلاج يومين فقط!!

2/ كيف أعرف إذا خياطة تجميلية أو عادية ؟ :11:
المستشفيات عاده كلها تعمل تجميليه للجراحه سواء كانت حكوميه او خاصه وماتقدرين تعرفين الا اذا تشافيتي تماما مايكون فرق كبير بين قبل وبعد الولاده ان شا ء الله
3/ تتوقعون إنفتحت الخياطة :29: لأني جلست كثير و كيف أعرف إذا إنفتحت أو لا ؟
الخياطه حبيبتي تكون طاحت الخيوط بعد 20 يوم لحد اكبر وماتحسين بسقوطها ابد لانها ماتكون مصاحبه باالم عادة وانتي اكيد التام الجرح بعد شهر والالم اللي انتي حاسه به اكيد مثل ماقلت لك
و ألف شكر لكل من تجاوبني و ترد علي :22:
أختكمـ أمـ http://www.66n.com/forums/images/icons/tongue3.gifرزان http://www.66n.com/forums/images/icons/tongue3.gif
العفو اختي ان شاء الله افدتك بشئ

ذكرى الصمت
ما قصرتي الله يجزاك الجنة يارب
لكن إذا رحت المستشفى راح تكشف علي لأني تعقدت من الكشف صراحة
و الفرق بين الخياطتين ما راح أعرفه ألحين
أصبر و لا أسأل دكتورتي أخاف ما تفهم علي الله يسعدها لأنها باكستانية

و خايفة تقولي إنفتحت الله يستر

و الله يسلمك و يبارك فيك غلاي
أكيد إستفدت يا عمري
أسعدني مرورك جدا

1q222

:) :) ذكرتيني بنفسي

الى الان متعقده من الم الخياطه عذاااااااااااااااااااااب

الم الولاده كوووم والم الخياطه كوووم ثاااني

انتي زيي طولتي الين راح الالم وهذا اكيد بسبب انهم شقولك كثير زي ما حصلي..

انا عموما قعدت اتالم الم يخليني ابكي خصوصا بالليل يزيد عليا ماني عارفه ليش وكان ما ينفع معاها لا مسكنات ولا غيره ولاني عارفه اجلس او ارضع ابني وهذا الكلام بالضبط استمر لمدة 15 يوم تقريبا بعدين بدات اتحسن نوعا ما يعني الالم يجيني لما اجلس او اوقف واطول بالوقفه او لما امشي كثير واستمر معايا الين شهر وبعدين سبحان الله شوي شوي خف وبدات انتبه انه ما عاد احس بيه :) يعني تقريبا الشغله اخذت مني حول ال 35 يوم..

لكن الافضل انك تراجعي الدكتوره انا راجعتها واطمنت انه كله تمام وانتي الافضل كذا تعملي ولا تخافي بس بالعين ويمكن تلمسه بس مافي تدخيل اصابع وقرف زي الولاده واحسن عشان ترتاحي قوليلها ما ابغاكي تلمسيني بس شوفي ..

اما بالنسبه لما بعد ال40 اذا خايفه من الجماع لا تخافي برضه انا كنت زيك لكن انصحك في اول وثاني جماع استخدمي الكريم المزلق ترتاااااااااااااااااااحي بدنيا ونفسيا وان شاء الله بعدها حتحسي انه خلاص رجعتي لحياتك الطبيعيه ...

لالالا لا توسوسي

انا ما قصدت انه الجماع بيصير صعب لالالالا

انا اقصد انه احنا البنات الحساسات امثالك وامثالي اكيد رح نحط ببالنا الم الخياطه والجرح ومادري ايش وحتعمل ردة فعل عكسيه داخل عقلنا الباطني ورح نتوهم انه فيه الم بالجماع الاول... لذلك عشان تختصري على نفسك التفكير والوسوسه استخدمي الجل اول مره وبكذا رح تنطرد الافكار السودا هذي :)