مازلت اعاني هل تذكرون قصتي؟
 

السلام عليكم ورحمه الله وبركاته

هل تذكرون قصتي سبق ان كتبتها وبحثت عن الرابط ولم اجده اصبحت في طي النسيان
ساذكرها باختصار انا كنت متزوجه 15 عام لدي اطفال اعشق زوجي وهو كذلك كانت بيننا اروع قصص الحب دلع حب وطلباتي مجابه مما دعا امه للغيره واثاره المشاكل حتى انا صرت اتحاشاها واصبحت لااطيقها ولكن كنت اعاملها باحترام اصبحت تثير المشاكل ولاتدخل بيتي وتشعر ابنها اني السبب
وطفخ الكيل واخرجتني احدى المرات من بيتي وخطبت لولدها وبعد الشبكه زوجي تراجع بعد ان حدثت بيننا مكالمه باركت له وطلبت طلاقي لاني كنت في بيت ابي انهار وتراجع وردني بدون مايخبر اهله وعرفو بعدين انا رجعنا وصارت امه مقاطعه بيتي تمام وانا اذهب لها واسلم عليها وهي مو طايقتني بالاخير اصبح هو متغير وصار مايحب يوديني عند اهله ويقول انتي ماتحبين امي ومشاكل
وفي يوم قال لي ابي اتزوج وحده تحب اهلي ويحبوها قلت بالمبارك بس اذا نويت طلقني اخترنا الوقت المناسب طبعا بعد جفاه لي وهجره المصطنع وانا عارفه انه يجبر نفسه يقاطعني كم يوم ويرجع منهار يوم جا وقال لي انه تزوج طلبت الطلاق حاول اصريت وخرجني من بيتي ورحت عند اهلي وارسل الورقه اول طلقه لي وانا عارفه انه تحريض من امه طلقها ترجع تبوس يدك ترجعها
بعد الطلاق بنفس اليوم يكلمني يتصل في بحجه انه ناسي او بحجه العيال ةبعدها قال اذا بترجعي ارجعي بشروط هو يشرطها علي وانا ماطلته لين مرت شهور العده ورفضت العوده صار يحاول يردني وسط ناس انهار بكي في التلفون صار مجنون يتهجم علي ببيتي وانا ساكنه بعماره ابوي عطاني شقه هددني بكل الطرق لكن رفضت العوده له والسبب ان بحياته زوجه اخرى والي زادني اصرار تمسكه في
الجديد في الموضوع انه للان متمسك بي ويتصل واذا مارديت يجي البيت بحجه انه بيشوف عياله ويحاول يكلمني والاقيه بطريقي لاخرجت قفلت جوالي اتصل بجوال ابني ويطلبني
يتحجج انه لابد يكون بينا تلفون علشان مصلحه العيال واذا رديت سال عن اطفالي ودقيقه يقلب الموضوع حب وشوق وتهديد يقول اذا تتزوجي اقتلك واحرمك من عيالك
الان مرت سنتين وزوجته جابت بنت وهو مازال يحاول بعودتي وكل يوم يتصل ويرسل مسجات ويحملني مسؤليه انهياره وتعبه وانه اذا مات فانا اكون السبب
انا عجزت في التفاهم معاه ابوي مايدري بالي صاير اخاف يدري وتصير مشاكل واخسر اطفالي
تعبت اقنعه اني نفسيا ماني متقبله الوضع وهو متزوج احيانا يوعدني انه بيطلق زوجته ويرجع يقول حرام مالها ذنب اني احبك ماحبها
هل تتوقعون ذا حب ولا حب تملك ولا عناد
وايش الحل
اذا تقولون اقفل الجوال بيوصلي لو عن طريق ولدي لان بينهم اتصال وانا متفهمه ان الطليقين لابد يكون بينهم اتصال في الضروره لمصلحه الابنا لان ابوي يسافر ومو فاضي لمشاكل اطفالي
اذا تقولون اخبر الوالد رح تكبر المشكله ورح يسحب اطفالي او يقاطعهم
لاتقولون ارد له لاني مااقدر ابدا انا مازلت احبه لكن مااقدر اتخيل انه عنده زوجه اخرى مع العلم انا عارفه انه مو مرتاح معاها وليست افضل مني بشي بالعكس اشعر انها اقل مني بكثير لكن نصيبها

لاتبخلون علي شاركوني بمشكلتي
مازلت اعاني ولاتنسوني من دعواتكم

اختكم ام سامي

.

انا استغرب لما الوحدة ما تدخل اهلها في مشكلة مثل مشكلتك


حبيتي يسوي معاك كذا عشان ما فيه رجال يوقفه عند حده


والمفروض منه ان يراعي العشرة اللي كانت بينكم والاطفال اللي وسط هالمعمعة



وبعدين يا اختي ليه تعطيه مجال انه يكلمك ويتوعد انه يطلق زوجته ويرجعك


انتي اجنبية عنه الحين وما يحتاج نفهمك ونقولك ولما يبي يتواصل مع عياله فيه طرق كثيرة




لا تعطيه مجال انه يتوعد ويهدد





ولما يسوي هالحركات معاكِ وين اخواتك اذا عندك ووالدك


لازم اختي رجال يتفاهم معاه اما انتي ما راح تقدري عليه لأنه رجال <<< يحبو يستقوو على النسوان

حديث الوقت مشكوره يالغاليه
هي هي المشكله ماتغيرت ومازال مستمر في تهوره
والاخوان والاخوات ماقصرو معاي لكن مازلت محتاجه لوقوفكم معاي
ولاتنسوني من دعاكم

غاليتي الهدى انا مادخلت اهلي علشان لاتكبر المشكله ولا يسحب عيالي
بعدين مابي المشاكل علشان لااقطع خط الرجعه معاه
يمكن يغير الله الحال وارجع له خاصه انه مطلقني طلقه وحده يعني لي رجعه

احاول اني اقنع نفسي بالرجعه علشان اطفالي لكن الغيره محطمتني

شكرا يالغاليه

طيب وانا وش حالي مو تطلقت
بعدين والله ان دموعي نزلت لما فكر يطلقها انا اخاف الله وخاصه ان معاها طفله لكن مااقدر ارجع الا اذا حياته لي لوحدي او افضل اعيش بدون زوج

قدري موقفي انا احبه بجنون وتعودت ان اكون الوحيده بحياته حتى اني اغار عليه من كل نساء العالم حتى اخواته اغار اذا لاطفهم ابي اللطف لي

عموما هو مااعتقد يطلقها علشان امه تحبها

شكرا حبيبتي وادعي لي

بروق هو سؤال واحد


هل التجأتي لله تعالى بقلب صادق أن يختار لك إما الرجوع أو ابتعاده عنك ..!؟

يعني اشلون يتغير الحال؟؟؟


يطلق زوجته مثلاً ما هي عندها طفلة منه ؟!!!