|
ممكن نصيحه (المقبلين على الزواج )
بسم الله الرحمن الرحيم
السلام عليكم الرحمن الرحيم كيف الحال [ أخواني واخواتي ] ؟ بدايه حبيت أشكر كل من ساعدني في موضوعي الاول [ كل ما يتقدم لي واحد ارفضه والسبب اني غير عذراء ] والحمدلله توكلت على الله واخذت من نصايحكم واستفدت الكثير منه واليوم في موضوعي الثاني حبيت اطلب منكم بعض الأرشادات والنصايج المفيده انا فتاه مخطوبه ووايد مرتاحه ومستانسه مع خطيبي ف هو انسان متفهم جدا ومرح وفاهم للحياه اكثر مني والحمدلله الله رزقني بانسان ارتاح له وايد ويرتاح لي وايد في فتره الخطوبه مثل ما نعرف فتره يتعرف فيها كل الطرف للاخر وصار لنا من خطوبتنا تقريبا فتره صغيره وان شاء الله قرب موعد ملكتنا (عقد القران ) في القريب العاجل باذن الله ,, لكن من خلال تبادلنا للمكالمات كل من الطرفين اغلب الوقت نكون ساكتين وخجولين جدا ف انا ماعرف كيف اجدد السوالف بينا ولا اهو يعرف شو يقول ماعرف عن شو نتكلم ماعرف اي شي ف انا اطلب منكم نصيحه وارشادات من خلال تجارب البعض خطيبي يتصل لي بين فتره وفتره يسمع اخر مستججداتي ويتطمن علي ويسألني اذا محتاجه شي ولالا ف اهو بصراحه وايد يهتم فيني ومرتاح لي بس في بعض المكالمات يبيني اتكلم اقول شي افتح موضوع اي شي بس انا ماعرف عن شو اتكلم ؟ وبنفس الوقت [ السؤال الي يدور حوله الموضوع هو ] : شو ممكن انه يتكلم فيه كل من الطرفين في فتره الخطوبه؟؟ هل كثرة المكالمات الهاتفية وقت الخطوبة تقوي العلاقة الزوجية مستقبلا ؟؟ أم أنها تساهم في أنهيار الزواج قبل أن يبدأ ؟؟ بانتظاركم |
اقتباس:
الف الف الف مبروك وعقبال الزواج و الراحه والاستقرار والله يحفظ لك خطيبك ان شاء الله بالنسبه للمكالمات .. انا بالنسبه لي كانت للمكالمات اثر ايجابي كبير بيني وبين زوجتي وكان شي جدا ممتاز طيب .. من ناحية في ماذا تتحدثون .. دائما تحدثوا حول تطوير النفس و وضع خطط في كون ان اي مشكله بينكم لا تؤثر في حبكم وكيفية حل المشاكل في حال حدوثها لا سمح الله وفي نفس الوقت .. الاتفاق في المستقبل وكيفية التعايش معاه والطموح الى الوصول للمثاليه .. راح تكون حياكم حلوووه كثير .. اذا طنشتي كلام الناس الكثير وتسوي اللي يعجبك انتي و زوجك .. دام انه ( يتجاوز الشرع - او - يعتدى على حريات الاخرين ) والله يوفق الجميع |
أوصيك بتقوى الله وإصلاح نيتك
و أوصيك بالتوفيق بين إظهار أحسن ما عندك و بين الوضوح و الصراحة وفقكم الله |
Mr.Smile
مخي فاصل شكرا لكم على تواصلكم وفقكم الله |
مبروك حبيبتي
الله يسعدك و يوفقك و يهنيك و يتمم لك على خير |
الله يبارك فيج عزيزتي
|
انصحك تأجلي المكالمات لبعد العقد
عشان تتكلمي براحتك لانه مازال اجنبي عنك مبروك مقدما يا عروسه |
الف الف مبروك والله العظيم فرحتلك من كل قلبي الله يتمم لك على خيربس لاتنسي تعزمينا
|
ألف مبروك ياغالية أسأل الله ان يتمم لك بخير
ولكن انتبهي ياغاليه فمكالماتك له لاتجوز لأنه لم يعقد عليك ولست بزوجة له فأنتي بمثابة الأجنبية عنه فهو ليس بمحرم لك |
الف الف الف مبرووووووووووووك
الله يتمم لك على خير ويوفقك ويسعدك ويهنيك ويرزقك بالذريه الصالحه وربي فرحت لك بجد بفترة الخطوبه لاتكلمينه كثير لاكن بعد عقد القران خذي راحتك ع الأخر وحاولي تتقربي منه وتفهمينه ويفهمك وموفقه أن شاء الله يالغلا |
| الساعة الآن 03:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©