|
امور تافهه سبب في مشكلتي اتمنى من الجميع الدخول
السلام عليكم والرحمه والبركه أحببت الاشتراك في هذا المنتدى وطرح المشكله ربما اجد منكم اجابه على مايحصل معي واتمنى مشاركه الجميع .. فربما اجد الجواب الشافي لدى احد منكم راح اتكلم من البدايه علشان تكون الامور واضحه انا متزوجه من شخص ليس بيني وبينه قرابه ليه مايقارب الخمس اشهر وانا حامل في شهري الثالث الان في بدايه الزواج كانت الامور طبيعيه ولا يوجد اي مشاكل ولكن بعد مرور يوم اكتشف اكتشاف ومشكله اول مشكله حدثت اكتشفت انه يراسل فتاه من بلد عربيه والاكتشاف كان بالصدفه وبسببه عندما كان يتصفح مسجات الجوال وكان هدفه ان يريني مسج وصل له وحصلت مشكله ولكن انا حاولت اني ماكبرها وانتهت المشكله الان لايمر اسبوع الا فيه مشكله وانا بالنسبه لي اجدها لامور تاااااافهه جدا مثلا كان اتفاق بينا نطلع وانا استعديت اجي عنده اقوله يلا انا جاهزه يعملها لي مشكله ليش تقولي لي يلا انا الي اقول يلا مو انتي :( يعني المشاكل على كلمه انا غير قاصدتها او حركه او اي تصرف عاااااادي بس بالنسبه له غير عادي هو موظف وراتبه عند وصول اخر الشهر مايكفي وهالامر انا اشوفه عادي والله اني غير متطلبه ابدا منه يعني مثلا من تزوجنا والله ماعطاني ولا فلس هي يمكن 500 ريال خلال 5 شهور زواج حتى سوبر ماركت واغراض البيت وربي انها قليلللللل جدا حتى اني احيانا من بيت اهلي اخذ بعض الشغلات ولا عمري تطلبت عليه او تشرطت شي فوق طاقته يعني كل مصاريفي من راتبي وانا ماعندي مشكله بس الي يحز بالخاطر انه على كل هذا على اقل شي يعمل مشكله كبيره لي وبعد كل الكلام الي يقوله لي يجي يعتذر بس انا خلص تعبت ولا يوم طلعنا انبسطنا لازم ينكد علي صرت مارضى بسرعه اجلس يومين زعلانه يرمي علي كلام ولا يبي ازعل انا اعاني وتعبت نفسيتي والله حتى احيانا ماحب اتكلم معه بسبب الامور هذي ودايم يقولي انتي تهينيني وانا مافكرت بيوم اقوله شي دايم اشجعه واقوله دور شغل ثاني سجلته انتساب في جامعه عشان يكمل دراسه بعد الدبلوم ودايم ينتقدني :( ايش الحل ؟؟ ايش اعمل معاه الحياه صعب تعيشها على مشاكل وامور تافهه مالها اي داعي في الحياه انتظر رايكم : |
حاولي انك تشيلي الحزن من حياتك ابداً
ودائما في حالة انه بدأ يعصب اصمتي لين مايخلص .. بعدين لا جاء يعتذر . ابدأي انتي بتوضيح الامور وانك ماترضين الكلام اللي يقوله ابداً .. دامك صابره عليه هذا يدل على انك تحبينه ودامه يعتذر منك هذا يدل على انه يحبك بينكم حب .. ولكن كيف توصلونه بشكل مباشر عشان يقضي على اي مشكله بينكم بقدر الامكان .. حاولوا تكسروا الروتين بينكم ( ان وجد ) يعني ( سفريه نهاية الويك اند ) او ( رحله فيها شي جديد عليكم ) او ( زيارة احد اصحابه المقربين له ) وتتعرفين على زوجته كمان لانه بصراحة 5 شهور مرررررره قليله عشان يكون بينكم كذا اللوم ما يكون عليك .. لانك حامل كمان .. حاولي تفكرينه بمستقبل الطفل .. انه ممكن يتأثر بكره لو استمر هو كذا .. اختي الصبر مفتاح الفرج .. بس عندي سؤال شخصي ( هل هو مدخن ) ؟؟ ان شاء الله ربي يوفقكم ياااارب |
حبيبتي انت لساتك عروس
يعني هالخلافات بسبب انكم ماوضعتوا لكم أساسيات بحياتكم مثلا تتفقوا على الصراحة وكل واحد فيكم يفهم الثاني مايحب ومايكره ومافات شي ابدأي من الان وفقكما الله |
شوفي عزيزتي ....
الواضح ان زوجك حساس وربما يتملك جزء من العصبية ولكنه يحبك طبعا هو يمكن يتحسس من اقل كلمة انتي تقوليها مع انه يعلم انك مو قاصدتها انتي الحين حامل وما ينفع لك الزعل والحزن حاولي لما تكلمينه او تنادينه تنتقين كلام حلوو لما تلاقينه معصب تبتسمين تقولينه حبيبي ماله داعي تعصب اما بالنسبة انه ينتقدك قولي له انا ما ابي شي غير رضاك انتقدتني لو ما انتقدتني بظل احبك وبتظل انته حبيبي وزوجي وابو ولدي مثل ما تقولي اول ما تزوجتوا كانت الامور طبيعية بس بعد فترة تغيرت الامور ربما هو يعاني من ظروف او عنده مشكلة او يحاتي شي معين حاولي تتقربين منه حاولي ان لما تطلعي معاه مكان تخبريه من لما تكونوا ف السبارة قولي له حبيبي انا احب اكوون معاك في اي مكان في العالم بس اللي احبه اكثر انك تكون سعيد واحنا مع بعض ولما تشوفينه وانتوا طالعين بدى ينكد الجو او يزعل على طول تداركي الموقف وغيري السالفة جيبي اي شي حلوو اي شي طريف او قولي له كلام حب صدقيني لما يشووفك جذي ما راح يقدر يعصب او يسوي مشكلة خليك دووم مفرفشة فاجئيه بهدية حلووة كتبي له رسالة حب خليها ع السرير او ما يوصل من الدووام يشووفها سوي له سهرة ممتعة ف البيت اشتري فلم حلوو وسووي له عشا رومانسي واجلسوا جلسة حلووة مع بعض و مثل ماقال الاخ مستر سمايل الصبر مفتاح الفرج ولما يشوفك كذا هو راح يفكر بينه وبين نفسه وراح يحس انه مخطيء ومزودها وف نفس الوقت راح يحبك اكثر واكثر وراح يقدرك وانشاءالله ياارب الله يهديه ويصير معك كافضل واحسن ما يكن وباذن الله تسمعينا الاخبار الطيبة ......... ودمتي سااالمة |
اقتباس:
الحب موجود ولكن اتفه الامور تدمر كل شي زوجي غير مدخن وهو دايم اذا جه يعتذر افهمه انه ماله داعي انه تحصل مشكله وندمر يومنا على شي مايستدعي وكذا مره اقوله انه لو يفكر بس شوي قبل مايقولي الكلام ولو ياخذ كلامي على انه طبيعي مني بدون اي حزازيات ماراح يكون هالشي حاصل ويقتنع بكلامي ويرجع بعدها بفتره ماكأنه حصل كلام او تفاهم بينا انا صابره واحاول اطنش ولا اهتم لهذي الامور بس زيادتها هو ال يحدني الى اني اشتكي وبما اني حامل دايم اشرح له وضع الحامل وكيف لازم تكون نفسيتها وهو يقرا عن الحمل وعارف بس يرجع يقولي مو عشانك حامل اسكت عن كل شي وللاسف مافي شي يستدعي هذا الله يسهلها ويسررها اخوي اشكر لك كلامك الذي اسعدني |
اقتباس:
صحيح كلامك لم نضع اساسيات ونفهم بعض وحصل حمل بسرعه ولكن هذا من عند الله ولكن امر التفاهم من ايام الخطوبه وانا اتكلم معه عن امر التفاهم في الحياه الزوجيه وضروره وجوده بين الطرفين الله يقدرني ان شالله اشكرك لحضورك |
اختي يمكن الحمل بعد مأثر على نفسيتك
بس لاتدققين طنشي والامور البيسطه ارميها ورا ظهرك ترا الدنيا ماتسوى زعل وكل هذا يأثر على النونو واذا حاول يستفزك حاولي تجبينها بمزحه وتضحكين وترا بدايه الزواج تصير الامور هذي لان كل واحد يبي كلمته اللي تمشي بس انتي لاتحاولين تكونين قويه بالفاظك عليه ترا قوه المراءه بعاطفتها الله يهدي بالكم ويوفقك ياااارب |
حبيبتي ممكن عشان الحمل نفسيتك تعبانه وصايره انتي الحساسه وتحاسبينه ع الزله!!!
عمومآ فيه طفل جاي بالطريق حاولي تهدين نفسك وتروقين ونتسين سالفه الرساله ممكن انها قديمه من قبل لايرتبط فيك حتى لو بعد والله باسلوبك وذكائك راح تنسينه اياااااااهاااااااااااااااا اما بالنسبه لظروفه موبيديه لازم تتحملي !!! الله يسهل لك امورك |
هذه يا قلبي تسمى فترة تعارف بين الازواج و اكتشاف كل منكم الاخر و تصادم في الطباع و الافكار و الاراء ..
ما تمرين به يا عزيزتي هو شي طبيعي جدا يحدث بين اي زوجين . متى ما عرفتي ان هذا الامر طبيعي اقصد الاختلاف راح تهون عليك المسأله و خبري زوجك ان هذه الامور طبيعيه جدا اهم شي في الموضوع ان يظل بينكم الاحترام و ما احد يجرح الاخر و اي مشكله تصير لازم تستفيدي منها و ما تكرريها اي تصرف او كلمه ما تعجب زوجك لازم ما تكرريها و هو كذلك اي تصرف او كلمه ما تعجبك لازم يتفادها ضروري يا اختي تتفاهمون على هذه النقاط و لازم حدة غضبكم تخف عشان الحياه تسير بشكل سليم .. لا تشيلي هم انتو لساتكم عرسان جدد و ما تمرون به شي طبيعي جدا .. وربي يسعدك .. |
اختي العزيزه اتمني انك ما تعطي كلامه اي اهتمام لانك حامل والنفسيه لها تأثير علي الحمل واصبري الصبر مفتاح الفرج وترا اغلب الرجال اللي متزوجين حديثا هذي اسلوبهم ومن تجربتي في بدايه الزواج زوجي كان كذا وبعدين معا مرور الايام يتغير لما ايعرفك زين ويتعلق فيك اكثر
وتحملي بنفسك حبيبتي وانشالله ااتقومين بسلامه |
| الساعة الآن 06:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©