|
خوف امي الشديد الله لايحرمني منها
السلام عليكم ورحمة الله وبركاته
اليوم صار لي موقف مع امي طبعا انا كل يوم اروح الجامعه وقبل لاانزل من السياره ابويا يسالني متى تخلصي اقوله اذا كنت متاكده من الجدول او اتصل عيه اول مااخلص الترم دا تقريبا كل يوم اخلص قبل الظهر فاليوم سالني متى تخلصي قولت مادري على حسب وطبعا انا بالجامعه من محاضره لمحاضره ومناقشة مشاريع الا شوي اشوف اختي دخلت لي الجامعه ومره خايفين عليا لاني تاخرت لوحده ونص وماخبرتهم وجوالي لانو بكاميرا احطه بالامانات فنزلت اخده لقيت فوق ال30مكالمه من امي وابويا ورسايل وكول مي والخ وماجا في بالي اقولهم اني حتاخر لاني متعوده من اخلص اتصل عليهم واول مااوصل البيت القى امي تبكي وشايله الدنيا وخايفه عليا جدا جدا حتى الغدا ماقدرت تطبخه وجالسه تفكر وتحط في بالها اسوء الاحتمالات اني تعبانه وشوي تقول افكر نقولك للمستشفى مره حزنت عليها وعلى دموعها ياربي قد اش قلب الام حنون بس انا ماشوفت مبرر لكل دا الخوف صح والا لا والله يخليها لي وليحرمني منها بكيت لما شوفت حبها وجلست لاصقه فيها واحضنها الين ضحكتها واقولها خلاااااااص من بكره اشتري جوال بدون كام واعلقه برقبتي:17::17: حبيت افضفض لكم واسالكم يستاهل الخوف دا كله؟؟ |
تم النقل إلى القسم الأنسب .. |
دمعت عيناي
ماشاءالله الله يخليها لك يارب وتشوفك عروسه ياحي ياقيوم انتي وبنات المنتدى وشبابه امي زي امك تخاف مرة حتى وانا الآن ام لبنت ومع ذلك مازالت تحكمني وتخاف علي بشده لدرجه حتى قطع الشارع تحلفني مااقطعه لو طلعت لحاجة يووه الأم لايمكن وصفهاا ابدآ فشهادتنا فيها مجروحه وياأختي انا الآن لما جبت بنت فعلآ عرفت الإحساس اللي تحس فيه امي عرفت وش معنى خوفها وحبها كله لأني ذقت اللي ذاقته وبإذن الله لما تتزوجي وتجيبي بيبي بتقولي صادقة ماعدت أنا الظنا غير يالغالية اعرف وحدة معروفة بإلتزامها الشديد تبارك الله ولا ازكيها على الله فقدت زوجها وصبرت ثم فقدت ابيها وصبرت وقبل كم اسبوع جاءنا خبر فقدانها لأبنها في حادث ولكي ان تتخيلي مصابها فيه فــ الظنا غير يالغاليه |
وعليكم السلام ورحمة الله وبركاته سبحان الله هذه الأم وخوفها على بناتها ماتتغير يمكن بنظرنا مايستاهل الموقف كل هذا القلق بس بنظرهم غير انا تقريبا مريت بمثل هذا الموقف لما كنت بالمدرسة سنة تطبيقية جوالي عادة ما اضع له رمز قفل واخر اتصال لي كان على امي ومدري كيف فتح الخط وعاود الاتصال وامي ردت وسمعت اصوات وازعاج ( معروفه المدارس مافيها هدوء ) وجاتني وحده من الاداريات معصبة ورافعه صوتها تقول ليه ماتقفلي جوالك وحرام عليك خوفتني اكثر ورحت معاها لقيت أمي منهاره من البكي تقول توقعت صاير فيك شئ او حريق بالمدرسة لاقدر الله (صراحه موقف مستحيل يغيب عن بالي ) الله يحفظهم لنا ويرزقنا برهم .. |
صراحه من حقها الخوف عليك خصوصا في الزمن هذا:29:
كل يوم نسمع قصص شكل الله يحمينا ويستر علينا يارب تخيلي بنتي باقي لها سنتين وتدخل المدرسه ومن الحين أوسوس وأخاف وأقول الله يعيني أذا دخلت المدرسه:30: |
معظم الامهات كده ماما زي امك بالظبط
قبل فتره كنت في النادى وطبعا جوال ممنوع يدخل وكان في الامانات وقلتلهم لمن اطلع اتصل اتاخرت للساعه 3 طبعا اتصلت مرررره كتير وجلست قلقانه في الاخر صرت اسمع الاداره تنادى علياا المشتركة فلانه الفلانى تتوجه للادرة للاهميه وانا ماانتبهت كنت اسبح ولا على بالى مبسوطه هههههههه لغايه ماجاءت مشرفه وقالتلى كلمى امك ضرورى ياما مواقف صارت بسب القلق والخوف لمن اقولها لاتخافي تقول لمن تتزوجوا تحسوا وتعرفوا ليش اخاف والله في مواقف تضحك مره تسير من القلق نفسي اكتب كم موقف من جد مرره تضحك يبغالنا نسوي موضوع عن قلق الامهات |
الله يلوم اللي يلومها الزمن صار يخوف والجوال صح انه يريح بس بنفس الوقت يخوف اذا دقيت ومااحد يرد تقعدين تضربين اخماس باسداس الله يحمينا وكل المسلمين من كل شر |
حفظ الله امك ورزقك برها ومهما عملنا لانستطيع رد جمائلهم
هكذا هم الامهات لذالك وضع لها الاسلام 3حقوق قبل حق الاب |
يستاهل وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووونص الضنا غالي ياعمري بكرة بس تتجوزي حتحسي فيها
|
اقتباس:
امين يارب الله يخليها لنا ولايحرمنا من حنانها من جد حتى احنا الطريق تخاف وكل شئ ودائما لما اقولها تقولي لو خلفتي حتحسي الله لايحرمنا من وجودهم |
| الساعة الآن 02:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©