|
رساله الي كل من يخاف الله
ضروري إقروا القصة
هذي قصتي من اولها لاخرها تخيلوا لو انتو او اخواتكم مكاني اللي صار لي ممكن يصير لاي احد ومن ستر على مسلم ستره الله في الدنيا والاخره انا انسانه عمري 21واحب الذكريات والتصوير خصوصا اذا كانت في سفر او في مواقف تحصل في العائله المهم انا موحقت لافيس بوك ولا بالتوك ولا مغازل ولا يحزنون بس احب اصور نفسي كثير بما اني بنت ومعجبه بنفسي المهم انا دايم اصورنفسي وفيه صور مالها داعي واللي يشوفها يقول عني بنت صايعه وانا ما اقصد فيها شي اصوراولاد اخواني واخواتي واخواتي المهم اخواتي كلهم متزوجات واحب التصوير اذا تمكيجت واذا جيت البس لبس جديد وحرصي على الصور انقلتها كلها من الكاميرا الى الاب توب ولما تعطل الاب توب قررت اوديه الى محل عشان يتصلح واخذت كل الصور اللي في الاب توب ونقلتها الى جوالي وحذفت كل الصور من الجهاز المهم في نفس اللحظه قالت لي امي انها تبي تروح اسواق المملكه وكنا في وسط الاسبوع وكان العصريوم الاثنين 15-12-2008م وقالت لي روحي معاي وهذا طبعا لان كل اخواتي متزوجات وفي بيت ارجالهم قلت لها اوكي حتى اني ما لبست كويس لان امي تحب تروح مملكة المرأه اكثر شي لانها تشتري الانجري من هناك وتستحي تشتري من محلات الرجال وبعد ما وصلنا لمملكة المرأه اخذنا لفه على المحلات وكان جوالي فيه كل الصور اللي حذفتها من الاب توب فجأه رن جوالي واطالع الجوال إلا اختي الكبيره تقول ليه ماتردون على البيت وقلت لها ان احنا طالعين قالت لي عطيني امي ابي اكلمها عطيت انا امي الجوال وكنت حريصه على جوالي عشان الصور امي قفلت وعطتني الجوال ولما جينا نطلع من السوق وجيت ادق على السواق إلا فجأه مالقيت جوالي كبيت كل اللي في الشنطه فسخت العباية دورت في جيوبي فتشت امي مالقيته حست مملكة المرأه وحست الدنيا وصرخت وبكيت وقلت لامي فيه صورنا كلنا اللي في الكاميرا واللي في الاب توب وصور اخواتي كلهم ودرت في كل المحلات وكل مكان وانا اتحيسب وين راح الجوال ياليتني ما طلعت ياليتني مارحت بموووووووووووووووووووت من القهرحتى امي صارت تبكي ودموعها كأنها نار في قلبي طيب صوري انا المسؤوله بس اخواتي كلهم متزوجات صرت اشوف في وجهي وانا ادور مثل المجنونه وجيه رجال اخواتي يارب خاف تنتشر دورت حتى في الزبايل في الممرات في الحمامات مالقيته وانا متأكده ان حد ما خذه بخفه مني بس المشكله اني كنت في مملكة المرأه وشلون ؟؟؟؟؟؟؟؟؟؟؟؟ هذا الايميل اكتبه وانا ابكي وميته من القهر وانا حاسه ان اللي صار عشان اخذ درس وهذا شي مكتوب يارب تستر علي وعلى اخواتي لاني خايفه الصور تطيح في بنت ما تخاف الله وتنشرها اماااانه اذا شفتوا صور بنات لاتحاولون تنشرونها واذا وصلك الايميل وانتي كنتي شايفتني لاني جلست الحد بعد العشاء وانا انتظر واحوس عليه ما اقول الا حسبي الله ونعم الوكيل في اللي اخذه لأن اختي درت عن الموضوع وانهارت وترقدت في المستشفى وامي انهارت ما كانت روحه جيت ارضي امي وانفضحت انا لله وانا اليه راجعون ((وبشر الصابرين الذين اذا اصابتهم مصيبة قالوا انا الله وانا اليه راجعون)) والمشكله اني خبيت على اخواني الشباب الموضوع وخفت منهم لان لهم صور معاي يااااااااااااااااااااارب تستر علينا حسبي الله لا اله الا هو عليه توكلت وهو رب العرش العظيم والمشكله ان اخواتي ما يبون يعلمون رجالهم خااايفين وانا خايفه على ابوي ومن اخواني ما ادري وش اسوي --- فاياليت احد اذا شاف صور بنات لايساعد في نشرها خصوصا اذا ما كانوا البنات من ضمن الفنانات و المشاهير ووجيهم واضحه لاتنشرونها رجاااااااااءً انا خسرت صورنا كلها ما ابي اخسر سمعتي واخرب بيت اخواتي لان الجوال فيه اكثر من 500 صوره وفي واحد من رجال اخواتي شكاك وملتزم ووحده من اخواتي ماصارلها شهرين متزوجه رجاءً ترسلون هذا الايميل الكل اللي عندكم الله يستر علينا وعليكم دنيا واخره أمانة ...إنشر لكل اللي تعرفه ...أمنتك على هالشي...لأن البنت الله يعلم بحالتها الحين... منقووووول واتمني كل من يقرا يرأف بحالها ويمسح الصوررر وشكرا |
من جد اخطر شي الصور
انا جوالي كان مليان صوور كل شويه اتصور نفس الشي احب اتصور بي جنون في كل المناسبات بس الحمدلله لمن كنت اطلع السوق احط جوالي في جيب البنطلون وبعدين اشتريت فلاش ونزلت كل الصور ومااطلعو من البيت ابدا حتى في الاب توب خطر نخليها وفي طرق نمسح الصورة ونحذف معالمها قبل مانحذفها عشان مايتم استراجعها ابدااااا والله يستر على الجميع |
أختي الفاضله ***
الله يستر عليهم *** وهذا درس للجميع *** أنا ولله الحمد مانع تصوير النساء نهائياً *** ومحرص على زوجتي وبناتي بعدم التصوير *** مع أن البعض يقول بأنني متخلف ومعقد *** لكن أنا واثق من نفسي ومن تصرفاتي ولا يهمني أحد *** وهذا الذي حصل دليل على التساهل بتصوير النساء *** الله يستر على بنات المسلمين *** بالتوفيق إن شاء الله 0 |
الله يستر عليها وان واسأل الله العظيم ان لا يقع الجوال بيد من لا يخاف الله
|
الله يستر عليهم يارب
انا كمان هوسي التصوير ومصورة فوتغرافية واصور نفسي كثير واهلي واخواني وكل شي لكن بحياتي كلها ماستخدمت الجوال للتصوير حتى اني امتلك جوال الكاميرا الي فية جداااااا رديئة وماتصلح للتصوير وامتلك كاميرا خخخاصة وكل صور اهلي عالاب توب وان بيوم تعطل جهازي فاخواني مهندسين حاسب يعني مافي مجال لاي تسريب ابدا ومن النت الحمد الله لاضع اي صورة لي بجهازي بعد سحبها من الكام للاب توب انزل بسيديات علي طول الحرص والحماية واجب وحسبي الله علي كل من يوزع وينشر صور المسلمات الغافلات وانتبهوووووووووووووووووووووووووووووو الجوال تصوير لا لا لا لا حتى لو طفل انا مع اني اعشق التصوير لكن بالجوال استحاااااااااااااااالة :28: |
شكرا اخواني واخواتي
الله يستر عليها ويصبها و هذا درس للجميع وخصوصا الفتيات يسلمواااااااااا |
الله يستر على جميع بنات المسلمين ويحميهم من كل شر
بس فعلا أخطر شي التصوير في الجوال |
الله يستر عليك وعلى جميع بنات المسلمين
|
يعني بصراحه ... شو بده الواحد يحكي !
الواحد نبح صواته وهو يقول انه النسوان ما لازم يتمسكوا جهاز فيه كميرا ! خلص فيهم غريزه مش طبيعية للتصوير !! هذا الإشي مفهوم و بديهي ! وبعدين يعني مفكرة حالك انك حذفتيهم من اللابتوب خلص راحوا !! لا لا ... ببرنامج زغير وبكبسة زر بيرجعوا كلهم هم وكل الفيديو وكل الملفات !! وكمان الجوال نفس الشي !! في طريقة وحده بس لعدم استرجاع الصور وحتى لو تم استرجاعها انها ماتظهر ... مستعد احكي الطريقه ولكن في القسم المخصص لذلك ... لازم تكون في قاعدة محفورة في راس البنت انه الجوال ممنوع يتصور فيه ولا صورة ... وهي انتي شوفي شو صار فيكِ علشان الإستهتار .. الله يكون بعونك وتلاقي الجوال وتتعلمي من هالدس انتي وغيرك .. بيعين الله ... |
لاحول ولا قوة الا با الله
اتمنى تكون هذه رسالة الى كل بنت تحب تحافظ على سمعتها الله يهدينا ويصلح حالنا الحرص زين ياجماعه ,, وكل لازم تفكر مليون مره قبل لا تصور نفسها انا حصلت لي نفس المشكله مره من المرات لقيت جوال با الشارع ولما فتحته لقيت فيه صور حريم وبنات لكن الحمد لله رجعته لصحابها لو طاحت هذه الصور بيد الي ما يخافون ربهم شو راح يصير الله يستر علينا بس |
| الساعة الآن 09:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©