|
أعذاري الغير مقصودة للبعد عن خطيبتي وأهلها !
السلام عليكم
كيف الحال ياجماعه عساكم بخير .؟ والله حبيت اقول مشكلتي وياليت فيه حل لاني ماعرفت شنو الي يصير .. انا طبعآ متملك صار لي4 شهور ع ماظن المهم كنا اول ايام يعني شهرين كل شي تمام وف الاسبوع مرتين ازورها واقعد معها واسولف وف التلفون كل يوم اكلمها بس بعد الشهرين مادري شصار فيني .!؟ لما يجيبون طاري بيتهم اتهرب مابي اروح حتى لما تقول الوالد وديني ادور اي عذر مع اني مب قاصد بس مادري شلون ؟ ومن داخلي مشتاق لها وربي بس لما ابي اروح البيت ماقدر كانه احد مسوي حآجز بينآ هذا فيه علامة استفهام ومب قادر افهم ليش .!؟ كل ماقالو اهلي خلنا نروح قلت لهم اعذار ولما جات بيتنا اهي تميت اتهرب واطلع من البيت ولما ماتجي بيتنا استانس < مادري شسالفه والله ؟ مع اني اول لما تجي بشوق اقابلها واستانس لدرجه كبيره شنو الحل ياناس اخاف احد مسوي فينا شي ؟ |
بسم الله عليكم
والله مآدري بس كل شي جآيز هآلآيآم الله يحفظنآ من كل شر بس من جد حآلتك مو تبيعيه شوف لـ نفسك حل حرآم البنت وش ذنبهآ |
وعليكم السلام ورحمة الله وبركاته ..
أخي الفاضل .. أود أن أسألك بعض الأسئلة لعلنا نصل إلى علاج : * هل داهمك هذا الشعور لأول مرة في حالة انفرادية بينك وبين نفسك أم أنه تولد بعد مكالمة أو زيارة مثلا ؟ * وهل اعتراك هذا الشعور بشكل عفوي وتلقائي أم أنه انتابك بعد تصرف من خطيبتك ضايقك بعض الشيء ولم تستطع نسيانه ؟ * هل مواصفات خطيبتك مناسبة لما كنت تطمح إليه في شريكة حياتك ؟ وهل أنت راض عنها شكلا وسلوكا ؟ * هل أنت ملول بطبعك ؟ بمعنى أنك تمل الأشياء بعد أن تعتاد عليها ويسبب لك ذلك نفورا منها .. وللعلم أن حالتك ليست بالغريبة فبعض الأزواج في هذه المرحلة تصيبهم حالة فتور والشعور بشيء من الإعراض وعدم الإقبال على الطرف الآخر .. احرص على الأذكار وحصن نفسك وزوجك بها ولا تتحدث كثيرا بما يدور بينكما أصلح الله حالك ، ووفقك لكل خير .. |
اذكر ربك ياخوي ..
وانا نحن ننتظرك ان تجيب على اسئلة الاستاذ ( شاطئ المحبه ) لانها اسئلة مهمه جداُ |
وينك يافارس قطر لعلك تجيب على اسئله الاستاذ شاطيء المحبة
ونحل مشكلتك باذن الله |
ننتظر اجابتك ....
|
اقتباس:
تسلم يالغالي واسف ع التآخير .. الاشغال وانا اخوك ماتخلص وللحين الحاله ماكلمها .! ولا ادري شنو السب .! |
| الساعة الآن 12:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©