|
المساعدات اللي يحصل عليها الشاب للزواج
مساكم الله بالخير حاب اسأل عن المساعدات اللي يحصل عليها الشاب لما يبي يتزوج انا اعرف ان بنك التسليف يعطى 45 الف تقسط عليه ب 400 ريال شهرياً وكذلك جمعية الزواج 8 الالف ريال انا ابي اعرف ايش كماااان يحصل عليها المتزوج من مساعدات ؟؟ |
اعتقد جمعية الشيخ بن باز تصرف مبلغ بس ماني متأكد كم واذا كنت موظف مادري وش القطاع حقك لكن عندنا فيه حاجة اسمها قرض زواج يعطونك حتى 18 راتب وبدون نسبة والاقصاد 1000 ريال شهريا لكن لازم خدمتك تكون فوق خمس سنوات وراتبك فوق 4000 ويصرف لك متى ما جبت العقد..
لكن اخوي نصيحة ,. حاول ما تغرق نفسك بالديون واحسب كم يصفى من الراتب بعد القروض علشان تعيش حياتك مرتاح فجب ورقه وقلم وآلة حاسبة واحسب كم باستطاعتك تعيش في الشهر من مصروف وغيره واحسب الحد الأدنى للمصاريف وزد عليها الف ريال ومابقى يصير يروح للقروض بالتوفيق ان شاء الله |
راح اجيب على اسئلتك بشكل كافي ان شاء الله
( قرض الزواج من بنك التسليف ) يعطونك 45 الف ريــال .. بس المشكله ان مواعيدهم بعيدة جداُ تصل الى حد سنتين او سنه ونصف .. فلا تعتمد عليها لانها بعيده جداُ ( الجمعيه الخيريه لمساعدة الشباب على الزواج ) يعطونك 14 الف ( 4 الاف هدية ) و ( 10 الاف ) تقسطها بمبلغ 300 ريال كل شهر ( جمعية ابن باز فقط لسكان اهل الرياض ) انا اعطيك خطة حلوه .. حدد وقت الزواج ,, مثلاُ على مدى 8 اشهر جمع من راتبك قدر ماتستطيع مثلا 4 الاف شهرياُ في خلال 8 اشهر راح يكون عندك 32 الف . زيد عليها مبلغ الجمعيه راح يكون عندك ( 44 الف ) هذه ان شاء الله تزوجك بالراحه + حق الايجار + بعض الاثاث وليس كامل وكن واقعي ,, مد رجولك على قدر لحافك .. يعني لا تروح قاعة بـ 25 الف ,, ترى مرررررره كثير لانه وراك عشاء .. وراك شهر عسل .. وراك اشياء كثير سدد و قارب .. اجعل لك مبلغ مايقارب الـ 10 الاف بعد الزواج تروحوا انت وياها سوا ( ماليزيا ) في برنامج شهر العسل لمدة 12 يوم لا تبني حياتك على مجتمعك لانك راح تتعب كثير اتخذ قرارك و شاور من تثق في رأيه وامشي على خطة معينه |
هلآ يالغالي
لآ تضغط على نفسك من اول حياتك وتدخل بمتاهات مالها مخرج الدين كسر ظهر اسئلني لي 3 سنوات خاطب ولا قدرت اتزوج بسبب ذا الديون حاول انك ترتب وضعك وتشوف قدرتك الماديه وصدقني الزواج يتيسر باذن الله وحاول تبدأ حياتك شوي شوي الاهم فالاهم الله يسهل امورك يالغالي |
اذا هذا صحيح
اذا كان ما يقدم صحيح فياريتنا معكم
نحن نتزوج من انفسنا والله وحده المعين |
سجل في الزواج الجماعي اللي بأمارة المنطقة اللي انت فيها
لانهم بيعطونك اعانة مادية +أثاث شقة وفقك الله |
| الساعة الآن 10:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©