|
زوجي يقول ابنتك لن تحيك عندما تكبر ...
ما ادري موضوع يستحق الكتابه هنا ام لا لا اعلم ولا ادري ان كان زوجي يعتقد انها ابنتي ام ابنته فقط تخيلتو ................ اليوم وانا رايحه لبيت اهلي زوجي جالس يشرح العلاقه بيني وبين بنتي طلع محلل العيله ركبت السياره وانا اقوله شفت مجد كبت زيت الزيتون وراح نصه في الارض اتفاجئ يقول انا اصلا عندي احساس راح يصير لها شيئ هالبنت احساس يقول تذكرين يوم كنتي حامل قلت لك راح يصير شيئ لهالحمل وفعلا ولدتي بالسادس ولاده مبكره وبعدها سكت شوي وجات الدفعه الثانيه من كلامه انا احس ان بنتك ماراح تحبك لما تكبر قلت ايه راح تحبك انت اكثر لانك انت الي ترضعها وانت الي تسبحها وانت الي تنومها وهي كله جالسه عندك ... وانا مالي اي دور .. قال بذكرك انتي ماتحضنينها يعني انا لو بغيت احضنها مره ثاني لازم يكون جنبي عشان يشوف على الرغم والله اني احضنها حتى قدامه مو تمثيل عشانه بس سبحان الله على علاقه الام بطفلها واقوله احيانا حتى لو كانت مجد نايمه اقوله اشتقت لها ودي اجلسها واحببها ... ادري موضوع لا يستحق الكتابه بس والله مو داريه شحال هالرجال وتحليله ... قهرني كلامه |
ماأدري والله ايش اقولك
بس احيانا الواحد يحكم على اللي يشوفه بس فهو طول ماهو بالدوام مابيشعر باللي صاير بالبيت فيحكم على الفترة اللي يكون فيها معاكم و قد تكون قصيرة فيراك تنتقديها او لا تحضنينها كثيرا . فيحكم على هذا فقط زوجي احيانا يقول انت ماتعطين بنتك وجه كثير!!! رغم ان دوامه طويل جدا و ابنتي لم تدخل الروضة فألعب معها و ادرسها و نتعلم الحروف و الأرقام و اشاهد الكرتون معها و كل شي تريده و لما يرجع اجلس معه فنحن نتكلم تقاطعتا بالنص فأقول لها دعيني اكمل كلامي ثم قولي ماتشاءين و عندما انتهي اسألها عن ما تريد يعني ادعها تعبر لكن تحترم الحديث بيننا و ما أسفهها وزوجي معترض على الطريقة فيقول دعيها تتكلم كيف ماتريد و متى تريد لاعليك ما دمتي انك تحبينها فلا احد سيحدد او يعرف مقدار حبك لها إلا قلبك |
راح تحب الصح
قوليله بس تكبر راح تميز ولما تصبح مميزه راح تحب الصح
|
حتى زوجي يقولها احيانا
يقول اكسبيه وحبيه اكثر واهتمي اكثر وسمعيه كلام حلو اكثر ووووووووو مدري شسوي اكثر؟ قولي له ايش حاسس كمان الظاهر عندك رؤيه مستقبليه واضحه ماشاء الله وين شايف حتوصل في وظيفتك؟ شايف ترقيه جايه ؟ شايف راتب يرتفع؟ شايف بيت جديد مستقبلا ؟؟؟؟ انا منك والله لأقولها خليه ينشغل في نفسه بدل التعليقات وتبغين تسكتينه مررررررررره قولي انت لو مافاولت علينا كان البنت ماصار لها شي خلاص لاعاد تفاول علينا كفايه انها جت في السادس من تشاؤمك ( هذا اسلوبي ... مدري اذا يناسبك) |
طبعا اكيد ان الزوج سيتكلم بهذه الطريقة ويقول ما يتستفز الزوجة لأن الأب يتعامل مع ابنته معاملة قد لا يراها في زوجته مع ابنته ويرى انها مقصرة في حسن التعامل مع البنت وقد تكون الام افضل تعامل وبفرق كبير لكن تبقى تلك النظرة بعين الزوج وهي تقصير الزوجة مع أبنتها واتوقع ان هذه المشكلة تقع لدى اغلب الاباء المبالغين في حب ودلال بناتهم الله يكون بعونك |
هي حاجة من اثنين ..
ان زوجك يمزح معاك ويبغى ينقز بلوفك ( تنفيز البلوف ) مصطلح حجازي بمعنى ( يرفع ضغطك ) او انه ماخذ مقلب في احدى حواسه ويعتقد ام لدية الحاسه السادسه وبقوه ------------------------------------------ الاسباب / هي ماهي مشكلة بقدر ماهو شي ذهن زوجك وهي مرحلة وتروح مثل اي مرحلة تجي للواحد ويفكر في شي معين العلاج / التطنيش .. يعني خذي الامر هذا بداعي المزح و الوناسه كل ماقال شي قولي ( الله اكبر ياللي تعرف مافي الغيب ) واذا قال احس قولي ( تكفى ياحساسات الكامري ) واذا قال اعتقد قولي ( اخس يافيثا غورس ) بس قوليها و انتي مبتسمه عشان وقتها يحس انه كلامه في الناحية هذه مالها قيمة عندك ووقها يمكن يبدأ يحس انه لو قال الكلام هذا راح يجيه ( محش على الطاير ) وانا اعتقد ان زوجك يمزح معاك لا اقل و لا اكثر ركزي اكثر على الايجابيات .. وشوفي الاشياء الحلوه اللي فيه عشان ترتاحي .. انا اشوف ان هذه مو مشكلة تستحق فتح موضوع لها <<< متعودين على المضاربه و الفرعه و الدخول للصلح .. و اسالة الدماء الى الركب :30: |
ولا تشيلين هم له
بصراحة في بعض الرجال يحب يقهر زوجته باي طريقة اعتبريه ماقال شيء ولا تديري بالك لكلامه هذا |
اقتباس:
اصلا هي من هالحين اذا كنا في السياره تبغيني اكثر وهذا اكبر دليل انها تحبني اكثر منه ليتني قلت له مشكوره ... |
اقتباس:
زين يعني مو بس زوجي يتهمني بالتقصير وبعدين فعلا زوجي ثلاث ارباع يومه بره وجالس يتفلسف على بتحبك وموحابتك هذا اللي قهرني اكثر يعني بيفكر هي على الاقل ربع اليوم عنده انا رديت عليه قلت له اني انا مو مجبوره اني احبها طبعا انا اموت فيها بس هي مجبوره تحبني انا امها قال ايه بعد انتي مثل حريم اول ....!! عموما فعلا انا ماراح يهمني كلامه بس حبيت اكتب جزء من حوار يدور بيننا ويمكن لانها اول بنت جالس يطلع الابوه علينا ... |
اقتباس:
يحليلك كلامه فعلا يضحك بس فاتني ارد عليه مثل كذا الايام جايه وفعلا من كلامه حسيت انه بيفاول على بنتي بعد بعمرها جايه في السادس ... |
| الساعة الآن 08:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©