|
أروح أشوفها (النظرة الشرعية) وإلا أعتذر ؟
السلام عليكم
خطبت الخميس اللي راح من عائلة كريمة وفاضلة ورحبوا بي جدًا وأكرموني وتكلمت مع أبوها عن الموصفات الشكلية التي أريدها في الزوجة فكانت المفاجأة أنها غير مواصفات اللي ببنته (حسب كلام أبوها) فخرجت من عندهم وأنا مبيت النية أني أدور غيرها يوم رجعت البيت وبديت أقلب كلام أبوها في راسي ,, فتغيرت شوي نظرتي . والآن أنا محتار أروح أشوفها عشان أقطع الشك باليقين بالموفقة أو الرفض أفيدوني ,, |
شوفها ..
انما الارواح جنود مجنده ما تآلف منها ائتلف صدقني ليس الشكل هو كل شي صحيح انه معيار وان الزوجه الجميله رغبة الجميع ولكن .. بما ان اهلها طيبين و اكرموك .. وبما ان ابوها اعبجك كلامه فأنت اجتزت الـ 60 % من الموافقه لان اهل الزوجه هم الراحه بعد زواجك لو كانوا يحبونك راح تجد كل الخير و الجود منهم توكل على الله .. قد تعجبك البنت الى درجة التعلق بها (( لا يكون الظاهر هو كل شي بالنسبه لك )) ابتسامه |
مثل ما قالك اخوي مستر سمايل
ربما تتغير نظرتك للبنت من مجرد شوفتك لها بالنسبه لي انا خاطب قريبه لي وشكلها غير عن رغبتي ولكن اقتنعت بحمد من الله اهم شيء اخلاق البنت استخر وتوكل على الله موفق يالغالي |
اخوي الله يوفقك ان شالله لما فيه الخير
بالعكس روح لانه يمكن مافيها المواصفات اللي تبيها لكن من النظر اليها ترتاح نفسيا وهي بعد وتشوف فيها شي يعلقك بها والعكس صحيح ممكن ابوها يقولك فيها كل اللي تبي ولما تشوفها وواثق ماترتاح نفسيا لها وتكش صدقني النظره الشرعيه مهمه جدا وكل شي بالاخر قسمه ونصيب اذا مو مكتوب لها محد راح يجبرك على شي |
انظر اليها
انصحك اخي ان تذهب وتشاهدها وتجلس معها وتحاورها ايضا بوجود محرم
فقد تشاهد منها ما يسرك او تكرهه كما يمكن ان تجد فيها عيبا واضحا او تجد في كلامها رشد فالزواج لا يحكم عليه بالنقل |
روح وتوكل على الله واترك المواصفات اللي تريدها صدقني يمكن المواصفات اللي تريدها تكون سبب دمار حياتك
اعقلها وتوكل وقبل ماتروح استعد نفسيا للنظرة واترك شروطك على جنب الله يوفقك |
اقتباس:
لا اخوي روح شوفـهـا واقـطع الشك باليقيـن فـرفضـك لها بشوفـة شرعيـة بريـحـك لو رفضتها بدون ما تراهـا.... هـذا بـتـعـرف أثـره بـعدين لو تقدمت لغيـرهـا ....؟؟؟؟!!!!! وحـتـى تقـطع على الشيطان اي وسيلة ليـبـث الحـزن والقلق بنفسك إذا ما رأيتـها واعتذرت عن الرؤيـة.... ولعـل نفسك ترتـاح لها وتـكـون هـي شريـكـة العـمـر ... وكلم أبـوهـا واسعـى للنظرة الشرعيـة والله يـرزقـك الزوجـة الصـالحـة .... عزوبي:21: بس:d رجل:30: |
مثل ما قالوا روح شوفها حتى ترتاح لقرارك بعدها
والله يوفقك ويتمم بخير يااااارب |
اذهب لرويتها بدون اي تردد هذا سيساعدك على ان تتخذ القرار الصحيح لا يجوز ان تتركها لاجل الجمال الخارجي الجمال الداخلي هو اسمى واعلى من الجمال الخارجي ف الاخير انت ستحتاج لها كزوجه لك وليس كعارضة ازياء الله يوفقك اخوي والله يكتبلك الي فيه الحير |
الله يكتبلك مافيه الخير ياما شباب زيك بس بعد النظرة الشرعيه ارتاحوا والله وفقهم
الله يسهل امورك |
| الساعة الآن 05:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©