تعبانه و حاملة المسؤولية وحدي
 

السلام عليكم ورحمة الله وبركاته
طرحت هالموضوع من التعب والقهر اللي فيني كل شي على راسي وزوجي مرتاح اخر راحه انه الخادمه والمدرسه والممرضه و...........الخ وهو مريح روحه مابي يشيل عني المسؤوليه بس يشاركني فيها على الاقل تعبت وانه حامل وصرت بشهوري الاخيرة وابتدى الثقل وكل شي فوق راسي لدرجة اني من احط راسي على المخده على طووول انام من التعب وهو يومه معروف يرجع من الشغل ينام بعدين يدخل النت يلعب وبعدين يطلع يونس روحه ويي اخر الليل مادري شالحل تعبانه والله تعبانه واليهال كاسرين خاطري اليوم قعدت اصارخ عليهم على اقل سبب ويوم نامو عورو قلبي حسيت اني قاسيةعليهم بدون ذنب غير انهم اطفال وطبيعي اللي يسونه آسفة يمكن تجوفون الموضوع تافه بس ما كتبته الا من التعب والقهر اللي فيني

للاسف ان حالتنا الماديه ما تسمح لنا ان نجيب خادمه وشكرا على النصيحه

طيب يا اختي ليش ماتكلميه بالحسنى
قوليله ابغى اكلمك بموضوع وقولي له كل شي بتحسيه

اشرحي له انك تعبانه .. وبنفس الوقت انتبهي تقولي له ان انت ولا على بالك او اي كلام ممكن يخليه يتنرفز ويزعل ويبطل يسمعك وتزيد حالتك سوء ..

قوليله انك تحتاجيه يساعدك شوي عشانك حامل .. وانك كمان تحتاجيه بجنبك يساندك خصوصاً بهالفترة .. وانك ماتمانعي يشوف اصحابه لكن يعطيكي كمان وقت ويهتم فيكي ويجلس معاكي ..

حسسيه انك بجد بجد محتاااااجه له .. وبإذن الله يكون لكلامك وقع جميل بقلبه ويكون مثل ماتتمني واكثر =)

حاولي تخلي يشارك بانك تسوي حالك تعبانة ماتقدرين تقومي من الفرشة حاسة بحالك بتولدي اي كدبة ترعبوا وايد بيتحرك وبحس فيك وفي تعبك الله يقومك بالسلامة

الله يعينك هذا حــــــــال الرجال هالايام الامن رحم ربي !! اجل موسع صدره ع النت وانتي اكله الهم والتعب

صاااااااااااارحيه قولي له يجلس ع النت مو مشكله بس بحدود مو طول الوقت لين يدوخ وينام وكل يوم ع هالحال!! مو حياه خليه يشوف حياته وعياله

اختي صارحيه !! الحل الوحيد

الله يفرج همك

جزاك الله خير اختي حبيبة حمودي تعبت وانه اشرح له بس سبقتج وقلت له ان انت ولا على البال ولا كانهم عيالك وكاني جايبتهم بروحي وقلت له اني لما اولد باخليهم عنده وباروح بيت اهلي نقااااااااااهه وكيفه يتصرف معاهم بس الصراحه ماباسويها :o مجرد تهديد

فكرة جيدة ام لؤي:dبس صدقيني لما امرض ما تصورين شكل المكان شلون يصير ليمن اطيب واقوم اشتغل بروحي :(

جزاك الله خير اختي حناني تعداني كلامك على العين والراس بس مثل ما يقولون لا حياة لمن تنادي ولكن لاحياة مع اليأس نرد نعيد الموضوع