|
هذي نصيحتي لكم , وعن تجربة
قريتوا عنوان موضوعي صح؟ طيب الحين جالسين تتسالون وش السالفه. ادري ادري:d السالفه ياحبيباتي واقصد كل اللي ضايق صدروهم تطلقنا ماتزوجنا كبرنا بالعمر وخير ياطير اصلا" اصلا" اصلا" من قال انا نحتاجهم!!!!(هالرجال) اجزم لكم انا وانتوا مرتاحين هنا بقسمنا اكثر من الكثير الكثير(روحوا قسم المتزوجين:23: وهذا اثباتي) اولا" واخرا" اكيد لازم نشغل انفسنا بذكر الله والدعاء( نشبع ارواحنا بالقرب من الله) ويعديـــــن جينا لبعدين غيري لوكك سوي مثلي انا. لما تتعب نفسيتي من اي شي بهالدنيا وياكثرها نقدر نتخيلها. سوي شي مجنون شي مافكرتي تسوينه بنفسك قبل غيري لوكك غيري من مظهرك (لا مااقصد روحي سوي عملية تجميل لا لا) قصي شعرك..غيري لونه سوي شوبينق تسوقي اشتري لك حاجه اهدي لنفس حاجه اي حاجه لو عطر غيري من نفسك والله عن تجربه طلعت او شبه طلعت من مشكلتي وسويتلي لوك جديد والله وعن تجربه راح تشعرين بثقه غريبه عجيبه ههههههههههه وصايره كل مااناظر بالمرايه اقول هو الخسران:25: طيب سوينا نيو لوك كمان في شي ثاني حابه اقولكم عليه الشنطه وماادراك ماالشنطه؟؟ لو افتح اي شنطه من شنطك اعرف وش بلقى!! طيب ابيك تضيفين شيئين لهالشنطه..انا مااقدر اطلع من البت الا فيهم كتاب ومسبحه لازميهم خليهم دايم بشنطتك متوظفه وكان عندك بريك وجالسين هالحريم يشكون ويبكون من رجالهم طلعي صديقك طلعي كتابك طلعي مسبحتك وسبحي واستغفري او طلعتي مشوار طويل وشايله هم هالمشوار مري خذيلك كوفي/ لاتيه اي شي دلعي نفسك وطلعي كتابك وانسي هالعالم اقري ثقفي نفسك تواصلي مع عقلك يله كلها ايام يمكن شهور يمكن سنين يمكن وننتقل باذن الله لقسم المتزوجين لكن هالمره نقلتنا لازم تكون صح(اي بزوج صالح يخاف الله فينا ونعيش بموده رحمه وسكينه معاه) اذا" بهالفتره خلونا نستمتع بهالوحده ننمي انفسنا نتثقف ونستمتع بالحياه لاحقين على :11: وهمهم والله لاحقين |
إيه خليك كذا متفائلة و قوية :22:
تعجبيني يا شيخة :) الله يرزقك الزوج الصالح اللي يسعدك و يقدرك و ينسيك كل همومك و أحزانك |
اقتباس:
يافديت جده كلها (ياشيخه) ...... |
والله معاك كل الحق ياختي انا على لمن اتضايق اروح الصالون ادلع نفسي ولا لي باحد اغير شكلي عشان نفسيتي تتغير والسوق مع نزول الراتب غير وعلى قول صديقاتي اهلا بالعوده للعزوبيه والله انها غير حريه ولا حولك احد
الله يوفقك ويجعل السعاده دوم طريقك ونبيكي كدا ماتدري الله وش كاتبلك عنده |
اقتباس:
حبيبتي انتي معاكم ولكم انتوا اهلي وهاذا بيتي وراح نقوي انفسنا بمحبتنا لبعض |
اقتباس:
ندى ... للاسف مدري وش اقولك بس بتكلم عن نفسي واتمنى تتفهميني ونفهمي مداخلتي .. وتعرفي مكانتك بقلبي والله اني اغليكي في موضوع كان للعضوة كنافة كذابة اغلب ردودة كانت لبنات لما يسبق لهم الزواج وانا منهم الان بديتي تطبقين نفس الشي الي كنا ننزعج منة . لانك تزوجتي وجربتي وعانيتي يمكن لو ماتطلقتي بتقولين ياحلو الزواج والاستقرار لكن حصل معك العكس فبديتي تقولين مثل مانسمع من الكل وش تبغين فية ؟ والزواج هم وعم ياحلاتك ببيت اهلك لا ياندى مو الكل مثلك اسمحي لي , ولا الكل مثل طليقك ,, صح هذي وجهة نظرك لكن ايضا وجهة نظر كل البنات ان الزواج استقرار ومهما كان مشاكلة فالاختلاف بين البشر موجود مو كل اصابعنا سوى. ولي ملاحظة اتمنى تتقبليها مني برحابة صدر ندى انتي قبل لاتتطلقي وقبل لايروح طليقك للمحكمة كانت اغلب ردودك ان الله بيعوضني وبيرزقني كانت اغلب ردودك واااااااااااثقة انك بتلاقي وان خطابك كثير . كنت اقول بنفسي هذا وللان ندى ماتطلقت ؟؟؟؟؟؟؟؟ وهي تفكر باانها بتتزوج وانها ستجد الزوج الاخر. انا حسيت وقتها ان تفكيرك كان مرة صعب . علي ذمتة ؟ وتفكيرك انة بتلاقي بعدة كثير . http://www.66n.com/forums/images/icons/icon7.gif والان تقولين من قال نحتاجهم ؟؟؟:30: الله يوفقك وتمرين هالفترة وانتي بخير . واتمنى مداخلتي مازعجتك فوالله عانيت كثير ومع اني ماعرفك بس طلاقك زعلت فية عليك وتالمت لة . احساس .. |
يعطيك العافيه
انا عن نفسي مدلعتها على الاخر وفكره السبحه حلوه على الاقل نقضي وقتنا بشي مفيد اما النيو لك وتغيير الشكل انا ماكنت مهتمه بس قبل اسبوع قصيت وصبغت بالصدفه واختي اقنعتني وفرحت بشكلي الجديد واستاسع صدري وحسيت انه فعلا لابد من التغيير يعطيك العافيه ويرزقك بالزوج الصالح |
احساس عمري حبيبتي انتي انا مالي اعتراض على مداخلتك وانا ماقلت الزواج شين وماقلت لا للاستقرار والزواج انا قلت بما معناه احنا كذا مرتاحين ليش نستعجل امورنا ليش تفكر ونتعب هالتفكير ليش نقول حياتنا مو مثل فلانه وعلانه ليش ما نصبر واكيد معنا الله وهو حبيبي وحبيبك وهو ادرى ماتطلقت الا لامر كنت اجهله ماتاخرتي عن الزواج الا لامر كنتي تجهلينه املي ولازم يكون املك بالله كبير سبحانه مااعظمه راح يجي هاليوم صدقيني راح جي هاليوم اللي نتمناه( زوج بيت حب استقرار بطاعت الله) لا ياعيوني مو كذا خليك انتي قويه خليك متامله وحطي فبالك راح تتزوجين اختم قولي وسبحان الله توني واصله لهالفقره من كتاب شيخنا الغالي عايض القرني لا تحـــــزن حبيبتي اهديك هالمقتطفات اقبليها. ((اصنع من الليمون شرابا" حلو)) الذكي الاريب يحول الخسائر الى ارباح والجاهل الرعيد يجعل المصيبة مصيبتين. اذا داهمتك داهيه, فانظر من الجانب المشرق منها, واذا ناولك احدهم كوب ليمون فاضف اليه حفنه من السكر واذا اهدي لك ثعبانا" فخذ جلده الثمين واترك باقيه. اذا لدغك عقرب فاعلم انه مصل واق ومناعه حصينه ضد سم الحيوانات. تكيف في ظرفك القاسي لتخرج لنا منه زهرا" ووردا" وياسمينا" {وعسى ان تكرهوا شيئا" وهو خير لكم} سجنت فرنسا قبل ثورتها العارمهمجيدين(متفائلا" ومتشائما")فاخرجا راسيهما من النافذة السجن,فاما المتفائل فنظر نظره في النجوم فضحك,واما المتشائم فنظر الى الطين في الشارع المجاور فبكى.انظر الى الوجه الاخر للمساة لان الشر المحض ليس موجودا",بل هناك خير ومكسب وفتح واجر. {أمّن يجيب المضطر إذا دعاه} من الذي يفزع اليه المكروب ويستغيث به المنكوب وتصمد اليه الكائنات وتساله المخلوقات وتلهج بذكره الالسن وتؤلهه القلوب؟ انه الله لا ال الا هو. وحق علي وعليك ان ندعوه في الشده والرخاء, والسراء والضراء,ونفزع اليه في الملمات ونتوسل اليه في الكربات وننطرح على عتبات بابه سائلين باكين ضارعين منيبين. حينها ياتي مدده ويصل عونه ويسرع فرجه ويحل فتحه.فينجي الغريب. ويرد الغائب.ويعافي المبتلى وينصر المظلوم.ويهدي الضال.ويشفى المريض.ويفرج عن الكروب. انتهى ((وهذا سر قوة ندى..هذا الكتاب ارجوووووووووووكم اقروه وراح تفهمون ليش هالتفائل اللي اجده في قلبي)) صدقيني العريس بيجي تلقينه بمخرج 10 يلف ويدور يبي يلقى بيتكم اصبري تفائلي وحركي الســــكر ياسكر |
ندى لايكون قاريه افكاري :D
وش دراك اني بقص شعري واصبغه ادعي لي تضبط الصبغه والقصة بعد فعلآ الشكل الجديد يعطيك ثقة بنفسك اكثر هذا غير ان اللي بيشوفك بيعرف ان نفسيتك مرتاحه وانك الحمدلله عايشة الدنياطول بعرض ومتوكله على الحي اللي مايموت يالله اوافيكم بالنتائج :D |
اقتباس:
حبيبتي انتي اولا" وحشتيني وبوسي لي بنتك الله يخليها لك ثانيا" شكلنا انا وياك ساكنين بنفس المنطقه لازم تروحين لمكان يفهمون بالقص والصبغ عشان تصير النيو لوك:22:كــــــذا يله العيد جاي وماتدرين وش يجيب معاه الله يوفقك باللي تتمنين واولاهم النيو لك |
| الساعة الآن 11:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©