|
ماذا أفعل لكي أجعل حياتي سعيدة ؟؟
أنا متزوجة منذ 10 سنوات وتزوجت عن حب طويل وعميق جدا مثل روميو وجوليت مشكلتي هي أنه بعد الزواج تغيرت علاقتي بزوجي وهو اللي تغيير هو يحبني لحد الآن بس أنا ساعات أحبه وساعات بديت أكرهة لأنه أنا ما مرتاحة لايهتم فيني لا يهتم بعيالي لايهتم ببيته ولا بمشاعرنة أهم شي نفسه وعندما يريد العلاقة الحميمة يصير أحسن واحد بالعالم كله
ومن ناحيتي أنا شابة بالعشرينات وجميلة جدا هذا مو غرور بس للعلم ومهتمة بنفسي ورشيقة ومهتمة ببيتي وفيه عندي ميزات كثيرة داتخليني أفكر و أقول وأنا إلى متى أصبر وليه أصبر ؟؟ ومن أتذكر حبنة أكول حسافة يروح ماعرف شأسوي شلون أخليه يصير عنده أحساس ويبطل الأنانية وحب نفسه ؟؟؟ مشكورين |
الحين حب روميو و جوليت وفي الاخير يصير بينكم كذا ..
طيب .. انا عندي فكره :) اجلسي يوم وتذكري كل الايام الحلوه التي مضت بينكم وكيف كان الحب معاكم .. تذكري قلت زوجك وتضحياته السابقه اختي انتي ماتكرهينه ( لان اللي يحب مايكره ) بس انتي عندك فتوووور من ناحية الحب يعني ودي اشبك بطارية سيارتي في ( حبكم ) بسلك الاشتراك واعطيكم نبضه كهربائيه تعيد حبكم .. :16: انتي تحتاجين لانك تجددي حبك لزوجك ( سفريه حلوه ) او ( يوم رومانسي مخصص بينكم ) يعني توجد مليون فكره وفكره .. والا انتي اكيد تحبينه موت .. واكبر دليل ( لو مات زوجك لا سمح الله ) ابش راح يكون موقفك (( صح اني دايخ في التمثيل وراح تقولي )) وجع وش هالتشبيه <<< ماعليه ياما اكلت كلام على راسي بس انا اقصد انك مازلتي تحبيه .. يعني 10 سنوات وبينكم علاقة حب قوية .. وفي الاخير تقولي بديتي تحسي <<< والله ماينعرف لكم يالحريم ^^^ اسلوب جلد الذات :11: اختي .. هذا يمكن الشيطان يريد ان يفرق بينكم <<< اقرب مثال عشان اعطي الفرصه لغيري :d والسلام خير ختام |
شكرا مستر على الرد
هو هذا اللي ملوع جبدي أنه في حب وحنة تجي أيام تكون رهيييييبة وحلوة مرة بس تجي أوقات أحس بالتعاسة وآنا نسيت أقول نقطة مهمة أنه هو عصبي ومن يصير عصبي يفقد ويمد أيده ويكسر ويتلفظ بكلام مو حلو وهذا الشي أكرهة موت |
اختي مافيه سعاده ابديه
لابد من يوم كدر علشان تحسي بيوم الفرح بعده ولو كنتوا على وتيره واحده من تزوجتوا لقلنا انكم ملائكه حاولي تشغلي نفسك باي شئ وابعدي عن زوجك حتى وانتي معه في البيت خليه يشتاق لك ويبحث عنك بالتوفيق |
اقتباس:
معليش أختي ترى الحياة الزوجية مو كلها حب وغزل ..في الحلوة وفي المرة.. وبعدين بالنسبة للأشياء اللي تظايقك منه بيني له مدام يحبك.. صدقيني راح يتغير عشان غلاوتك عنده.. بس يكون بأسلوب حلو وعتاب محب.. لكن ما أستسغت قضية تزوجتي عن حب طويـــــــــل وعميق.. بعدين 10 سنين زواج.. وللحين أنتي بالعشرينات؟؟؟؟؟:d |
اقتباس:
نفس الملاحظه وربي:d المه اختي الله يوفق ويهنيك مع زوجك وقولي الحمدالله ماعندك مشاااكل غيرك يتمنى ربع اللي عندك خليك قنوعه:) لله يديم الود بينكم يارب |
احسنوا الظن ياجماعة
هي قصدها ممكن تزوجت وعليها 18 و الان عمرها 28 يعني في العشرينات لسى .. فهمتوا قصدي ؟ بعدين تاركين كل القصه ووقفت على موضوع العمر هههههههههه .. ولله انكم رهيبين |
هههههههههههههه صحكتوني واني بهمي
بس مستر سمايل حلهة لكم صحيح تحجون بس قصدي الضرب والشتيمة والاذية ليش ؟؟؟ في أحد ثاني عانى من نفس المشكلة لو بس اني بهل الدنيا زوجهة يحبهة ويضربهة ويشتمهة ؟؟ |
يااختي الكريمة عنتر وعبلة وقيس ولبنى ورميو وجولييت لو تزوجوا لكان مصيرهم مثلكم تماااااااااااااااااام
لأن كل شيء ممنوع مرغوب وكل شيء بعيد عن اليد يحلى في العين ويتشوق الناس له ويحاولوا يبذلوا الغالي والرخيص علشان يحصلوا عليه علشان كذا كتبوا أشعار الغزل والهيام لأنهم محرومين من بعض ولو تزوجوا وصار كلاً منهم مع الثاني بيفقدوا ذلك الإشتياق والهيام وهذا شيء طبيعي لأنه صار ملكهم ويبدأو يعيشوا الحياة اليومية بحلوها ومرها وينشغلوا في الدنيا وعندها تبدأ المشاكل لأن كلاً منهم يظن أن الثاني تغير وراحت لوعة الحب وصار مايهتم بمشاعره ولا بأحاسيسه ويفضل نفسه عليه وهذا شيء طبيعـــــــــــــــــــي لا تقلقي أنتِ في نعمة عظيمة وعصبية زوجك تقدري تمتصيها بأن تسكتي وقت غضبه وبعد أن يهدأ وفي وقت راحة وروقان له اعطيه على رأسه:29: وبينعدل أما أنك تعانديه وتعاتبيه وهو زعلان معناه انك راح تصبي النار على البنزين وتولعي البيت حريقة تعوذي بالله من الشيطان واحمدي الله زوجك يحبك ولايخونك والزوجة الذكية هي من تشعل الحب والهيام في قلب زوجها من جديد ....لاأن تجلس وتندب حظها وتنكد على نفسها وعلى زوجها أنتِ في نعمة عظيمة احمدي الله عليها Mr.Smile والله انك اسم على مسمى الله يسعدك أنت وزوجتك ويهدي سركم. |
| الساعة الآن 01:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©