|
تذكرت حبي القديم وشعوري بعدم محبتي لخطيبتي
lربي يسعد مساكم ..انا بصراحه أشتركت لاني محتاااااااااار كثير ..
أنا شاب ابلغ من العمر28 سنه وتقدمت لخطبة فتاة من نفس حارتنا والعائلتين نعرف بعض ..انا البنت رأيتها مع أهلها جاية في محل من المحلات القريبه من حارتنا وانا اتواجد في هذا المحل بحكم أمتلاكي المحل ..المهم جذبت نظري باخلاقها وعيونها ممكن ..واعجبت فيها وقلت لاهلي تقدموا عشان يخطبونها لي..البنت عمرها 22سنه جميله ودلوعه وجامعيه ...وانا كنت متحمس لاتمام الخطوبه والملكه ..وبعد ماشفت صورها بعد الخطوبه المبدئيه أعجبت فيها ..وقلت ان شاء الله أحسنت الاختيار ..وفعلا تقدمنا رسميا وحصلت الملكه (عقد القران ) وسوينا حفله صغيره للخطوبه والشبكه .. وشفتها اول مره على الطبيعه ليلة الملكه والخطوبه وكانت جميله وكل شي تمام ..بعد 3 أسابيع تذكرت بنت كنت احبها من قبل حب جنوني ..بس فرقتنا الظروف وهي تزوجت الان .. وانا اقدمت على الخطوه هذي قصدي الخطبه وعزمي على الزواج لحاجتي كأي شاب او فتاه للزواج وأيضا لنسيان حبي القديم وذكرياتي ..في البدايه مشت الامور تمام ..بعدين تذكرت الحب القديم لاني كنت أحبها بجنون غير طبيعي لاكثر من سنتين ..ودوم احاول أنساها مو قادر ..المهم الحين انا بعد مرور 3 اسابيع فقط من عقد القران واحنا في فتره الخطوبه صرت أمل من خطيبيتي مع انها الصراحه تموت فيني ممكن اتضايق من قلة ثقافتها رغم انها جامعيه وطبعا 3 ارباع متخرجين الجامعه مو مثقفين بغير المقرر اللي يدرسونه ..مو مشكله هذي بعد ..خطيبتي جميله جدا مااقدر اقول فيها عيب بس انا بصراحة مو قادر احبها ..ودوم أجاملها مابي أحسسها اني متضايق وسارح في حبي القديم ..والله نفسيتي تعبانه صرت أتهرب منها وأكذب بعض الاحيان عشان مااكلمها لفترات طويله باليوم كأي مخطوبين جدد أو اطلع معها للنزهه خارج منزلهم ..بجد حالتي النفسيه تعبانه اهي ميته في حبي وأنا مأحس قلبي يفرفش لها ويطير فيها أذا أرادت تكلمني او تطلع معاي ... وخايف اقول اني أتركها والله ممكن تروح فيها لانها تعلقت فيني وحلوه حيل وأختارتني من اكثر من عشرة شبان تقدموا لها ..وخايف اكسر بخاطرها وأحطمها ..وتدرون البنت المطلقه عندنا بالمجتمع السعودي خصوصا والعربي بشكل عام مشكله كبيره ..خصوصا للبنت حتى لو كانت ملكة جمال ...الله يخليكم عطوني رايكم ..خصوصا انا متفقين على الزواج بعد 6 شهور .فقط .يعني مافي وقت لازم اخذ قرار قبل وقوع الفأس بالرأس .. .. |
ماتذكرت البنت الأولى إلا بعد الملكة هذا من وسوسة الشيطان لك
والحب وكل الأمور الطيبة تجي عقب الزواج وعلى فرض إنك ما إقتنعت بكلامي بالبساطه هذي تطلق ؟ عشانك مليت منها لهالدرجة الأمور سهله .. يعني بس العائق هو نظرة المجتمع للمطلقه ؟ عجيب أمركم والله الله يعين زوجتك ... |
شباب وصبايا اللي عنده نصيحه او شي مجرب يعطيني شوره ..بصراحه أنا أحس مااحبها
والمشكله مافيها عيب ...المشكله قلبيه وبس ..يعني لا اجد في قلبي هوى لها ..اخاف اني اقول احبها بعد الزواج وممكن يتغير هوى قلبي ..بس أخاف يكون بالعكس يزيد نفوري منها المشكله اني من النوع اللي مايعرف اقنع نفسي وقلبي انو بعدين بحبها ..شلون يعني بعدين بحبها ..اخاف بعد ليلة الدخله وممكن يجي طفل بعد ويصير الفراق الطلاق مصيبه أكبر ... |
اقتباس:
انا الحين اقولك خطيبتي مافيها شي يتعيب بالعكس كامله والكامل وجهه ..وانا لو ماعندي ذوق ولا احساس كان مافكرت فيها ..اقولك خايف اتركها تروح فيها او يجيها شي وتتحطم حياتها يعني انا مو سهل اني اخذ قراري مابي البنت تتألم ويتحطم مستقبلها بخصوص الخطبه من جديد او الزواج بالعكس لولا خوفي عليها لما ترددت هذا التردد فهمتني اخوي ولا لا بعدين مو بس على الحب القديم ..في ناس حبو وتزوجوا ..واختلفوا مع بعض وترك الزوجة الاولى او الخطيبة الاولي سمها ماشئت ..وحب وحده ثانيه وتزوج وعاش سعيد ..انا مو بس المشكله حبي القديم هذا ممكن تنساه لو حبيت من قلبك من جديد مو مشكله اهم شي انك تحب البنت اللي خطبتها فهمت علي ولا لا ....المشكله اني بجد ابي احب خطيبتي بس مو قادر ..فهمتني أخوي ولا لا ... |
بصراحة ..
مافهمت وش تبي طيب؟؟؟؟؟؟ حلوة . جميلة , تحبك . خلوقة وكل شي انت تقول فيها.؟ ماحبيتها .. كيف اجل خطبتها احس اني ملخبطة ومقهورة علي زوجتك الله يعينها انا دوم اقول لو مافي اتفاق قبل الزواج او بفترة الملكة الفراق افضل بكثيييييييييييييييييييير بعد مو بعد ماتنتهي تقول لا من الان افضل والله يصبرها وربي زعلت عليها :( |
اذكر الله بعد دا كلووووووو تبا تسيبها حرام عليك
الله يسهل امورك |
اقتباس:
الشباب يتقدم للخطبه على الامل ان يحبها مع الايام انا مو من هالنوعيه فهمتي علي ولا لا ..!! انا قلت لك ابي احبها بس القلب رافض ذلك فهمتي علي ولا لا ..!! البعض يقول الحب يجي مع العشره ولايام ..انا لااؤمن بهالمقوله كثيرا الا اذا كان نبي نتزوج مثل اكثر حالات الزواج في مجتمعنا السعودي والخليجي عشان العيال والجنس وبس ..!! |
يعني تذكرت حبك القدييييم اوكي!!!!
خليهااا تتطلق حبيبتك القديمه وترجعلك عايشه حياااتهااا ومرتااحه مع زوجهااا وانت هناااا تعذب نفسك ليش تستاااهل؟؟؟؟لا طبعااااا عيش حياااتك افرح ببنت النااااس وفرحهااا معاااك وربي اي غلط اي شي ربي يحاااسبك انتبه الله يوفقك راااح ارجعلك اعشي ولدي وراااجعه لك:) |
ليست كل البيوت تبنى على الحب
كم من محبين افترقا وانتهى حبهما مع أول عاصفة الم تفكر في ان محبوبتك السابقة"قد تزوجت وأصبحت لديها في عالم النسيان" اسعذ بالله من الشيطان الرجيم وتوكل على الله وتزوج اياك ان ترفس هذه النعمة برجل من بطر ثم تعض التراب ندما |
طيب يا اخي انت رافض اننا ننصحك بحكم تجاربنا ونقولك انه الحب الحقيقي بعد الزواج وما قبل ذلك كله اوهام وسراب
ومنت راضي تقتنع ! وش تبي ؟ تبينا نشد على يدك ونقولك اترك ابنت وخلك عايش كل حياتك بانتظار حب ينسيك حبك القديم ؟؟ اخي .. هذه ما هي إلا وساوس من الشيطان قوي ايمانك وادعو الله كثير أن يوفقك بحياتك ويخلي لك زوجتك لا بعدين تندم بعد ما تفكر بعقلك وتترك عنك مشاعرك |
| الساعة الآن 01:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©